Read Yimchungru Naga Wüh 29 Bible Online

Wüh 29 - Yimchungru Naga bible

Wüh 29

¹Khinu thünepü atan ni, nüsanü amüsüh amukhung laang, tüsho rhimo achak tümü she dürhimo. Nüsa thsungkheaknü ha nimung hulipungpung mütkhi nimung ah.

²Nüsanü ATUNGPUH kilim taka kingaünde arhümthüneashihpü ju: moshipung nunu 1, namfimihnupung 1, tüsho kam khülang bankhi namfimihnunu 7, jurübo alala lapha mükihkhi thsübeah.

³Jurü lungnü ayikangkang ching oliv müdangke yukbah hi kingaün jihpü: moshipung thsungkheak khahngak 3, namfimihnupung thsungkheak khahngak 2,

⁴tüsho namfimihnunu 7 abande khahngak 1;

⁵kheaküshe nüsa dünthsükhipü mihnupung 1 neak kingaün jihang;

⁶jurübo ju khinu aso ching hi taka kingaünkhi, mutukzhakde hi taka kingaünkhi, tüsho ayungbe kingaün, thiyuzüngbo yande monü taka kingaünkhinü ATUNGPUH kilim arhümthüneashang.

⁷Khinu thüne nimung thürüpü ching nüsanü amüsüh amukhung laang, nüsa me thsünüang tüsho rhimo achak tümü she dürhimo.

⁸Nüsanü ATUNGPUH kilim taka kingaünde arhümthüneashihpü ju: moshipung nunu 1, namfimihnupung 1 tüsho kam khülang bankhi namfimihnunu 7. Jurü alala lapha mükihkhi thsübeah.

⁹Ayikangkang ching oliv müdangke yukbah hi kingaünpü ju: moshipung thsungkheak khahngak 3, namfimihnupung thsungkheak khahngak 2,

¹⁰tüsho namfimihnunu 7 abande khahngak 1;

¹¹kheaküshe neak kingaünpü mihnupung 1 mutukzhakde taka kingaün, hi kingaün tüsho ayungbe kingaün lungnü jihang.

¹²Khinu thüne nimung thürükheak phüngü nipü nüsanü amüsüh amukhung laang, nüsanü rhimo achak tümü mürhimo tüsho nüsanü ATUNGPUH kilim nimung thüne thünio mungang.

¹³Nüsanü A TUN GPU H kilim taka kingaünde arhümthüneashihpü ju: moshipung nunu 13, namfimihnupung 2, tüsho kam khülang bankhi namfimihnunu 14. Jurü alala lapha mükihkhi thsübeah.

¹⁴Ju lung ayikangkang ching oliv müdangke yukbah hi kingaünpü: moshipung 13 abande khahngak 3, namfimihnupung 2 abande khahngak 2,

¹⁵tüsho namfimihnunu 14 abande khahngak 1;

¹⁶kheaküshe neak kingaünpü mihnupung 1 mutukzhakde taka kingaünkhi, hi kingaün tüsho ayungbe kingaün lungnü jihang.

¹⁷Mahne nipü moshipung 12, namfimihnupung 2, namfimihnunu kam khülang bankhi 14 lapha mükihkhi jihang,

¹⁸tüsho hi kingaünkhi, ayungbe kingaünkhi, moshipungbo, namfimihnupungbo tüsho namfimihnunu kheak lüpde ajihbebo arü wühkhe thiyuzüng yande jihang;

¹⁹kheaküshe neak kingaünpü mihnupung 1 mutukzhakde taka kingaün, hi kingaün tüsho ayungbe kingaün lungnü jihang.

²⁰Nimung mahsam nipü ching moshipung 11, namfimihnupung 2, kam khülang bankhi namfimihnunu 14 lapha mükihkhi jihang,

²¹tüsho moshipungbo, mihnupung, tüsho namfimihnunu kheak lüpde ajihpü lakhi hi kingaün tüsho ayungbe kingaün arü wühkhe thiyuzüngbo yande jihang;

²²kheaküshe neak kingaünpü mihnupung 1 mutukzhakde taka kingaünkhi, hi kingaün, tüsho ayungbe kingaün lungnü jihang.

²³Nimung phüyipü ching moshipung 10, mihnupung 2 tüsho kam khülang bankhi namfimihnunu 14 lapha mükihkhi jihang,

²⁴tüsho moshipungbo, namfimihnupungbo tüsho namfimihnunubo kheak lüpde hi kingaün tüsho ayungbe kingaünbo arü wühkhe thiyuzüng yande jihang;

²⁵kheaküshe neak kingaünpü mihnupung 1 mutukzhakde taka kingaün, hi kingaün tüsho ayungbe kingaün lungnü jihang.

²⁶Phüngü nipü ching moshipung 9, namfimihnupung 2, tüsho kam khülang bankhi namfimihnunu 14 lapha mükihkhi jihang,

²⁷tüsho moshipungbo, namfimihnupungbo tüsho namfimihnunubo kheak lüpde ajihbe hi kingaün ju arü wühkhe thiyuzüng yande jihang;

²⁸kheaküshe neak kingaünpü mihnupung 1 mutukzhakde taka kingaünkhi, hi kingaün tüsho ayungbe kingaün lungnü jihang.

²⁹Athuruk nipü moshipung 8, namfimihnupung 2, tüsho kam khülang bankhi namfimihnunu 14 lapha mükihkhi jihang,

³⁰tüsho moshipungbo, mihnupungbo, tüsho namfimihnunubo kheak lüpde hi kingaün ju arü wühkhe thiyuzüng yande jihang;

³¹kheaküshe neak kingaünpü mihnupung 1 mutukzhakde taka kingaün, hi kingaün tüsho ayungbe kingaün lungnü jihang.

³²Athüne nipü moshipung 7, namfimihnupung 2, tüsho kam khülang bankhi namfimihnunu 14 lapha mükihkhi jihang,

³³tüsho moshipungbo, mihnupungbo tüsho namfimihnunubo kheak lüpde hi kingaün tüsho ayungbe kingaün ju arü wühkhe thiyuzüng yande jihang;

³⁴kheaküshe neak kingaünpü mihnupung 1 mutukzhakde taka kingaün, hi kingaün tüsho ayungbe kingaün lungnü jihang.

³⁵Atizheah nipü ju nüsanü amüsüh amukhung laang, tüsho rhimo achak tümü dürhimo.

³⁶Nüsanü ATUNGPUH kilim taka kingaünde arhümthüneashihpü ju: moshipung 1, namfimihnupung 1, kam khülang bankhi namfimihnunu 7 lapha mükihkhi jihang,

³⁷tüsho moshipung, namfimihnupung tüsho namfimihnunubo kheak lüpde hi kingaün tüsho ayungbe kingaün ju arü wühkhe thiyuzüng yande jihang;

³⁸kheaküshe neak kingaünpü mihnupung 1 mutukzhakde taka kingaün, hi kingaün, tüsho ayungbe kingaün lungnü jihang.

³⁹Harü ha nüsa thiyuchihchim kingaün tüsho arung kingaün jihkhi lungnü taka kingaün tüsho hi kingaün, ayungbe kingaün tüsho mungtsü kingaünbo thsüde akhukhitkhi thünio kimbo ching nüsanü ATUNGPUH kilim jihang.

⁴⁰Jumonü ATUNGPUHNÜ thiyukhüm jihkhi nangde Mosanü lüpdükhi Israel mihtsürübo ki thakham.