Read Yimchungru Naga M. Khün 99 Bible Online

M. Khün 99 - Yimchungru Naga bible

M. Khün 99

¹ATUNGPUHNÜ kiulongthsüchoh; mihtsürübo ajanshang! Api cherubim dükeak lah; alomi aphapshang!

²ATUNGPUH ju Zion ching ato ah, tüsho api ju mihtsürübo alala kumung achang ah.

³Arünü nü mung ato tüsho atrebe mung shishang — api amüsüh ah.

⁴Wuto kiulongthsüpuhnü she thiyuro muzhochoh; nünü alungki thsakhama zo; nünü Israel ching thiyuro tüsho thiyuro-lungki rhimo.

⁵ATUNGPUH isa Thrünpuh shuhkihang, tüsho api müphü-dubopung ki kingaünang, tümüde api amüsüh ah.

⁶Mosa tüsho Aron api amükeamrübo lung lakheah, tüsho Samuel ju api mung jirü bolung lakheah; arünü ATUNGPUH ki ji, tüsho apinü arü ki alojih.

⁷Apinü amo dungto chingnü arü ki asuk; arünü apinü arü kilim jihkhi tangzüngbo tüsho thiyuzüngbo zo.

⁸Nünü arü ki alojih, O ATUNGPUH isa Thrünpuh; nünü arü rhimobo kheak royima lalashe nü a arü ki neak bahjihrü Thrünpuh lakheah.

⁹ATUNGPUH isa Thrünpuh shuhkihang, tüsho api amüsüh wung kheak kingaünang; tümüde ATUNGPUH isa Thrünpuh ju amüsüh ah.