Read Yimchungru Naga M. Khün 8 Bible Online

M. Khün 8 - Yimchungru Naga bible

M. Khün 8

¹O ATUNGPUH , isa Tungpuh, alomi alala ching küdükhüh nü mung thudakkhi la! Yinmibo kumung nünü nü müretah zo!

²Ha azürü tüsho khungarübonü khün thsü. Nü a nü riri kheaknü khümkhita tüsho tsokhita lah; nünü nü azhihrü zhikde kamshih.

³Küyimki inü nünü athsükhi thüning kheahba, nünü arü dangpung lashihkhi khinu tüsho chiningbo —

⁴nünü alümjihpü thsüde, tüsho api kümpü thsüde mihtsürü tsührü ju tümü a?

⁵Tütüshe nünü api yunirübo kheaknü anükhüh abobe thrünjih, tüsho müretahkhi tüsho wüntrenü api ku thranjih.

⁶Nünü nü khah rhimo kurung yakzan shuhpü api kilim jih; nünü lüpdükhi api jing khüp zojih,

⁷namfimihnunu tüsho moshipung alala, tüsho mükeak ching shiwüh alala,

⁸thüning ching wuhnu, tüsho keto ching thüngüh, keto ching tsahkhi alala.

⁹O ATUNGPUH , isa Tungpuh, alomi alala ching küdükhüh nü mung thudakkhi la!