Read Yucateco 1 Crónicas 24 Bible Online

1 Crónicas 24 - Yucateco bible

1 Crónicas 24

¹U ch'i'ibalo'ob Aarone' cu t'oxicuba'ob xan u ti'al le meyajo'. U paalal Aarone' tu kaaba'intajo'ob Nadab, Abiú, Eleazar yéetel Itamar.

²Ba'ale', tu yo'olal Nadab yéetel Abiú j quíimo'ob táanil ti' u taataob, ma' yanchaj u paalalo'obe', Eleazar yéetel Itamare', tu beetajo'ob u aj kiinilo'ob.

³Davide', yéetel u yáantaj Sadoc u ch'i'ibal Eleazar, bey xan yéetel yáantaj Ahimelec u ch'i'ibal Itamare' tu t'oxaj u kiinilo'ob unaj u meyajo'ob le aj kiino'obo'.

⁴Ba'ale' bey tu yilajo'ob asab ya'ab u j xiibilo'ob u ch'i'ibal Eleazar ti' Itamaro', jóokesa'ab dieciseís u nuuquilo'ob ti' u ch'i'ibalo'ob Eleazar yéetel ocho ti' u nuuquilo'ob ch'i'ibal Itamar.

⁵U kiinilo'ob le meyajo' j t'o'ox yéetel buul ichil tuláacalo'ob, tumen ichil u ch'i'ibalo'ob Eleazar je'el bix ichil u ch'i'ibalo'ob Itamare', yaan ca'ach u nuuquil aj meyajo'ob jun páaycunta'ano'ob, leti'ob u aj meyajo'ob Ku.

⁶Cu dzo'ocole' Semaías le aj dzíib, u paal Natanael jun túul ti' le j levitaobo', tu dzíibtaj u kaaba'ob tu táan ajaw, tu táan u nuuquilo'ob, tu táan aj kiin Sadoc, aj kiin Ahimelec u paal Abiatar yéetel tu táan u nuuquil u láaktzililo'ob le aj kiino'ob yéetel j levitaob. U kiinilo'ob le meyajo', cu jóokesa'al ca'ach ich buulil, ca'a p'éel u ti'al u ch'i'ibalo'ob Eleazari' yéetel jun p'éel u ti'al Itamari'.

⁷Le ca j beeta'ab le buulo', p'áat u kiinilo'ob le meyaj bey tu yáax tzoola' tac tu veinti cuatro tzoola': Joiarib Jedaías Harim Seorim Malquías Mijamin Cos Abías Jesúa Secanías Eliasib Jaquim Hupa Jesebeab Bilga Imer Hezir Afses Petaías Hezequiel Jaquín Gamul Delaía Maazías

¹⁹Bey túuno', j t'o'ox u kiinilo'ob u ti'al u meyajta'al le kulnaj je'el bix u ya'almajil Yuumtzil u Ku Israel, ti' Aarón u máanja'an ch'i'ibalo'obe'.

²⁰Le j levitaob p'aatalo'ob ca'acho' leti'ob: Subael, u ch'i'ibal Amram; Jehedías u ch'i'ibal Subael;

²¹Isías u nojochil u ch'i'ibal Rehebías;

²²Selomot u ch'i'ibal Izhar; Jahat u ch'i'ibal Selomot;

²³Ti' u ch'i'ibalo'ob Hebrone': Jerías yáax jun túul; Amarías, u ca'a túul; Jahaziel, u yóox túul; yéetel Jecamán u can túul.

²⁴Ti' yano'ob xan ca'ach: Micaía, u paal Uziel; Samir u paal Micaía;

²⁵Isías u yíidzin Micaía; Zacarías u paal Isías;

²⁶Mahli yéetel Musi, u paalal Merari; U paalalo'ob Jaazías, u paal xan Merari.

²⁷Ti' u ch'i'ibalo'ob Merari u taata Jaazíase', ti' yano'ob ca'ach Soham, Zacur yéetel Ibri u paalal Jaazías;

²⁸yéetel u paalal Mahlie', Eleazar, le máax ma' j yanchaj ca'ach u paalale',

²⁹yéetel Cis; Jerameel u paal Cis;

³⁰u paalal Musie', leti'ob ca'ach Mahli, Edar yéetel Jerimot. Lelo'ob ca'acha', j levitaob tu tzoolol u láaktzililo'ob.

³¹Leti'ob xane' tu t'oxajuba'ob tu yéetel buul, je'el bix ti' u láaktzilil u nojochile', bey tac ti' u yíidzintzilil, bey xan beeta'abic ti' u láaktzilo'ob u ch'i'ibalo'ob Aarón, tu táan ajaw David, Sadoc, Ahimelec yéetel u nuuquilo'ob u láaktzililo'ob aj kiino'ob tu yéetel j levitaob.