Read Yimchungru Naga T H S An Gyu T H S An Gr Arü 6 Bible Online

T H S An Gyu T H S An Gr Arü 6 - Yimchungru Naga bible

T H S An Gyu T H S An Gr Arü 6

¹Alomiküp ching amütsü rhimo khülang lakhi inü ngüdo, tüsho ju mihtsürü kheak mülangde ajaplah:

²sherü kilim Thrünpuhnü lakhit, yamalo tüsho akinashu jihcho, junangde arünü akünkhi tümü she amülakhi müla, tütüshe Thrünpuhnü arü ki harü kukrukbo kheak masühshih tüshe hanrü khülangnü jurü yihnüpü thsüchoh. Ha akeangkeang; ha amütsüdakbe lah.

³Mihtsürü khülangnü tsührü 100 lapü kuklah; apinü rhangdung ching masühsho, yungsho kiuyuka mübahsho, shea zübekhi khungarü khülang ju api kheaknü atsübe ah de inü thachoh.

⁴Tümüde ju akeangkeang ching arüchoh tüsho amiting ching yüchoh, tüsho amiting ching ju mung muhiudoa lah;

⁵ani müngü yungsho tümükhüh she mümükheah; tütüshe api kheaknü ha sühakhim ngüchoh.

⁶Apinü kam 2000 lalashe, atsü tümü masüh-a lusho — alala dangpung khülang ching yüchoh yung de?

⁷Mihtsürü rhimo alala atsühpü thsungkheak ah, tütüshe atsühnekhi reangmükeam.

⁸Tümüde lümlung larünü makharü kurungkheak tümü alü thsüpü la? Tüsho rhangdung lapü mükheahrü zhochihrü tümü la?

⁹Künde alümkhi kheaknü a müknü angükhi atsübe ah; ha she akeangkeang tüsho apung dunglim müshamkhi lah.

¹⁰Tümüpürü dünjichonü adüsonü lümakheahdo, tüsho mihtsürü ju tümüanü mükheahlah tüsho mihtsürü khülangnü api kheaknü sühmüh labuh kheak matsangachihkhuk.

¹¹Thiyu hihsho, akeangkeang hihlah, jumonü küde thsah khürü ju atsübe lapü?

¹²Tümüde arünü alamme khülang ruk hode, arü akeangkeang rhangdung nimung anükhüh lachoki mihtsürübo thsungkheaknü shepünü atsü tümü mükheahla? Api she dunglim alomiküp ching tümü dünjibanü shenü thakhukla?