Read Yimchungru Naga Ezk 2 Bible Online

Ezk 2 - Yimchungru Naga bible

Ezk 2

¹Apinü I ki tha, “Mihtsürü tsührü, zhipang tüsho inü nü ki asukanü.”

²Apinü asukkhi nangde, I kheak me arü tüsho I asürüshih, tüsho apinü I ki asukkhi inü so.

³Apinü tha: “Mihtsürü tsührü, inü nü Israel, I azhih trükshih kilim yüshihchoh; arü le arü bebuhrünü khihni khiungde I azhihde arüdo.

⁴Inü nü yüshihpung mihtsürü ju arhükrhük tüsho anihnih ah. Arü ki thaang, ‘ Wuto Atungpuh THRÜNPUHNÜ ha thachoh.’

⁵Tüsho arünü anini she yungsho manini she — tümüde arü ju azhihkhi yamkhün ah — arü bolung wukihrü lakheah de arünü amükheahbah.

⁶Tüsho mihtsürü tsührü, nünü arü ki yungsho arü yubo dütre. Nü mühide ayangsang tüsho ayangbo lalashe tüsho lungthsühribo lung nü lalashe nünü dütre. Arü ju azhih yamkhün thsüthsü she, arünü athakhi yungsho arünü müzünkhi dütre.

⁷Arünü anini she yungsho manini she nünü arü ki I yubo asukbeah, tümüde arübo azhihrü ah.

⁸“Tüshe mihtsürü tsührü, inü nü ki tümü thachonü aniang. Azhihkhi yamkhün nangde I dazhih; nü mün kaang tüsho inü tümü nü ki jihchonü tsühang.”

⁹Judüki inü kheah, tüsho I ki khah chunghuhkhi inü ngü, tüsho ju ching küpqiu khülang lakheah.

¹⁰Apinü ju I miki trün; ju thripkhüh thripkhüh tüzhokhi le mitripkhi tüsho ayokhe yubo thrüta lakheah.