Read Yimchungru Naga Wüh 33 Bible Online

Wüh 33 - Yimchungru Naga bible

Wüh 33

¹Harübo ha Mosa tüsho Aron anenü Israel mihtsürü arü bonungrü bebah Ijip ching hantsahkhibo ah.

²Kheakü Mosanü ATUNGPUH yukhüm yande arü hantsahchoki binkheampungbo thrütyuk. Tüsho harü ha arü hantsahkhi akhinashu:

³Arünü akhuhbe khinu thürükheak phüngü nipü ching Rameses chingnü tsahmusu; phungho-thünio shidopü Israelrünü Ijiprü mük kinü mulong ato thsübah wukhiuk.

⁴Judüki Ijiprübo arü tsührü adüjirü ATUNGPUHNÜ alaksahkhi kiuyuka bahde alakheah; kheaküshe arü thrünpuhbo kheak ATUNGPUHNÜ mahkhapkhi rhimo handarü.

⁵Jushu Israel mihtsürübo Rameses chingnü akhinbah Sukkoth ching binkheam.

⁶Arü Sukkoth chingnü akhinbah sunglo tsünthri yean Etham ching binkheam.

⁷Arü Etham chingnü akhinbah Baal Zephon aniakhiuklim, Pi-hahiroth lim rholode arü; tüsho arü Migdol phünide binkheam.

⁸Arü Pi-hahiroth chingnü keto hode sunglo ching yü, tüsho arü Etham sunglo ching nimung mahsam tsahchoki, arü Mara ching binkheam.

⁹Arü Mara chingnü akhinde Elim ching yü, ju ching kekhip thürükheak mahne tüsho ashidung nerü lakheah, tüsho arü ju ching binkheam.

¹⁰Arü Elim chingnü akhinde yünü Amürüm Keto ching binkheam.

¹¹Jushu arü Sin sunglo ching binkheam.

¹²Jushu arü Dophka ching arü,

¹³tüsho jushu Atush ching arü.

¹⁴Ju khin ke yungpü müngüpung Rephidim ching arü.

¹⁵Arü Rephidim chingnü akhinbah Sinai sunglo ching arü,

¹⁶ju chingnü Kibroth Hattaava ching arü,

¹⁷ju chingnü Hazeroth ching arü,

¹⁸ju chingnü Rithma ching arü,

¹⁹ju chingnü Rimmon Perez ching arü,

²⁰ju chingnü Libna ching arü,

²¹ju chingnü Rissa ching arü,

²²ju chingnü Kehelatha ching arü,

²³ju chingnü Shepher wung ching arü,

²⁴ju chingnü Harada ching arü,

²⁵ju chingnü Makheloth ching arü,

²⁶ju chingnü Tahath ching arü,

²⁷ju chingnü Tera ching arü,

²⁸ju chingnü Mithka ching arü,

²⁹ju chingnü Hashmona ching arü,

³⁰ju chingnü Moseroth ching arü,

³¹ju chingnü Bene Jaakan ching arü,

³²ju chingnü Hor Hagidgad ching arü,

³³ju chingnü Jotbatha ching arü,

³⁴ju chingnü Abrona ching arü,

³⁵ju chingnü Ezion Geber ching arü,

³⁶ju chingnü Kadesh de ajihkhi Zin sunglo ching arü,

³⁷ju chingnü Edom lomi aredung kheak, Hor Müzüng ching arü.

³⁸Tüsho ATUNGPUHNÜ thiyukhüm jihkhi nangde amükeambuh Aronnü Hor Müzüng ching wutu, tüsho Israel mihtsürü Ijip chingnü akhiukbah kam yirü khinu phüngü atan nimung api ju ching sheabah.

³⁹Aron ju Hor Müzüng ching shechoki asürükhi kam 123 lakheah.

⁴⁰Kheakü Kananrü Arad kiulongthsüpuh, Kanan lomi Negeb ching labuhnü Israelrü arükhi so.

⁴¹Jumonü arü Hor Müzüng chingnü tsahmusubah Zalmona ching binkheam,

⁴²ju chingnü Punon ching arü,

⁴³ju chingnü Oboth ching arü,

⁴⁴ju chingnü Moab aredung, Ije Abarim ching arü,

⁴⁵ju chingnü Dibon Gad ching arü,

⁴⁶ju chingnü Almon Diblathaim ching arü,

⁴⁷ju chingnü Nebo phünide Abarim wungbo ching arü;

⁴⁸ju chingnü Jirikho hobah Jordan ki Moab dükhünbo ching arü,

⁴⁹tüsho arü Moab dükhünbo ching Jordan ki, Beth Jeshimoth chingnü Abel-shittim khiungde binkheam.

⁵⁰Kheakü Jirikho hobah Jordan ki, Moab dükhün ching ATUNGPUHNÜ Mosa ki tha,

⁵¹“ Israel mihtsürübo ki thaang: Küyimki nüsa Jordan hobah Kanan lo ching yüzahbanü,

⁵²nüsanü ju lo ching larü alala yankhitbah lungnü kikiukkhi sangthsübo, tüsho dangpungbo alala thsümünimjang;

⁵³nüsanü ju lo ching larü yankhitbahle ju ching laang, tümüde nüsa lashihpü alo inü jihdo.

⁵⁴Tüsho nüsa buhtsüh ayannü alo yamrüplurüp ju azan thsüde chama luang; buhtsüh torü kilim nünü yamrüplurüp ato jihang, tüsho buhtsüh ninirü kilim anini jihang; mihtsürü aban yamrüplurüp ju nihbuh kheak azan akhiukkhi yande alabah. Nüsanü nüsa buhrü trükbo yande yamrüplurüp luang.

⁵⁵Tüshe nüsanü ju lo ching larü yankhita mübahsho, nüsanü aninga zorübo junü nüsa mük alühde alabah tüsho nüsa rheang ki ayang thsübah; tüsho nüsa lakhi lomi ching arünü nüsa küpkhuk jihbah.

⁵⁶Jude yungsho inü arü kheak tümü rhimopü lümlanü nüsa kheak rhimobah.”