Read Yimchungru Naga T H S An Gyu T H S An Gr Arü 12 Bible Online

T H S An Gyu T H S An Gr Arü 12 - Yimchungru Naga bible

T H S An Gyu T H S An Gr Arü 12

¹Nü athunu nimungbo ching nü Thrünrü lümkhitang, küpkhuk nimungbo marüyide, tüsho nünü hade athapü kambo müthüninyide, “ Inü jurü ching shih asühpü müla”;

²ani, ayin, khinu tüsho chiningbo mümitingyide tüsho amo ching tsüng marüyikinü;

³thüyam aheangrü ajankhi nimung ching, tüsho sühmüh lakhi mihtsürü hünabahba, tüsho azoberübo hi-chukhi tukloba tümütüsho arü nüklah, tüsho shepünü ayinripit chingnü rimrimde angüba;

⁴küyimki kiudunglimrobo ching khimdopübo rihba, tüsho hi-chukhi düsheak nimde akamba, tüsho wuhnu khungkhinü ayihmusuba, tüsho khün düsheakbo nimde akamba;

⁵küyimki dukhu achangbo trede akamba, tüsho limro ching atrebe laba; almond sangbo pungbah, sangyü-tangkhobo madukathride akambah tüsho akünkhi mülade akambah; tümütüsho alala arü akheahmünchi yam ching yübah, tüsho mitriprübo kiudunglimrobo ching yübah;

⁶shotoyinchi liu mudukkhityide, tüsho suna phurusük müyihrüpyide, tüsho kekhip kinü phüh mütrüyide, tüsho kekung ki lolungbe-jing müyihrüpyide nü Thrünrü lümkhitang,

⁷tüsho atan nangde pang ju alo asungthulung kamlobah, tüsho sheak ju ajihbuh Thrünpuh kilim alode ayübah.

⁸Akeangkeang, akeangkeang, Thsangyuthsangrarünü tha; alala akeangkeang.

⁹Lümlung kheak khiode, Thsangyuthsangrarünü mihtsürü ki mükheahmudu, lümakheahkhi tüsho ayimkhitkhi tüsho müchityu ahihdo tsanglungkhi she thsangyu.

¹⁰Thsangyuthsangrarünü asühbe yubo ngüpü yim, tüsho apinü thiyuro tüsho alungki yubo thrüt.

¹¹Lümlung larünü athakhibo ju tsomüzhean nangde, müchityu hanmukhungkhi ju namfimihnu neakrünü ashuhkhi, ayümramkhi yinchi thsu nangde lah.

¹²I tsah-a, ha hode kümkangang. Hüm hihde athsüpü akheam müla, tüsho khide akhekhinü shihphü keakchoh.

¹³Isanü alala zamrukhi akheam soanü: Thrünpuh treang, tüsho api yukhümbo zoang; tümüde mihtsürünü arhimobe alala ju ha lah.

¹⁴Tümütüsho rhimokhi alala, rama lakhi lüpdükhi, atsü yungsho amütsü bede Thrünpuhnü mahkhap ching hande arübah.