Read Yimchungru Naga Wüh 7 Bible Online

Wüh 7 - Yimchungru Naga bible

Wüh 7

¹Küyimki Mosanü kingaünpung thsükhea, apinü kingaünpung kukruk alala tüsho pungphuru müsühkhit; junangde apinü mujudemüsühkhit.

²Tüsho Israelrü limberübo arü guk ching akubo, trükbo ching limberübo tüsho wühkhe lukhi ching aberü mokhitrübonü kingaün jih.

³Tüsho arünü ATUNGPUH kilim kingaün handarü: athsung-lolungbe 6, moshipung 12, limberü mahne dün athsung-lolungbe 1 tüsho limberü aban moshipung 1 de arünü kingaünpung ki zojih.

⁴Tüsho ATUNGPUHNÜ Mosa ki tha,

⁵“ Harü ha arüngyam rhimo ching lupü thsüde arü kheaknü leangkhiang; harübo Levirü kilim arünü arhimopü lakhi ayannü jihang.”

⁶Jumonü Mosanü athsunglolungbebo tüsho moshipungbo lubah Levirübo kilim jih.

⁷Athsunglolungbe 2 tüsho moshipung 4 ju apinü Gershon tsührübo kilim arü rhimo ayannü jih;

⁸lolungbe 4 tüsho moshipung 8 ju Merari tsührübo kilim amükeambuh Aron tsührü Ithamar hode akümshihpü jih.

⁹Tüshe Kohath tsührübo kilim a apinü tümü müjih, tümütüsho arünü arhimobe lakhi ju amüsüh kukruk, arü dubuh kheaknü ahanpü lakheah.

¹⁰Limberübonü kingaün sadam müdangke mujude müsühkhit nimung ju müsühkhitpü thsüde kingaünbo handarü; tüsho limberübonü arü kingaünbo sadam ki handarüjih.

¹¹Tüsho ATUNGPUHNÜ Mosa ki tha, “ Arübonü kingaün sadam müsühkhitpü thsüde, nimung aban limberü khülang khülangnü kingaün sadam kheak kingaün jihbeah.”

¹²Atan ni kingaün jihbuh ju Juda trük chingnü Amminadab tsührü Nashon;

¹³api kingaün ju arüngyam ching adünkhi yande shekel 130 adünkhi shotoyinchi phuru 1 tüsho shekel 70 adünkhi shotoyinchi müsühmüra-phuru 1, ane chido hi kingaünpü thsüde ayikangkang lung müdangke bede mide yuk;

¹⁴shekel 10 dünkhi arhümthüneabe zahde suna mopungphüh 1;

¹⁵taka kingaünpü moshipung nunu 1, namfimihnupung 1, kam khülang bankhi namfimihnunu pung 1;

¹⁶neak kingaünpü thsungkheak mihnupung 1;

¹⁷tüsho mungtsü kingaün shuhmülanga jihpü, moshipung 2, namfimihnupung 5, mihnupung 5, tüsho kam khülang bankhi namfimihnunu pung 5. Ha Amminadab tsührü Nashon kingaün lakheah.

¹⁸Mahne nipü Zuar tsührü Nethanel, Issakar trük limbebuhnü kingaün;

¹⁹api kingaün ju arüngyam ching adünkhi yande, shekel 130 adünkhi shotoyinchi phuru 1 tüsho shekel 70 adünkhi shotoyinchi müsühmüra-phuru 1, ane chido hi kingaünpü thsüde ayikangkang lung müdangke bede mide yuk;

²⁰shekel 10 dünkhi arhümthüneabe zahde suna mopungphüh 1;

²¹taka kingaünpü moshipung nunu 1, namfimihnupung 1, kam khülang bankhi namfimihnunu pung 1;

²²neak kingaünpü mihnupung khülang;

²³tüsho mungtsü kingaün shuhmülanga jihpü, moshipung 2, namfimihnupung 5, mihnupung 5, tüsho kam khülang bankhi namfimihnunu pung 5. Ha Zuar tsührü Nethanel kingaün lakheah.

²⁴Asam nipü ju Helon tsührü Eliab, Zebulun trük limbebuhnü kingaün:

²⁵api kingaün ju arüngyam ching adünkhi yande shekel 130 dünkhi shotoyinchi phuru 1 tüsho shekel 70 dünkhi shotoyinchi müsühmüra-phuru 1, ane chido hi kingaünpü thsüde ayikangkang lung müdangke bede mide yuk;

²⁶shekel 10 dünkhi arhümthüneabe zahde suna mopungphüh 1;

²⁷taka kingaünpü moshipung nunu 1, namfimihnupung 1, kam khülang bankhi namfimihnunu pung 1;

²⁸neak kingaünpü thsungkheak mihnupung 1,

²⁹tüsho mungtsü kingaün shuhmülanga jihpü, moshipung 2, namfimihnupung 5, mihnupung 5 tüsho kam khülang bankhi namfimihnunu pung 5. Ha Helon tsührü Eliab kingaün lakheah.

³⁰Aphüyipü ju Shedeur tsührü Elizur, Reuben trük limbebuhnü kingaün:

³¹api kingaün ju arüngyam ching adünkhi yande shekel 130 dünkhi shotoyinchi phuru 1 tüsho shekel 70 dünkhi shotoyinchi müsühmüra-phuru 1, ane chido hi kingaünpü thsüde ayikangkang lung müdangke bede mide yuk;

³²shekel 10 dünkhi arhümthüneabe zahkhi suna mopungphüh 1;

³³taka kingaünpü moshipung nunu 1, namfimihnupung 1, kam khülang bankhi namfimihnunu pung 1;

³⁴neak kingaünpü thsungkheak mihnupung 1;

³⁵tüsho mungtsü kingaün shuhmülanga jihpü moshipung 2, namfimihnupung 5, mihnupung 5; tüsho kam khülang bankhi namfimihnunu pung 5. Ha Shedeur tsührü Elizur kingaün lakheah.

³⁶Aphüngü nipü Zurishaddai tsührü Shelumiel, Simeon trük limbebuhnü kingaün:

³⁷api kingaün ju arüngyam ching adünkhi yande shekel 130 dünkhi shotoyinchi phuru 1 tüsho shekel 70 dünkhi shotoyinchi müsühmüra-phuru 1, ane chido hi kingaünpü thsüde ayikangkang lung müdangke bede mide yuk;

³⁸shekel 10 dünkhi arhümthüneabe zahde suna mopungphüh 1;

³⁹taka kingaünpü moshipung nunu 1, namfimihnupung 1, kam khülang bankhi namfimihnunu pung 1;

⁴⁰neak kingaünpü thsungkheak mihnupung 1;

⁴¹tüsho mungtsü kingaün shuhmülanga jihpü, moshipung 2, namfimihnupung 5, mihnupung 5 tüsho kam khülang bankhi namfimihnunu pung 5. Ha Zurishaddai tsührü Shelumiel kingaün lakheah.

⁴²Athuruk nipü ju Deuel tsührü Eliasaph, Gad trük limbebuhnü kingaün;

⁴³api kingaün ju arüngyam ching adünkhi yande shekel 130 dünkhi shotoyinchi phuru 1 tüsho shekel 70 dünkhi shotoyinchi müsühmüra-phuru 1, ane chido hi kingaünpü thsüde ayikangkang lung müdangke bede mide yuk;

⁴⁴shekel 10 dünkhi arhümthüneabe zahde suna mopungphüh khülang;

⁴⁵taka kingaünpü moshipung nunu 1, namfimihnupung 1, kam khülang bankhi namfimihnunu pung 1;

⁴⁶neak kingaünpü mihnupung 1;

⁴⁷tüsho mungtsü kingaün shuhmülanga jihpü, moshipung 2, namfimihnupung 5, mihnupung 5 tüsho kam khülang bankhi namfimihnunu pung 5. Ha Deuel tsührü Eliasaph kingaün lakheah.

⁴⁸Athüne nipü Ammihud tsührü Elishama, Ephaim trük limbebuhnü kingaün;

⁴⁹api kingaün ju arüngyam ching adünkhi yande shekel 130 dünkhi shotoyinchi phuru 1 tüsho shekel 70 dünkhi shotoyinchi müsühmüra-phuru 1, ane chido hi kingaünpü thsüde ayikangkang lung müdangke bede mide yuk;

⁵⁰shekel 10 dünkhi arhümthüneabe zahde suna mopungphüh 1;

⁵¹taka kingaünpü moshipung nunu 1, namfimihnupung 1, kam khülang bankhi namfimihnunu pung 1;

⁵²neak kingaünpü mihnupung 1;

⁵³tüsho mungtsü kingaün shuhmülanga jihpü, moshipung 2, namfimihnupung 5, mihnupung 5, tüsho kam khülang bankhi namfimihnunu pung 5. Ha Ammihud tsührü Elishama kingaün lakheah.

⁵⁴Atizheah nipü Pedazur tsührü Gamaliel, Manase trük limbebuhnü kingaün:

⁵⁵api kingaün ju arüngyam ching adünkhi yande shekel 130 dünkhi shotoyinchi phuru 1 tüsho shekel 70 dünkhi shotoyinchi müsühmüra-phuru 1, ane chido hi kingaünpü thsüde ayikangkang lung müdangke bede mide yuk;

⁵⁶shekel 10 dünkhi arhümthüneabe zahde suna mopungphüh 1;

⁵⁷taka kingaünpü moshipung nunu 1, namfimihnupung 1, kam khülang bankhi namfimihnunu pung 1;

⁵⁸neak kingaünpü mihnupung 1;

⁵⁹tüsho mungtsü kingaün shuhmülanga jihpü, moshipung 2, namfimihnupung 5, mihnupung 5, tüsho kam khülang bankhi namfimihnunu pung 5. Ha Pedazur tsührü Gamaliel kingaün lakheah.

⁶⁰Atuku nipü Gideoni tsührü Abidan, Benjamin trük limbebuhnü kingaün:

⁶¹api kingaün ju arüngyam ching adünkhi yande shekel 130 dünkhi shotoyinchi phuru 1 tüsho shekel 70 dünkhi shotoyinchi müsühmüra-phuru 1, ane chido hi kingaünpü thsüde ayikangkang lung müdangke bede mide yuk;

⁶²shekel 10 dünkhi arhümthüneabe zahde suna mopungphüh 1;

⁶³taka kingaünpü moshipung nunu 1, namfimihnupung 1, kam khülang bankhi namfimihnunu pung 1;

⁶⁴neak kingaünpü mihnupung 1,

⁶⁵tüsho mungtsü kingaün shuhmülanga jihpü, moshipung 2, namfimihnupung 5, mihnupung 5, tüsho kam khülang bankhi namfimihnunu pung 5. Ha Gideoni tsührü Abidan kingaün lakheah.

⁶⁶Athürü nipü ju Ammishaddai tsührü Ahiezer, Dan trük limbebuhnü kingaün:

⁶⁷api kingaün ju arüngyam ching adünkhi yande shekel 130 dünkhi shotoyinchi phuru 1 tüsho shekel 70 dünkhi shotoyinchi müsühmüra-phuru 1, ane chido hi kingaünpü thsüde ayikangkang lung müdangke bede mide yuk;

⁶⁸shekel 10 dünkhi arhümthüneabe zahde suna mopungphüh 1;

⁶⁹taka kingaünpü moshipung nunu 1, namfimihnupung 1, kam khülang bankhi namfimihnunu pung 1;

⁷⁰neak kingaünpü mihnupung 1;

⁷¹tüsho mungtsü kingaün shuhmülanga jihpü, moshipung 2, namfimihnupung 5, mihnupung 5, tüsho kam khülang bankhi namfimihnunu pung 5. Ha Ammishaddai tsührü Ahiezer kingaün lakheah.

⁷²Thürükheak khülang nipü ju Okran tsührü Pagiel, Asher trük limbebuhnü kingaün:

⁷³api kingaün ju arüngyam ching adünkhi yande shekel 130 dünkhi shotoyinchi phuru 1 tüsho shekel 70 dünkhi shotoyinchi müsühmüra-phuru 1, ane chido hi kingaünpü thsüde ayikangkang lung müdangke bede mide yuk;

⁷⁴shekel 10 dünkhi arhümthüneabe zahde suna mopungphüh 1;

⁷⁵taka kingaünpü moshipung nunu 1, mihnupung 1, kam khülang bankhi namfimihnunu pung 1;

⁷⁶neak kingaünpü mihnupung 1;

⁷⁷tüsho mungtsü kingaün shuhmülanga jihpü, moshipung 2, namfimihnupung 5, mihnupung 5, tüsho kam khülang bankhi namfimihnunu pung 5. Ha Okran tsührü Pagiel kingaün lakheah.

⁷⁸Thürükheak mahne nipü Enan tsührü Ahira, Naphtali trük limbebuhnü kingaün:

⁷⁹api kingaün ju arüngyam ching adünkhi shekel 130 dünkhi shotoyinchi phuru 1 tüsho shekel 70 dünkhi shotoyinchi müsühmüra-phuru 1, ane chido hi kingaünpü thsüde ayikangkang lung müdangke bede mide yuk;

⁸⁰shekel 10 dünkhi arhümthüneabe zahde suna mopungphüh 1;

⁸¹taka kingaünpü moshipung nunu 1, namfimihnupung 1, kam khülang bankhi namfimihnunu pung 1;

⁸²neak kingaünpü mihnupung 1;

⁸³tüsho mungtsü kingaün shuhmülanga jihpü, moshipung 2, namfimihnupung 5, mihnupung 5, tüsho kam khülang bankhi namfimihnunu pung 5. Ha Enan tsührü Ahira kingaün lakheah.

⁸⁴Israelrü limberübonü mujudemüsühkhit nimung kingaün sadam müsühkhitpü kingaün jihkhibo ju: Shotoyinchi phuru 12, shotoyinchi müsühmüra-phuru 12, suna mopungphüh 12,

⁸⁵shotoyinchi phuru aban shekel 130 dünkhi tüsho shotoyinchi müsühmüra-phuru aban shekel 70 dünkhi yinchi kukruk alala ju arüngyam ching lakhi dünde shekel 2400,

⁸⁶suna mopungphüh 12 arhümthüneabe zahkhi arüngyam ching yo shekel 10 dünkhi suna mopungphüh alala dünkhi ju shekel 120;

⁸⁷taka kingaünpü thsungkheak moshipung nunu 12, namfimihnupung 12, kam khülang bankhi namfimihnunu pung 12, ju lung hi kingaünbo; tüsho neak kingaünpü mihnupung 12;

⁸⁸tüsho mungtsü kingaün shuhmülanga jihpü moshipung 24, namfimihnupung 60, mihnupung 60, kam khülang bankhi namfimihnunu pung 60. Ha mujudemüsühkhitshu, kingaün sadam müsühkhitpü kingaünbo lakheah.

⁸⁹Küyimki Mosanü ATUNGPUH ki asukachihpü ashorupung khimyam ching yüzahkhea, tangzüng sangdan kheak lakhi akhidobe cherubim mahne dükeaknü api ki thakhi düsheak so; ha ruk apinü anihbuh kheak asuk.