Read Yimchungru Naga Mathi 1 Bible Online

Mathi 1 - Yimchungru Naga bible

Mathi 1

¹Abraham tsührü, David tsührü Jisu Khrista jipürübo yukhean:

²Abraham kheaknü Isak trükkhit, Isak kheaknü Jakob trükkhit, tüsho Jakob kheaknü Juda le api keoniorübo trükkhit.

³Juda kheaknü Tamar hode Perez tüsho Zera trükkhit, Perez kheaknü Hezron trükkhit, tüsho Hezron kheaknü Ram trükkhit.

⁴Ram kheaknü Amminadab trükkhit, Amminadab kheaknü Nashon trükkhit, tüsho Nashon kheaknü Salmon trükkhit.

⁵Salmon kheaknü Rahab hode Boaz trükkhit, Boaz kheaknü Ruth hode Obed trükkhit, Obed kheaknü Jesse trükkhit,

⁶tüsho Jesse kheaknü kiulongthsüpuh David trükkhit. David kheaknü Uria niube hode Solomon trükkhit.

⁷Solomon kheaknü Rehoboam trükkhit, Rehoboam kheaknü Abija trükkhit, tüsho Abija kheaknü Asa trükkhit.

⁸Asa kheaknü Jehoshaphat trükkhit, Jehoshaphat kheaknü Joram trükkhit, tüsho Joram kheaknü Uzzia trükkhit.

⁹Uzzia kheaknü Jotham trükkhit, Jotham kheaknü Ahaz trükkhit, tüsho Ahaz kheaknü Hezekia trükkhit.

¹⁰Hezekia kheaknü Manase trükkhit, Manase kheaknü Amon trükkhit, tüsho Amon kheaknü Josia trükkhit.

¹¹Arü Babilon ramtso ching lachoki Josia kheaknü Jekonia tüsho api keoniorübo trükkhit.

¹²Tüsho Babilon ramtso dunglim, Jekonia kheaknü Shealtiel trükkhit, tüsho Shealtiel kheaknü Zerubbabel trükkhit.

¹³Zerubbabel kheaknü Abiud trükkhit, Abiud kheaknü Eliakim trükkhit, tüsho Eliakim kheaknü Azor trükkhit.

¹⁴Azor kheaknü Zadok trükkhit, Zadok kheaknü Akim trükkhit, tüsho Akim kheaknü Eliud trükkhit.

¹⁵Eliud kheaknü Eleazar trükkhit, Eleazar kheaknü Matthan trükkhit tüsho Matthan kheaknü Jakob trükkhit.

¹⁶Tüsho Jakob kheaknü Jisu Khrista zübejihkhi Mari yamkhünbuh Josep trükkhit.

¹⁷Junangde Abraham kheaknü David khiungde lün alalanü 14, David kheaknü Babilon ramtso khiungde lün 14, tüsho Babilon ramtso chingnü Khrista khiungde lün 14.

¹⁸Jisu Khrista zübekhi hanangde alakheah: Abe Mari ju Josep ki rhangpü thiyu zoa lachoki, ane mülayide, Amüsüh Me hode alibe mübünkeangde kam.

¹⁹Josep ju thiyuro mihtsürü lakheah, jumonü boto ki Mari mungchih müngüshihpü aramlimnü thiyu bahloachihpü lüm.

²⁰Tüshe api harü lümde alachoki, Atungpuh yunirü khülang milim ching api ki akhiukbah tha, “David tsührü Josep, nü niube thsüpü Mari lupü dütre, tümüde Amüsüh Me hode alibe mübünkeangde lah.

²¹Alibenü tsührü khülang zübebah, tüsho nünü api mung Jisu de ajibah, tümüde apinü anihbuh mihtsürü arü neakbo chingnü khümkhitbah.”

²²Ha alala wukihrü hode Atungpuhnü athakhi dünjipü lakheah:

²³Kheahang, atsangkhitkhi khülang mübünkeangde akambah tüsho tsührü khülang zübebah, tüsho arünü api mung Immanuel de ajibah, ju amütsan, “Thrünpuh isa lung lah.”

²⁴Judüki Josepnü ayapkhi chingnü asürü tüsho Atungpuhnü api ki thiyukhüm jihkhi nangde aniube Mari lu.

²⁵Tüshe alibenü tsührü müzübeyikia apinü anihbe mümükheahde alakheah. Tüsho apinü amung Jisu de ji.