Read Yucateco 1 Crónicas 20 Bible Online

1 Crónicas 20 - Yucateco bible

1 Crónicas 20

¹Jun téenac, ti' yáax kiine', ti' u kiinilo'ob suuc u jóokol le ajawo'ob u ti'al ba'atele', Joabe' tu nu'ucbesaj u aj ba'atelo'obe', ca tu kascuntaj tuláacal u lu'umo'ob le j amonitaobo'. Tu nadzajubáa u bakpacht Rabae', ca tu ba'ateltaj tac ca tu ju'uju'utaj u caajil. Ca'aliquil Davide' j p'áat Jerusalén.

²Cu dzo'ocole' Davide' tu lukesaj tu pool u ajawil le caajo' le péet jo'ol oro u ca'aj yaan u jadzutz tuunichilo'obo', ca tu yilaj yaan treintidos kilos u aalil; ca j dzaab tu pool David. Davide' tu ch'a'aj xan ichil le caajo' ba'alo'ob sen co'oj u tojolo'ob,

³le máaco'ob j p'áato'ob te j caajo' tu jóokesajo'obe', ca tu dzáajo'ob j xot che', j meyaj ich cool u ti'al xan buj che'. Bey xan tu beetilac David tu yéetel tuláacal u caajilo'ob le j amonitaobo', cu dzo'ocole', j suunaj yéetel tuláacal u aj ba'atelo'ob Jerusalén.

⁴Cu dzo'ocole' j yanchaj jun p'éel ba'atel yéetel u j filisteoilo'ob Gezer. Ti' le kiino', Sibecai le j husaile', tu quíimsaj yéetel tu t'onquintaj Sipai u ch'i'ibal j wa'apáach'o'ob.

⁵Ti' u láak ba'atel j yanchaj yéetel le j filisteobo', Elhanán, u paal Jaire', tu quíimsaj Lahmi, u sucu'un Goliat j gatil, u lóomte'e' yaan ca'ach u yooc bey u che'il u sacalta'al nooke'.

⁶Tu caajil Gate', j yanchaj u láak ba'atel. Yaan ca'ach jun túul máac sen ca'anal u baaquel, yaan veinticuatro u paalo'ob u kab yéetel u yooco'ob: seis ti' u jujun dzíitil u kabo'ob yéetel u yooco'ob. Leti'e', u ch'i'ibal xan wa'apáach'o'ob ca'achi,

⁷ba'ale' tu caxantaj ba'atel ti' Israele', ca j quíimsa'ab tumen Jonatán u paal Simea, u sucu'un David.

⁸Le wa'apach'o'oba' u ch'i'ibalo'ob ca'ach Refa j gatil, ba'ale' j lúubo'ob tu kab u nuuquil u aj ba'atelo'ob David.