Read Yimchungru Naga M. Khün 65 Bible Online

M. Khün 65 - Yimchungru Naga bible

M. Khün 65

¹O Thrünpuh, isanü Zion ching nü mungshi jihpü lah; tüsho nü ki thiyuchihchim thsübah.

²O nü shepünü tamkhüntamnü socho, nü kilim mihtsürü alala arübah.

³Küyimki neakbonü isa zhidoa lakheanü, nünü isanü alakmihkhibo neak bahjih.

⁴Mihtsürü shepü nünü mokhitcho tüsho nü arüngakopung ching lapü thüninde bedarüchonü müngühmühi! Nü yam kukruk atsübo, nü amüsüh arüngyam müngühmühibonü isa reangkeambah.

⁵Thiyuro-lungki ching atrebe rhimokhinü nünü isa ki alobah, O isa akhümkhit Thrünpuh, alomi alala tüsho ketobo akheamnü nü kheak mulonglamchoh;

⁶shepünü nihbuh sühmühnü awungbo, wunü züt thsübah lashih;

⁷nünü ketobo abükde arungkhi, tüsho mihtsürübo arhunganimkhi keamloshih.

⁸Limshu ching larübonü she nü amütsanbo trechoh; nü rhimobonü yapsunü are khiungde asühachih düsheak hande arüchoh.

⁹Nünü alomi rhua kheah tüsho ke duh, nünü ju tode lakhitshih; Thrünpuh yo ayung ju kenü milah; nünü hi bede jih, junangde nünü tsanglunga zo.

¹⁰Nünü aru-kiukhibo dütsütjih tüsho amujukbo zünarih; nünü tsüngshimshimnü ju thünakde kamshih tüsho hibo mukhuhshih.

¹¹Nünü kam ju nü muzhomopungkhinü rünkhitshih, tüsho suhdahkhinü nü lolungbebo zhikhiukshih.

¹²Sunglo rimlopungbo zhikhiukshih; awungbo thrip aban asühachih.

¹³Rimlopungbo mihnu botonü lüpchim; jindükhünbo hibonü mithülam; arünü asühachihde zhichoh tüsho khün thsüchoh.