Read Yimchungru Naga M. Khün 92 Bible Online

M. Khün 92 - Yimchungru Naga bible

M. Khün 92

¹ATUNGPUH kilim makshe jihpü, tüsho nü mung shide khün thsüpü tsülah, O Khide Achang;

²yapsu nü mihmuzho, tüsho tsüngre aban nü thiyuro khipkhitpü,

³aliu thürü kihkhi bingkhung tüsho bingshang khungde.

⁴Tümüde nü rhimobonü I asühshih, O ATUNGPUH ; nü khah rhimobo dünkheaknü asühde inü khün thsübah.

⁵O ATUNGPUH , nü rhimobo küdükhüh ato a! Nü lümkhibo khide süklah.

⁶Lümzülümdo mülakhi mihtsürünü mümükheah, yungsho makharünü ha manikhit.

⁷Küyimki mihbukmuyuk rim nangde mukhuhba, tüsho küyimki amülim rhimorübo akuk ngüba, ha arü lünnü athsümünimpü lah.

⁸Tüshe ATUNGPUH , nü lünnü achang kheak lah.

⁹Tümüde kheahang, nü riribo, O ATUNGPUH , tümüde kheahang, nü riribo dükheakbah; amülim rhimorü alala hiumüzütbah.

¹⁰Tüshe nünü I mütüm moshipung nangde sühmüh lade kamshih; müdangke asonü I mujude-müsühkhit.

¹¹I müknü inü I riribo kheak künkhi ngüdo; I nükhünbonü inü I azhihrü mihbukmuyuk kheak künkhi sodo.

¹²Thiyuro-lungkirü ju ashidung nangde bükbük atobah, api a Lebanon ching cedar nangde azokihbah.

¹³Sherü ATUNGPUH yam ching khima lanü isa Thrünpuh khikzhakpung ching tsüde alabah.

¹⁴Arübo ashinshu she sangaso asobah; arübo rhüngrhüngde tüsho phüyakde alabah,

¹⁵ATUNGPUH ju alungki de akhipkhitpü labah; api I lungto, tüsho api kheak thiyuro-mülungkikhi tümü müla.