Read Yimchungru Naga Isa 35 Bible Online

Isa 35 - Yimchungru Naga bible

Isa 35

¹Sunglo tüsho akung lo asühbah, loshelo asühachihbah tüsho apungbah; mumükin sangbün nangde,

²suhdahde apungbah tüsho asühde khün thsüde asühachihbah. Lebanon müretahkhi ju kheak jihbah, Karmel tüsho Sharon wüntre-müretah labah. Arünü ATUNGPUH müretahkhi, isa Thrünpuh wüntre-müretah ngübah.

³Khah sühmüh mülarü reangzahshang tüsho mukhuk niknikrü düküngshang.

⁴Mulong ajande alarü ki thaang, “ Reangzahang, dütre! Ha ching nüsa Thrünpuh lah. Apinü atrebe thsüde athrihlopü royimjihpü arübah. Api arübah tüsho nüsa khümkhitbah.”

⁵Judüki müktukrü mükbo khimshuhbah tüsho nükhünpeangrünü asobah;

⁶Judüki jingkikrünü shihmüchi nangde ajukbah, tüsho mulokikrünü asühkhi khün thsübah. Tümüde sunglo ching ke bukkhitbah tüsho loshelo ching yungzü labah;

⁷takde alakhi loyi ju muliuke kambah tüsho kethürikhi lo ju kenü kambah; Shirung lapung ching rimkiu, kiupungbo tüsho khiukbo mukhuhbah.

⁸Ju ching limto khülang labah tüsho ju Amüsüh Limro de ajibah; mümüsühkhinü ju kheak mütsah, tüshe ha Thrünpuh mihtsürü thsungkheak labah; hantsahrü, makharünü she mütsahmih.

⁹Ju ching kekhüzü müla yungsho akhümkhi shiwüh ju kheak marü; arübo ju ching müngü tüshe rhokhita larü ju ching tsahbah.

¹⁰Tüsho ATUNGPUH zuzu alodarübah tüsho khün thsüde Zion lim arübah; akheam mülakhi asühachihkhi arü ku kheak labah; arünü asühpü tüsho asühara ngübah, tüsho mulong rozhak tüsho sheak-dükip tsoabahbah.