Read Yucateco 1 Crónicas 25 Bible Online

1 Crónicas 25 - Yucateco bible

1 Crónicas 25

¹Cu dzo'ocole' David tu yéetel u nuuquilo'ob u yúuchul le kultajo' tu t'oxajo'ob meyajo'ob chéen u ti'alo'ob u paalal Asaf: Hemán yéetel Jedutún, máaxo'ob tze'ectic u péectzililo'ob aj bóobatil t'aan yéetel u paaxilo'ob arpaob, salteriob yéetel platillo'ob. Lela' u kaaba'ob máaxo'ob beetic le meyajo'obo'.

²Ti' u paalal Asafe': Jacur, José, Netanías yéetel Asarela. Asaf u taataob nu'uctico'ob ca'ach, leti' a'alic u aj bóobatil t'aano'ob tu yáanal u túuchi' t'aan ajaw.

³U paalalo'ob Jedutune': Gedalías, Zeri, Jesaías, Simei, Hasabías yéetel Matatías. Jedutún u taataob nu'uctico'ob Ca'ach, leti' tze'ectic aj bóobatil t'aano'ob yéetel u paaxil arpaob u ti'al u dzáico'ob nib óolal yéetel u qui'iqui' t'antico'ob Junab Ku.

⁴U paalal Hemane': Buquías, Matanías, Uziel, Subuel, Jeremot, Hananías, Hanani, Eliata, Gidalti, Romanti-ezer, Josbecasa, Maloti, Hotir yéetel Mahaziot.

⁵Tuláacal lelo'oba', u paalalo'ob ca'ach Hemán, u aj ilaj náay le ajawo', je'el bix úuchic u séeb chi'ita'al ti' tumen Ku bíin beeta'ac u sen mu'uka'anchajale'; bey tu beetilac, Kue' tu dzaj ti' Hemán catorce j xiibil paalo'ob yéetel óox túul x ch'upul paalal.

⁶Tuláacalo'obe', u taataob nu'uctico'ob u ti'al u kaayo'ob tu meeyjulo'ob le kultaj cu beeta'al te j kulnajo' yéetel u paaxilo'ob platillo'ob, salteriob yéetel citaraob. Asaf, Jedutún yéetel Hemane' ti' ca'ach yano'ob tu yicnal ajaw u ti'al aj túuchi'il.

⁷U xooquil tuláacal le j paaxo'ob nu'ucano'ob pa'ate' tu yéetel u yéet paaxo'ob ca'ansa'ano'ob j kaay u ti'al Yuumtzile', docientos ochenta yéetel ocho.

⁸U kiinilo'ob u meyajo'obe' j t'o'oxla'anta'ab yéetel buul, ichil tuláacalo'ob, je'el bix wa nuuctaco'obe' bey wa mejentaco'ob, wa aj ca'anbesajo'ob wa aj canbalo'ob.

⁹Le ca beeta'ab le buulo', le aj meyajo'obo' j p'áato'ob tu yáax tzool tac tu veinticuatro tzool beya': José Gedalías Zacur Izri Netanías Buquías Jesarela Jesahías Matanías Simei Azareel Hasabías Subael Matatías Jeremot Hananías Josbecasa Hanani Maloti Eliata Hotir Gidalti Mahaziot Romanti-ezer Tu jujun túulilo'ob pa'ate' yéetel u yíidzino'ob bey xan yéetel u paalalo'obe', doceob.