Read Yimchungru Naga M. Khün 76 Bible Online

M. Khün 76 - Yimchungru Naga bible

M. Khün 76

¹Juda ching Thrünpuh mükheahlah; Israel ching api mung ato lah.

²Salem ching she api arüngkhimyam lah, tüsho Zion ching api lapung lah.

³Apinü ju ching aphürapkhi hühzobo, thirithsü tsung tüsho nukshang yihshak.

⁴Nü a shihwuhnu lakhi müzüngbo kheaknü alü müretahkhi tüsho hodaklah.

⁵Athrungrü mihtsürü yankhia lukhi ching yaplah, arübo yaprama lah; thirithsürü shenü she arü khah mushuhkihkhuk.

⁶O Jakob Thrünpuh, nünü athürühkhinü khorabo tüsho khoraberü chido shea yaplah.

⁷Nü lang atrepü lah. Nü bukakhiukchoki shenü nü miki zhipkhukpü la?

⁸Nünü yinmi chingnü mahkhappü tha, tüsho alominü tre tüsho zhikde la.

⁹Judüki alomi ching junoa larü alala bekhitpü, Thrünpuhnü mahkhappü wusu.

¹⁰Mihtsürü bukakhiukkhinü nü mung shipü lang akhiukshihchoh, tüsho thirithsü ching aninga larünü nü yo thünio niobah.

¹¹ATUNGPUH nü Thrünpuh ki thiyuchihchimang tüsho jurü dünjishang; api mükamde alarünü atrepü thsüde api kilim thsambahbo lude arüshang.

¹²Apinü yakzanshuhrübo me thsümünimchoh; alomi kiulongthsürübonü api trechoh.