Read Yimchungru Naga Jihu 15 Bible Online

Jihu 15 - Yimchungru Naga bible

Jihu 15

¹Juda trük guk ayannü alukhi lo shihcham ju Edom aredung yean, Zin sunglo düjinglim khiunglah.

²Tüsho arü düjinglim aredung ju Ashe keto düjinglim akheam kheaknü tankihlah.

³Ju kheaknü düjinglim Akrabbim tüsho Zin khiunglah, tüsho Kadesh-barnea düjinglim wutukhinü, Hezron hode Addar lim wutubah Karka lim kiklo.

⁴Ju chingnü Azmon lim yü, tüsho Ijip ayung chingnü akheam lim keto ching arülah. Ha Judarü düjinglim aredung yean lakheah.

⁵Tüsho aniakhiuklim aredung ju Jordan bukthürün lim Ashe keto ah. Tüsho dukulim aredung ju Jordan bukthürün pung keto phulungnü tankihlah,

⁶tüsho ju chingnü Beth-hogla tüsho Beth-araba dukulim khiung; tüsho aredung ju Reuben tsührü Bohan lung lim wutulah,

⁷tüsho Akor jindükhün chingnü Debir, tüsho Gilgal lim wutu, ju Adummin wutu lim jindükhün düjinglim ah. Tüsho aredung ju Enshemesh ke yeande yübah, Enrogel ching kheamlah;

⁸aredung ju Hinnom tsührü jindükhün ching Jebusrü lapung düjinglim lodüpheak (ju Jirusalem) lim wutulah; tüsho aredung ju aniyüzahlim Rephaim jindükhün dukulim achinkheam lim Hinnom jindükhün kumung awung lim wutulah.

⁹Ju chingnü Nephtoa ayung tüsho Ephron wung phünide kiutobo khiung; ju chingnü Baala (ju Kiriath-jearim) lim kiklo,

¹⁰tüsho aredung ju aniyüzahlim Baala mühide Seir wung khiung, ju Jearim wung dukulimnü hode (ju Kesalon), Beth-shemesh lim yükichoh, tüsho Timna yeande ho;

¹¹aredung ju Ekron wung dukulim yükihbah, Baala wung hode Shekkeron lim kiklo, tüsho Jabeel khiung; tüsho aredung ju keto chingnü arün ah.

¹²Tüsho aniyüzahlim aredung ju jinyean bebah Mediterranean keto ah. Ha Juda mihtsürü arü guk ayannü mükamde aredung thsükhi ah.

¹³ATUNGPUHNÜ Jihusua kilim thiyukhüm jihkhi nangde apinü Jephunne tsührü Kaleb kilim Juda mihtsürü bolung jihkhi shihcham ju Kiriath-arba, ju Hebron ( Arba ju Anak abuh lakheah).

¹⁴Tüsho ju kiuto ching larü Anak tsührü mahsam Sheshai, Ahiman tüsho Talmai ju Kalebnü yankhitabah.

¹⁵Ju chingnü api Debir ching larü yanpü yü. ( Ha kiuto ju Kiriathsepher de ajikheah).

¹⁶Kalebnü tha, “Shepünü Kiriath-sepher yankhita lukhukbanü I tsührü aliberü Aksa api ki rhangshihbah.”

¹⁷Kaleb akhiung Kenaz tsührü Othnielnü kiuto ju yankhit, jumonü atsührü Aksa api ki rhangshih.

¹⁸Küyimki alibe api ki arükhea, thulu jihshihpü dünkheak abuh ki keoang de api ki tha. Alibenü donki kheaknü aki tüsho Kalebnü tümü lunela de alibe ki keokhi.

¹⁹Alibenü alo, “I kilim thsambah khülang jihang; tümüde nünü I Negeb lomi ching lashihlah, I kilim kenü khürü she jihang.” Jumonü Kalebnü akulim tüsho abolim lakhi kenübo jih.

²⁰Ha Juda trük kilim arü guk ayannü ajihkhi yamrüplurüp ah.

²¹Düjinglim limshu ching lakhi Juda trük kiutobo, Edom aredung phünide alakhibo ju Kabzeel, Eder, Jagur,

²²Kina, Dimona, Adada,

²³Kedesh, Hazor, Ithnan,

²⁴Ziph, Telem, Bealoth,

²⁵Hazor Hadatta, Kerioth Hezron (ju Hazor),

²⁶Amam, Shema, Molada,

²⁷Hazar, Gadda, Heshmon, Beth Pelet,

²⁸Hazar Shual, Beersheba, Biziothia,

²⁹Baala, Iim, Ezem,

³⁰Eltolad, Kesil, Horma,

³¹Ziklag, Madmanna, Sansanna,

³²Lebaoth, Shilhim, Ain, tüsho Rimmon: kiulongbo bebah kiuto 29.

³³Tüsho Lokeamlo ching lakhibo ju Eshtaol, Zora, Ashna,

³⁴Zanoa, Engannim, Tappua, Enam,

³⁵Jarmuth, Adullam, Soko, Azeka,

³⁶Shaaraim, Adithaim, Gedera, tüsho Gederothaim: kiulongbo bebah kiuto 14.

³⁷Kheaküshe Zenan, Hadasha, Migdalgad,

³⁸Dilean, Mizpa, Joktheel,

³⁹Lakish, Bozkath, Eglon,

⁴⁰Kabbon, Laman, Kitlish,

⁴¹Gederoth, Beth Dagon, Naama, tüsho Makkeda: kiulongbo bebah kiuto 16.

⁴²Libna, Ether, Ashan,

⁴³Iphta, Ashna, Nezib,

⁴⁴Keilah, Akzib, tüsho Maresha: kiulongbo bebah kiuto 9.

⁴⁵Ekron lung kiutobo tüsho kiulongbo lakheah;

⁴⁶Ashdod phünide alakhi kiutobo tüsho kiulongbo ju Ekron chingnü Mediterranean keto khiungde la.

⁴⁷Ashdod tüsho Gaza, buhbuh kiutobo tüsho kiulongbo berubah la, ju Ijip aredung ke tüsho Mediterranean keto yean khiunglah.

⁴⁸Awung lomi ching lakhibo ju Shamir, Jattir, Soko,

⁴⁹Danna, Kiriath-sanna (ju Debir),

⁵⁰Anab, Eshtemoa, Anim,

⁵¹Goshen, Holon tüsho Gilo: kiulongbo bebah kiuto 11.

⁵²Arab, Duma, Eshan,

⁵³Janim, Beth Tappua, Apheka,

⁵⁴Humta, Kiriath-arba (ju Hebron) tüsho Zion: kiulongbo bebah kiuto 9.

⁵⁵Maon, Karmel, Ziph, Jutta,

⁵⁶Jezreel, Jokdeam, Zanoa,

⁵⁷Kain, Gibea, tüsho Timna: kiulongbo bebah kiuto 10.

⁵⁸Halhul, Beth Zur, Gedor,

⁵⁹Maarath, Bethanoth, tüsho Eltekon: kiulongbo bebah kiuto 6.

⁶⁰Kiriath-baal (ju Kiriath-jearim) tüsho Rabba: kiulongbo bebah kiuto 2.

⁶¹Sunglo ching lakhibo ju Betharaba, Middin, Sekaka,

⁶²Thimi kiuto Nibshan, tüsho Engedi: kiulongbo bebah kiuto 6.

⁶³Tüshe Jirusalem ching larü Jebusrü a Judarünü müyankhitkhuk; jumonü Jebusrü ju arü lung khihni khiungde lah.