Read Yimchungru Naga M. Khün 82 Bible Online

M. Khün 82 - Yimchungru Naga bible

M. Khün 82

¹Amukhungrü ato ching Thrünpuh zhiplah; apinü thrünpuhbo lung mahkhapchoh.

²Nüsanü külokhüh thiyuro mülade mahkhapba, tüsho mihbukmuyuk ki jakkheahba?

³Zhochihrü tüsho mürerü khamloang; thsünükhi tüsho küpkhukrü ki thiyuro rhimoang.

⁴Zhochihrü tüsho müthsümülarü bekhitang; mihbukmuyuk khah chingnü arü zuzu kamshang.

⁵Arünü mümükheah, yungsho arünü manikhit; arü amiting ching tsahchoh; alomi khimtanbo alala niukniuklah.

⁶Inü tha, “Nüsa thrünpuhbo ah, tüsho nüsa alala Khide Achang tsührübo ah.

⁷Tüshe mihtsürü nangde nüsa ashebah, tüsho yakzanshuhrü khülang nangde akeambah.”

⁸Asürang, O Thrünpuh, alomi mahkhapang; tümüde nünü trükshihbo alala yamrüplurüp lubah.