Read Yucateco 1 Crónicas 2 Bible Online

1 Crónicas 2 - Yucateco bible

1 Crónicas 2

¹U paalal Israele' tu kaaba'intajo'ob Rubén, Simeón, Leví, Judá, Isacar, Zabulón,

²Dan, José, Benjamín, Neftalí, Gad yéetel Aser.

³U paalal Judae' tu kaaba'intajo'ob Er, Onán yéetel Sela. U maama le óox túulo'oba', u x ch'upul paal ca'ach Súa, leti'e', x cananeail ca'achi. Ba'ale' Er u yáax paal Judae', sen kasa'an ca'ache', ca j luksa'ab u cuxtal tumen Yuumtzil.

⁴X Tamar u yilib Judae', tu síijsaj ca'a túul u paalal ti' Judá tu kaaba'intajo'ob Fares yéetel Zera. U paalal Judae', cinco tu pa'ate'ilo'ob.

⁵U paalal Farese', tu kaaba'intajo'ob Hezrón yéetel Hamul.

⁶U paalal Zerae', tu kaaba'intajo'ob Zimri, Etán, Hemán, Calcol yéetel Darda, cinco tu pa'ate'ilo'ob.

⁷U paal Carmie', tu kaaba'intaj Acar, leti' j taas loob tu yóokol Israel úuchic u ch'a'ic ba'ax u ya'almaj Ku ca láaj xu'ulsa'aque'.

⁸U paal Etane', tu kaaba'intaj Azarías.

⁹U paalal Hezrone', tu kaaba'intajo'ob Jerameel Ram yéetel Quelubai.

¹⁰Rame' u taata Aminadab, Aminadabe', u taata Naasón, u nojochil u ch'i'ibalo'ob judá.

¹¹Naasone', u taata Salma, Salmae', u taata Booz,

¹²Booze', u taata Obed, Obede', u taata Isaí,

¹³Isaíe', u taata Eliab u yáax paal; Abinadabe' u ca'a túul; Simeae' u yóox túul;

¹⁴Natanaele' u can túul; Radaie' u cinco u túul;

¹⁵Ozeme' u seis u túul, yéetel Davide' u siete u túul.

¹⁶u x ch'upul láaktzilo'obe' tu kaaba'intajo'ob x Sarvia yéetel x Abigail. U paalo'ob x Sarviae', óox túul: Abisai, Joab yéetel Asael.

¹⁷X Abigaile', j yanchaj jun túul u yaal tu kaaba'intaj Amasa, u taatae', Jeter j ismaelil.

¹⁸Calebe' u paal Hezrón, síijsa'ab tumen x Azuba u yatan jun túul u paal: cu kaaba'intic Jeriot. U láak u paalale' tu kaaba'intajo'ob Jeser, Sobab yéetel Ardón.

¹⁹Le ca j quíim Asubae', Calebe', j dzo'oc u beel yéetel x Efrata, ca j síijsa'ab jun túul u paal: tu kaaba'intaj Hur.

²⁰Hure' u taata Uri, Urie', u taata Bezaleel.

²¹Le ca tu chucaj sesenta u ja'abilo'ob Hezrone', j dzo'oc u beel yéetel u x ch'upul paal Maquir, u taata Galaad, ca j síisa'ab jun túul u paal: tu kaaba'intaj Segub.

²²Segube', u taata Jair, leti'e' j yanchaj veintitrés u caajalo'ob tu lu'umilo'ob Galaad.

²³Ba'ale' Gesur yéetel Arame', tu jáanpaytajo'ob u caajilo'ob Jair yéetel Kenat bey xan u x péet caajilo'ob; lelo'obo' sesenta caajo'ob tu pa'ate'il. Tuláacal lelo'oba' u ch'i'ibalo'ob Maquir u taata Galaad.

²⁴Cu dzo'ocol u quíimil Hezrone', Calebe' j dzo'oc u beel yéetel x Efrata u yatan ca'ach u Hezrón u taata, ca j síisa'ab jun túul u paal, tu kaaba'intaj Asur, leti'e' u taata Tecoa.

²⁵U paalal Jerameel u yáax paal Hezrone', tu kaaba'intajo'ob, Ram u yáax paal, Buna, Orén Ozem yéetel Ahías.

²⁶Jerameele' j yanchaj u láak u yatan tu kaaba'intaj x Atara, leti'e' u maama Onam.

²⁷U paalal Ram u yáax paal Jerameele', tu kaaba'intajo'ob Maaz, Jamín, yéetel Equer.

²⁸U paalal Oname', tu kaaba'intajo'ob Samai yéetel Jada. U paalal Samaie', tu kaaba'intajo'ob Nadab yéetel Abisur.

²⁹U yatan Abisure' tu kaaba'intaj Abihail, leti'e' u maama Ahbán yéetel Molid.

³⁰U paalal Nadabe' tu kaaba'intajo'ob Seled yéetel Apaim. Selede', j quíime' ma' j yanchaj paalali'.

³¹Apaime', u taata Isi. Isie' u taata Sesán. Sesane' u taata Ahlai.

³²U paalal Jada u láak Samai, tu kaaba'intajo'ob Jeter yéetel Jonatán. Jetere', j quíime' ma' j yanchaj u paalali'.

³³U paalal Jonatane', tu kaaba'intajo'ob Pelet yéetel Zaza. Lelo'oba' u ch'i'ibalo'ob ca'ach Jerameel.

³⁴Sesane', ma' j yanchaj u j xibil paalali', chéen u x ch'upul paalal yanchaji. Ba'ale' yaan ca'ach jun túul u paalitzil j egipcioil tu kaaba'intaj Jarha

³⁵tu dzaj jun túul u x ch'upul paal u yatante', ca yanchaj jun túul u paal: tu kaaba'intaj Atai.

³⁶Ataie', u taata Natán, Natane' u taata Zabad,

³⁷Zabade', u taata Eflal, Eflale', u taata Obed,

³⁸Obede', u taata Jehú, Jehue', u taata Azarías,

³⁹Azaíase', u taata Heles, Helese', u taata Elasa,

⁴⁰Elasae' u taata Sismai, Sismaie' u taata Salum,

⁴¹Salume', u taata Jecamías, Jecamías xane', u taata Elisama.

⁴²U paalal Caleb u yíidzin Jerameel, tu kaaba'intajo'ob Mesa u yáax paal u taata ca'ach Sif, Yéetel Maresa u taata ca'ach Hebrón.

⁴³U paalal Hebrone' tu kaaba'intajo'ob Coré, Tapúa, Requem yéetel Sema.

⁴⁴Semae' u taata Raham, u taata ca'ach Jorcoam; yéetel Requeme', u taata ca'ach Samai.

⁴⁵Samaie' u paal ca'ach Maón u taata Bet-sur.

⁴⁶Efa u x keech ca'ach Calebe', u maama Harán, Mosa yéetel Gazes. Harame' u taata Gazes.

⁴⁷U paalal Jahdaie' tu kaaba'intajo'ob Regem, Jotam, Gesán, Pelet, Efa yéetel Saaf.

⁴⁸Maaca u x keech ca'ach Calebe', u maama Seber yéetel Tirhana.

⁴⁹Leti' xan u maama Saaf, u taata Madmana, yéetel Seba u taata Macbena yéetel Gibea. Calebe' j yanchaj xan jun túul u x ch'upul paal tu kaaba'intaj x Acsa.

⁵⁰Lelo'oba' u ch'i'ibalo'ob Caleb. U paalal Hur u yáax paal Efratae', tu kaaba'intaj Sobal u taata Quiriat-jearim;

⁵¹Salma u taata Belén; yéetel Haref, u taata Bet-gader.

⁵²U paalal Sobal u taata Quireat-jearime, tu kaaba'intajo'ob Reaía, yéetel u táancoch ti' le j manahetitaob

⁵³yéetel u láaktzililo'ob Quireat-jearim: le j itritaobo', le j futitaobo', le j sumatitaob yéetel le j misraitaobo', tu'ux taalo'ob le j zoratitaob yéetel j estaolitaobo'.

⁵⁴U paalal Salmae' tu kaaba'intajo'ob Belén, le j netofatitaobo', Atrot-bet-joab, u láak táancoch ti' le j manahetitaobo', le zoraitaobo'

⁵⁵yéetel u láaktzililo'ob le j soferitaob cajnáalo'ob ca'ach Jabeso', lelo'oba' leti'ob ca'ach le j tirateob, j simateob, yéetel j sucateob. Lelo'oba' leti'ob ca'ach le j quenitaob u ch'i'ibalo'ob Hamat u taata Bet-recab.