Read Yimchungru Naga Wüh 26 Bible Online

Wüh 26 - Yimchungru Naga bible

Wüh 26

¹Tüsho arüm hoabahshu ATUNGPUHNÜ Mosa tüsho amükeambuh Aron tsührü Eleazar ki tha,

²“ Israelrü tsührü kam mukunü akumung thirithsü ching yükhukpü thsüde arü buhtsüh wühkhe luang.”

³Jumonü Mosa tüsho amükeambuh Eleazarnü Jirikho hode yübah, Jordan ki Moab dükhün ching arü ki tha,

⁴“ Mosa tüsho Israel mihtsürübo, Ijip lo chingnü akhiukrübo ki ATUNGPUHNÜ thiyukhüm jihkhi nangde mihtsürübo kam mukunü akumung wühkhe luang.” Harü ha Ijip chingnü akhiukkhi Israelrübo:

⁵Jakob tsührü adüjibuh Reuben tsühsoniusobo: Hanok kheaknü Hanokrü guk kam; Pallu kheaknü Pallu guk kam;

⁶Hezron kheaknü Hezronrü guk kam; Karmi kheaknü Karmirü guk kam.

⁷Harübo ha Reubenrü gukbo lakheah; tüsho arü wühkhe ju 43,730.

⁸Eliab ju Pallu tsührü,

⁹tüsho Eliab tsührübo ju Nemuel, Dathan tüsho Abiram. Dathan tüsho Abiram büne ha arünü ATUNGPUH azhihchoki boto mung chingnü amokhitkhi, Mosa le Aron azhihde Kora jingyanrü bolung bekheah;

¹⁰tüsho alonü amün kabah ane Kora lung muyuabah, api jingyanrü 250 monü taksahabah; tüsho arübo amütsan khülang kam.

¹¹Judüalalashe Kora tsührübo a müshe.

¹²Simeon tsühsoniusobo arü guk ayannü: Nemuel kheaknü Nemuelrü guk kam; Jamin kheaknü Jaminrü guk kam; Jakin kheaknü Jakinrü guk kam;

¹³Zera kheaknü Zerarü guk kam; Shaul kheaknü Shaulrü guk kam.

¹⁴Harü gukbo wühkhe ju 22,200.

¹⁵Gad tsühsoniusobo arü guk ayannü: Zephon kheaknü Zephonrü guk kam; Haggi kheaknü Haggirü guk kam; Shuni kheaknü Shunirü guk kam;

¹⁶Ozni kheaknü Oznirü guk kam; Eri kheaknü Erirü guk kam;

¹⁷Arodi kheaknü Arodirü guk kam; Areli kheaknü Arelirü guk kam.

¹⁸Harübo ha Gad gukbo lakheah; arü wühkhe ju 40,500.

¹⁹Er tüsho Onan ane Juda tsührü lakheah, tüshe ane Kanan ching sheabah.

²⁰Tüsho Juda tsühsoniusobo arü guk ayannü: Shela kheaknü Shelarü guk kam; Perez kheaknü Perezrü guk kam; Zera kheaknü Zerarü guk kam.

²¹Perez tsühsoniusobo: Hezron kheaknü Hezonrü guk kam; Hamul kheaknü Hamulrü guk kam.

²²Harübo ha Juda gukbo; arü wühkhe ju 76,500.

²³Issakar tsühsoniusobo arü guk ayannü: Tola kheaknü Tolarü guk kam; Pua kheaknü Puarü guk kam;

²⁴Jashub kheaknü Jashubrü guk kam; Zhimron kheaknü Zhimronrü guk kam.

²⁵Harübo ha Issakar gukbo; arü wühkhe ju 64,300.

²⁶Zebulun tsühsoniusobo arü guk ayannü: Elon kheaknü Elonrü guk kam; Jaleel kheaknü Jaleelrü guk kam;

²⁷Harü ha Zebulun gukbo; arü wühkhe ju 60,500.

²⁸Josep tsühsoniusobo arü guk yande alakhi ju Manase tüsho Ephraim.

²⁹Manase tsühsoniusobo: Makir kheaknü Makirü guk kam ( Makir ju Gilead abuh lakheah); Gilead kheaknü Gileadrü guk kam.

³⁰Gilead tsühsoniusobo: Iezer kheaknü Iezerrü guk kam; Helek kheaknü Helekrü guk kam;

³¹Asriel kheaknü Asrielrü guk kam; Shekem kheaknü Shekemrü guk kam;

³²Shemida kheaknü Shemidarü guk kam; Hepher kheaknü Hepherrü guk kam,

³³Hepher tsührü Zelophehad a tsührü athrürü müla, tüshe tsührü aliberübo lang alakheah: arübo mung ju Mahla, Noa, Hogla, Milka tüsho Tirza.

³⁴Harübo ha Manase gukbo; arü wühkhe ju 52,700.

³⁵Ha Ephraim tsühsoniusobo arü guk ayannü: Shuthela kheaknü Shuthelarü guk kam; Beker kheaknü Bekerrü guk kam; Tahan kheaknü Tahanrü guk kam.

³⁶Shuthela tsühsoniusobo Eran kheaknü, Eranrü guk kam.

³⁷Harü ha Ephraim gukbo; arü wühkhe ju 32,500. Harübo ha Josep kheaknü trükkhitde arükhi gukbo ah.

³⁸Benjamin tsühsoniusobo arü guk ayannü: Bela kheaknü Belarü guk kam: Ashbel kheaknü Ashbelrü guk kam; Ahiram kheaknü Ahiramrü guk kam;

³⁹Shuphan kheaknü Shuphanrü guk kam; Hupham kheaknü Huphamrü guk kam.

⁴⁰Bela tsührütsührü Ard tüsho Naaman kheaknü arükhi: Ard kheaknü Ardrü guk kam; Naaman kheaknü Naamanrü guk kam.

⁴¹Harü ha Benjamin gukbo; arü wühkhe ju 45,600.

⁴²Ha Dan tsühsoniusobo guk: Shuham kheaknü Shuhamrü guk kam;

⁴³arü wühkhe ju 64,400.

⁴⁴Asher tsühsoniusobo arü guk ayannü: Imna kheaknü Imnarü guk kam; Ishvi kheaknü Ishvirü guk kam; Beria kheaknü Beriarü guk kam.

⁴⁵Tüsho Beria tsühsoniusobo: Heber kheaknü Heberrü guk kam; Malkiel kheaknü Malkielrü guk kam;

⁴⁶Asher tsührü aliberü amung Sera lakheah.

⁴⁷Ha Asher gukbo; arü wühkhe ju 53,400.

⁴⁸Naphtali tsühsoniuso gukbo: Jazeel kheaknü Jazeelrü guk kam; Guni kheaknü Gunirü guk kam;

⁴⁹Jezer kheaknü Jezerrü guk kam; Shillem kheaknü Shillamrü guk kam.

⁵⁰Ha Naphtali gukbo; arü wühkhe ju 45,400.

⁵¹Israel mihtsürübo wühkhekhi alala thsürubah 601,730.

⁵²ATUNGPUHNÜ Mosa ki tha,

⁵³Alo ju arü wühkhe ayannü yamrüplurüp thsüde mülüjihkheah.

⁵⁴Boto ato kilim yamrüplurüp ato jihang, tüsho boto anini kilim aninibe jihang; wühkhekhi ching thrütyukkhi yande mihtsürü abannü nihbuh yamrüplurüp leangkhishang.

⁵⁵Tüshe alo ju azan thsüde achambeah; arübonü nihbuh jipürü trük mungji yande yamrüplurüp lubah.

⁵⁶Azan thsüde yamrüplurüp ju boto ato tüsho anini dükeak ching chamjihbeah.

⁵⁷Ha Levirü guk khekhi: Gershon kheaknü Gershonrü guk kam; Kohath kheaknü Kohathrü guk kam: Merari kheaknü Merarirü guk kam.

⁵⁸Levirü gukbo: Libnirü guk, Hebronrü guk, Mahlirü guk, Mushirü guk, Korarü guk, tüsho Kohath ju Amram abuh lakheah.

⁵⁹Amram niube ju Levirü tsührü Ijip chingnü azübekhi, Jokebed; tüsho anihbenü Amram kilim Aron, Mosa tüsho Miriam zübejih.

⁶⁰Aron kilim Nadab, Abihu, Eleazar tüsho Ithamar zübejih.

⁶¹Tüsho Nadab le Abihu ane ATUNGPUH miki mümülükhi mo jihchoki sheabah.

⁶²Levirü athrürü alala khinu khülang yungsho ju kumung wühkhekhi ju 23,000. Arübo Israelrü püpürü lung mükheyuk tümütüsho arübo a arü lung yamrüplurüp mulu.

⁶³Harü ha Mosa tüsho amükeambuh Eleazar anenü Jirikho hode yübah Jordan yean Moab dükhün ching Israel mihtsürü wühkhekhibo ah.

⁶⁴Tüshe harü bolung Mosa tüsho amükeambuh Aronnü Sinai sunglo ching Israel mihtsürü wühkhekhi ching zahrü sheshe mübe.

⁶⁵Tümüde ATUNGPUHNÜ arü dünkheaknü tha, “ Tsükjide arübo sunglo ching shebah.” Jumonü Jephunne tsührü Kaleb tüsho Nun tsührü Jihusua kheak hode mihtsürü sheshe maning.