Read Yimchungru Naga M. Khün 90 Bible Online

M. Khün 90 - Yimchungru Naga bible

M. Khün 90

¹ATUNGPUH , lünbo alala ching nü isa lapung lakheah.

²Müzüngbo müthrünkhityide, yungsho nünü alomi tüsho alomiküp mükamshihyide, akheam mülanü akheam müla khiungde, nü Thrünpuh ah.

³Nünü mihtsürü asungthulung lim rholoshih, tüsho tha, “Rholoang, O mihtsürü tsührübo.”

⁴Tümüde nü miki chithürü kambo ju hoabahkhi yini nangde, yungsho azhing ching kim akhihkhüh nangde lah.

⁵Nünü arübo düchi nangde zünde tso; arübo milim khülang nangde lah. Yapsu arübo chinde yükihkhi rim nangde lah:

⁶ju yapsu tode abün pungkhitchoh; arelim ju kiushakchoh tüsho yiuhchoh.

⁷Tümüde nü bukakhiukkhinü isa muyu, tüsho nü mulong zhipzhipnü isa treshih.

⁸Nünü isa amülimbo nü miki, rama lakhi isa neakbo nü yo ayinatrüm ching zo.

⁹Tümüde isa nimungbo alala nü mulong zhipzhip ching hodo; isa kambo sheak thsükhi nangde kheamdo.

¹⁰Isa rhangdung kambo ju kam 70; isa sühmüh lasho kam 80, tüshe jurübonü isa küpkhuk tüsho mulong rozhak hande arüchoh; ha nahde hoabahchoh, isa tsoabahchoh.

¹¹Shepünü nü bukakhiukkhi wu mükheahla? Tümüde nü trekhi nangde, nü mulong zhipzhipkhi lah.

¹²Jumonü isa nimungbo khepü isa ki thsangyuang, junangde isa lümlung lade akambah.

¹³Rholoang, O ATUNGPUH ! Külokhüh? Tüsho nü yamlarübo kheak amuzho laang.

¹⁴O, nü amüthsümnü nahde isa reangkeamshang, junangde isa nimungbo alala ching isanü asühachihbah tüsho asühbah!

¹⁵Nünü isa thsümüchikhi nimungbo, tüsho isanü amütsü ngükhi kambo ayannü isa asühshang.

¹⁶Nü yamlarübo ki nü rhimo, tüsho arü tsührübo ki nü müretah akhiuka huhang.

¹⁷ATUNGPUH isa Thrünpuh jaktsü isa kheak lashang, tüsho isa thsungkheak isa khahnü arhimokhi rünkihshang; am, isa khah rhimo rünkihshang.