Read Yimchungru Naga Wüh 34 Bible Online

Wüh 34 - Yimchungru Naga bible

Wüh 34

¹Tüsho ATUNGPUHNÜ Mosa ki tha,

²Israel mihtsürübo ki thiyukhüm jihang, Küyimki nüsa Kanan lo ching arübanü, nüsa kilim mülüjihpü yamrüplurüp lo aredungbo ju harü ah:

³Nüsa yo düjinglim aredung ju Zin sunglo chingnü Edom aredung yanlah; tüsho düjinglim aredung kheaknü aniakhiuklim Thimi Keto akheam kheak khiungbah;

⁴nüsa aredung ju düjinglim Akrabbim hobah, Zin chingnü Kadesh-barnea khiungbah; ju chingnü Hazar Addar tüsho Azmon khiungbah;

⁵aredung ju Azmon kheaknü Ijip aredung kebo khiungbah, tüsho Keto kheak arün thsübah.

⁶Aniyüzahlim aredung ju, Ato Keto labah; ha nüsa thsungkheaknü aniyüzahlim aredung labah.

⁷Tüsho dukulim aredung ha labah: Ato Keto kheaknü Hor Müzüng khiungde aredung yukang;

⁸Hor Müzüng kheaknü Hamath limro khiungde aredung yukang; jushu aredung yuklangde Zedad khiungbah;

⁹aredung ju Ziphron thrip yübah, tüsho Hazar Enan kheak arün thsübah. Ha nüsa yo dukulim aredung labah.

¹⁰Nüsanü aniakhiuklim aredung ju Hazar Enan kheaknü Shepham khiungde yukang;

¹¹aredung ju aniakhiuklim Ain thrippeang Ribla khiungbah; aredung ju aniakhiuklim Kinnereth Keto khiungde yüzahbah;

¹²aredung ju Jordan yeande ayükihbah, tüsho ju Thimi Keto ching arün thsübah. Ha aredungnü mükamde alakhi nüsa lo thsübah.

¹³Tüsho Mosanü Israel mihtsürübo ki thiyukhüm jihde tha, ATUNGPUHNÜ trük tuku tüsho chamkhüh kilim jihshihpü thiyukhüm jihkhi lo ha nüsanü azan thsüde yamrüplurüp lubah.

¹⁴Tümüde Reuben tsührü trük arü guk yande, tüsho Gad tsührü arü guk yande yamrüplurüp leangkhido; tüsho Manase trük chamkhühnü arü yamrüplurüp leangkhido.

¹⁵Trük mahne tüsho trük chamkhühnü Jordan hobah, Jirikho aniakhiuklim arü yamrüplurüp leangkhido.

¹⁶Tüsho ATUNGPUHNÜ Mosa ki tha,

¹⁷“Nüsa kilim yamrüplurüp lo chamjihpü mihtsürü mungbo: Amükeambuh Eleazar tüsho Nun tsührü Jihusua.

¹⁸Tüsho yamrüplurüp lo champü thsungkheaknü nünü trük abande limberü khülang khülang mokhitang.

¹⁹Mihtsürübo mung ju harü: Juda trük chingnü, Jephunne tsührü Kaleb;

²⁰Simeon trük chingnü, Ammihud tsührü Shemuel;

²¹Benjamin trük chingnü, Kislon tsührü Elidad;

²²Dan trük chingnü, Jogli tsührü Bukki;

²³Josep tsührübo chingnü: Manase trük chingnü, Ephod tsührü Hanniel;

²⁴Ephraim trük chingnü, Shiphtan tsührü Kimuel;

²⁵Zebulun trük chingnü, Parnak tsührü Elizaphan;

²⁶Issakar trük chingnü, Azzan tsührü Paltiel;

²⁷Asher trük chingnü, Shelomi tsührü Ahihud;

²⁸tüsho Naphtali trük chingnü, Ammihud tsührü Pedahel.”

²⁹Harü ha Kanan lo ching Israel mihtsürü bolung yamrüplurüp chamshihpü ATUNGPUHNÜ thiyukhüm jihkhibo ah.