Read Yimchungru Naga Wüh 1 Bible Online

Wüh 1 - Yimchungru Naga bible

Wüh 1

¹Israelrü mihtsürü Ijip chingnü akhiukshu kam mahnepü khinu mahne nimung akhuhbe nipü, ATUNGPUHNÜ Mosa ki Sinai sunglo ching api shorupung khimyam chingnü tha,

²Israelrü tsührübo arü yamkhün, arü buhrü, athrürü aban aku thsükhi yande wühkhe luang;

³Israel ching kam muku tüsho akumung sherü keochih yükhuklanü Aron nükenü nihbuh bonungrü ayannü arübo kheang.

⁴Tüsho nü lung trük aban chingnü mihtsürü khülang khülang, kuku chingnü abande alabah,

⁵mihtsürü harübonü nü rungbah: Reuben chingnü Shedeur tsührü Elizur,

⁶Simeon chingnü Zurishaddai tsührü Shelumiel,

⁷Juda chingnü Amminadab tsührü Nashon,

⁸Issakar chingnü Zuar tsührü Nethanel,

⁹Zebulun chingnü Helon tsührü Eliab,

¹⁰Josep tsührü chingnü: Ephraim chingnü Ammihud tsührü Elishama tüsho Manase chingnü Pedazur tsührü Gamaliel;

¹¹Benjamin chingnü Gideoni tsührü Abidan,

¹²Dan chingnü Ammishaddai tsührü Ahiezer,

¹³Asher chingnü Okran tsührü Pagiel,

¹⁴Gad chingnü Deuel tsührü Eliasaph,

¹⁵Naphtali chingnü Enan tsührü Ahira.

¹⁶Harübo ha trük boto chingnü amokhitkhi arü jipürü trük ching limberübo, Israel gukbo ching akubo lakheah.

¹⁷Mosa le Aron bünenü mung thrütyukrübo bea lu,

¹⁸tüsho khinu mahne nimung atan ni, arübo boto alala mukhung; arübonü guk tüsho yamkhün ayannü kam muku tüsho akumung mihbüm aban mung thrütyuk.

¹⁹ATUNGPUHNÜ Mosa ki thiyukhüm jihkhi nangde Sinai sunglo ching arü mung khea lu.

²⁰Israel tsührü adüjibuh Reuben trük chingnü: Athrürü alala kam muku tüsho ju akumung thirithsü ching yükhukpü larübo mung khülang khülangnü arü guk tüsho yamkhün yande khekhit,

²¹Reuben trük chingnü wühkhekhi 46,500.

²²Simeon trük chingnü: Athrürü alala kam muku tüsho ju akumung thirithsü ching yükhukpü larübo mung khülang khülangnü arü guk tüsho yamkhün yande khekhit.

²³Simeon trük chingnü wühkhekhi 59,300.

²⁴Gad trük chingnü: Athrürü alala kam muku tüsho ju akumung thirithsü ching yükhukpü larübo mung khülang khülangnü arü guk tüsho yamkhün yande khekhit.

²⁵Gad trük chingnü wühkhekhi 45,650.

²⁶Juda trük chingnü: Athrürü alala kam muku tüsho ju akumung thirithsü ching yükhukpü larü mung khülang khülangnü arü guk tüsho yamkhün yande khekhit.

²⁷Juda trük chingnü wühkhekhi 74,600.

²⁸Issakar trük chingnü: Athrürü alala kam muku tüsho ju akumung thirithsü ching yükhukpü larübo mung khülang khülangnü arü guk tüsho yamkhün yande khekhit.

²⁹Issakar trük chingnü wühkhekhi 54,400.

³⁰Zebulun trük chingnü: Athrürü alala kam muku tüsho ju akumung thirithsü ching yükhukpü larübo mung khülang khülangnü arü guk tüsho yamkhün yande khekhit.

³¹Zebulun trük chingnü wühkhekhi 57,400.

³²Josep tsührübo chingnü: Ephraim trük chingnü: Athrürü alala kam muku tüsho ju akumung thirithsü ching yükhukpü larübo mung khülang khülangnü arü guk tüsho yamkhün yande khekhit.

³³Ephraim trük chingnü wühkhekhi 40,500.

³⁴Manase trük chingnü: Athrürü alala kam muku tüsho ju akumung thirithsü ching yükhukpü larübo mung khülang khülangnü arü guk tüsho yamkhün yande khekhit.

³⁵Manase trük chingnü wühkhekhi 32,200.

³⁶Benjamin trük chingnü: Athrürü alala kam muku tüsho ju akumung thirithsü ching yükhukpü larübo mung khülang khülangnü arü guk tüsho yamkhün yande khekhit.

³⁷Benjamin trük chingnü wühkhekhi 35,400.

³⁸Dan trük chingnü: Athrürü alala kam muku tüsho ju akumung thirithsü ching yükhukpü larübo mung khülang khülangnü arü guk tüsho yamkhün yande khekhit.

³⁹Dan trük chingnü wühkhekhi 62,700.

⁴⁰Asher trük chingnü: Athrürü alala kam muku tüsho ju akumung thirithsü ching yükhukpü larübo mung khülang khülangnü arü guk tüsho yamkhün yande khekhit.

⁴¹Asher trük chingnü wühkhekhi 41,500.

⁴²Naphtali trük chingnü: Athrürü alala kam muku tüsho ju akumung thirithsü ching yükhukpü larübo mung khülang khülangnü arü guk tüsho yamkhün yande khekhit.

⁴³Naphtali trük chingnü wühkhekhi 53,400.

⁴⁴Harübo ha Mosa le Aron anenü Israelrü limberübonü rungde athrürü thürükheak mahne, nihbuh jipürü guk ayannü akhekhibo ah.

⁴⁵Jumonü Israelrübo alala nihbuh jipürü guk yande, kam muku tüsho akumung, mihtsürü abannü Israel ching keochih yükhukpü larü —

⁴⁶arü wühkhekhi alalanü 603,550.

⁴⁷Tüshe Levirübo a mührü bolung arü buhrü trük yande mükheyuk;

⁴⁸tümüde ATUNGPUHNÜ Mosa ki tha,

⁴⁹“Nünü Levi trük lang dükheyuk yungsho Israelrü tsührü bolung arü wühkhe mulu;

⁵⁰tüshe nünü Levirübo a I lapung khimyam tüsho kukrukbo kurungkheak akheahrü mokhitang. Arünü arüngyam tüsho kukruk hande ju ching tankihbah, tüsho ju mühi arü binkheampungbo thsübah.

⁵¹Tüsho küyimki kingaün yam ju akhinbanü, Levirünü ju shuhkihbah; tüsho küyimki kingaün yam ju azhipshihbanü, Levirünü ju zhipshihbah, püpürü shepü ju phünide arübanü asheshihbah.

⁵²Israelrü tsührübonü nihbuh tsükhi tüsho bonungrü ayannü binkheampung ching khimyam thsübah;

⁵³tüshe Levirübo a kingaün yam neakde ju mühi arü binkheampungbo thsübah, junangde shenü phünide marü tüsho Israelrü kheak shikpü I bukmakhiukshih.”

⁵⁴Jumonü ATUNGPUHNÜ Mosa ki thiyukhüm jihkhi nangde Israelrünü alala rhimo.