Read Yimchungru Naga 1 Timothi 3 Bible Online

1 Timothi 3 - Yimchungru Naga bible

1 Timothi 3

¹Ha thakhi thiyuro: Khürünü borü limberü thsüpü mulungsho, apinü rhimo atsü rhimopü mulungchoh.

²Kheakü borü limberü ju amülim mülarü, niuberü khülang lang alarü, adanyukkhi, lümrhangrü, yakli atsü, hanrü-mürührü, thsangyukhukrü thsübeah,

³amüshangrü, yungsho asungsungrü yung tüshe azhihayihde, murukachihde, tüsho sho mümuzhorü thsübeah.

⁴Apinü yambuk tsüde kümkhukbeah, limro alala ching tsührübo azhihayih tüsho wüntrekhi ching zobeah;

⁵tümüde mihtsürü khülangnü nihbuh yambuk mükümkhuksho apinü küde thsah Thrünpuh borü kümkhukba?

⁶Api akin ching azorü thsübeah, jude yungsho api kükheangde akambah tüsho amünean nangde abahyukkhi ching keamyukbah;

⁷api ju aleangkheakrünü tsülah dükhi labeah, jude yungsho api mungchih tüsho amünean zheang ching keamyukbah.

⁸Junangde tankihrübo ju yakli atsü tüsho kurhangrü thsübeah; mulo mahne, yukhu yungrü, yungsho sho muzhorü müthsübeah;

⁹arü ju lümkhi müsühde akin aramyu ramrihrü thsübeah.

¹⁰Tüsho arübo ju akhuhde rükakheahshang; jushu arü areak mükihkhi mütsanshu tankihrü thsüshang.

¹¹Aliberübo she junangde yakli atsü, müjipjiprararü, tüsho adanyukkhi, alala ching thiyuro labeah.

¹²Tankihrübo ju niuberü khülang lang alarü thsübeah tüsho arünü arü tsührübo tüsho yambukbo tsüde kümkhukbeah;

¹³sherünü tankihrü thsüde tsüde tankihchonü atsü tüsho Jisu Khrista ching akin mulongram ato alü thsüchoh.

¹⁴I nüsa kilim nahde arüpü mulonglam lah, tüshe inü harü thsangdankhi nüsa kilim thrütkhi ju,

¹⁵I ashua lasho, thiyuro dungjing tüsho aduhlobe, Thrünpuh borü, Thrünpuh yamkhün ching nüsanü künangde yakli labeanü amükheahbah.

¹⁶Isanü alokhikhi isa kingaün aramyu ato lah: Api shih ching akhiuk, me ching alim mütsanjih, yunirübonü ngü, trükshih bolung thsangyuthsangra, alomi alala chingnü kin, müretahkhi ching bekih-a lu.