Read Yucateco 1 Crónicas 27 Bible Online

1 Crónicas 27 - Yucateco bible

1 Crónicas 27

¹Lela' u dzíibil u kaaba'il le j israelitaob tu tzoolol u nuuquil u láaktzililo'ob, u nuuquil u múuch'ul le aj ba'atelo'ob bey u mejen múuch'ul, u nuuquil u aj meyajo'ob le ajawo', u ti'al xan cu meyajo'ob ti' u tzúuculo'ob le aj ba'atelo'ob cu kexicuba'ob jujun winal ti' buul jun ja'ab. Tu jujun tzúuquile' yaan veinticuatro mil j xiibo'ob ca'achi'.

²U yáax jaatz ti' le aj canano'ob u ti'al le yáax winalo': Jasobeam u paal Zabdiel u nojochil,

³leti'e' ti' u ch'i'ibal Fares u taal, leti' xan ilic tuláacal u nuuquilo'ob le aj canano'ob cu meyajo'ob jujun winalo'.

⁴U jaatzil u aj cananilo'ob u ca'a p'éel winale': Dodai j ahohita u nojochilo'ob.

⁵U jaatzil u aj cananilo'ob u yóox p'éel winale'; nojoch aj ba'atelo'obe' Benaía, u paal Joiada u nojoch aj kiino'ob,

⁶leti' ca'ach jun túul ti' le treinta xiixib máaco'obo', leti' xan u noojocho'ob. Ba'ale' Amisabad u paal nu'uctic ca'ach le jun jaatza'.

⁷U jaatzil u aj cananilo'ob u can p'éel winale': Asael u sucu'un Joab u nojochil. U meyaj leti'e' j ch'a'ab beetbil u meyaj tumen Sebadías u paal.

⁸U jaatzil u aj cananilo'ob u cinco winale': Samhut j izraita u nojochil.

⁹U jaatzil u aj cananilo'ob u seis winale': Ira u paal Iques j tecoai u nojochil.

¹⁰U jaatzil u aj cananilo'ob u siete winale': Heles Paltita u ch'i'ilancab Efraín u nojochil.

¹¹U jaatzil u aj cananilo'ob u ocho winale': Sibecai j husail u ch'i'ibal Zera u nojochil.

¹²U jaatzil u aj cananilo'ob u nueve winale': Ebiezer j anatotil, u ch'i'ibal Benjamín u nojochil.

¹³U jaatzil u aj cananilo'ob u diez winale': Maharai j netofail u ch'i'ibal Zera u nojochil.

¹⁴U jaatzil u aj cananilo'ob u once winale': Benaía j piratonil u ch'i'ibal Efraín u nojochil.

¹⁵U jaatzil u aj cananilo'ob u doce winale': Heldai j netofail u ch'i'ibal Otoniel u nojochil.

¹⁶U nuuquilo'ob u ch'i'ibalo'ob Israele', leti' lelo'oba': u ch'i'ibalo'ob Rubene', Eliezer u paal Zicri; ti' u ch'i'ibalo'ob Simeone', Sefatías u paal Maaca;

¹⁷ti' u ch'i'ibalo'ob Levie', Hasabías u paal Kemuel; ti' u ch'i'ibalo'ob Aarone', Sadoc;

¹⁸ti' u ch'i'ibalo'ob Judae', Eliú jun túul u sucu'un David; ti' u ch'i'ibalo'ob Isacare' Omri u paal Micael;

¹⁹ti' u ch'i'ibalo'ob Zabulone', Ismaías u paal Abdías; ti' u ch'i'ibalo'ob Neftalie', Jerimot u paal Azriel;

²⁰ti' u ch'i'ibalo'ob Efraine', Oseas u paal Azazías; ti' u táancoch ch'i'ibalo'ob Manasese', Joel u paal Pedaías;

²¹ti' u láak u táancoch u ch'i'ibalo'ob Manasés le yaan Galaado', Iddo, u paal Zacarías; ti' u ch'i'ibalo'ob Benjamine', Jaasiel u paal Abner;

²²ti' u ch'i'ibalo'ob Dane, Azareel u paal Jeroham. Lelo'oba', leti'ob ca'ach u nuuquil u ch'i'ibalo'ob Israel.

²³Davide' ma' tu xocaj le máaxo'ob ma' kuchuc veinte u ja'abilo'obo', tumen Yuumtzile' u séeb chi'itmaj u ya'abcuntic le j israelitaob bey u eekilo'ob ca'ane'.

²⁴Joabe', j cáaj u beetic u xooquilo'ob ca'achi, ba'ale' ma' tu dzo'ocsaji', tumen tu taasaj jun p'éel nojoch yaayaj óolal ti' Israel. Le t o'olal ma' tu chíicpajal u xooquilo'ob u kaaba'ob tu ju'unilo'ob ajaw Davidi'.

²⁵U aj canan taakin ca'ache' Azmabet, u paal Adiel, u aj cananil ba'axo'ob yano'ob j káax yéetel ti' caajo'ob pa'ate' yéetel u x péet caajiloob tac tu'ux cu xu'ulul u lu'umo'obe', Jonatán u paal Uzías.

²⁶U nojochil máaxo'ob meyajtic le lu'umo'obo', Ezri u paal Quelub.

²⁷U nojochil u x péet paachilo'ob uvae', Simei j ramatil, Zabdi yéetel Sefame' leti'ob ca'ach molic u kab uva u ti'al líikesbilo'ob.

²⁸U nojochil u x péet paachilo'ob olivo'ob yéetel j káaxil higueraob le yano'ob j táax kóom lu'ume', Baal-hanán, j gederail, yéetel u nu'uculo'ob tu'ux cu dza'abal aceitee', Joás.

²⁹U nojochil máax canantic le wacaxo'ob cu tzéenta'alo'ob Sarono', Satrai j saronil, yéetel u nojochil máax canantic le wacaxo'ob cu tzéenta'alo'ob te j táax kóomo'obo', Safat u paal Adlai.

³⁰U nojochil máax canantic camello'obe', Obil, j ismaelitail; u nojochil máaxo'ob canantic x burraobe', Jehedías j meronotil;

³¹u nojochil máaxo'ob canantic j tamamno'obe', Jaziz agareno. Tuláacal lelo'oba', leti'ob canantic u ayikalilo'ob ajaw David.

³²Jonatán u Dzeyuum David j na'atil máac yéetel canbalnaja'an, aj tzol xiquin, Jehiel u paal Hacmonie', leti' láakintic ca'ach u paalal le ajawo'.

³³Ahitofele', u j a'almaj xiquin xan le ajawo', yéetel Husai j arquitai, u nadza'an éet óol ajaw.

³⁴Joiada u paal Benaía yéetel Abiatare', j dzaab u jeelint Ahitofel. U nojchil u náacomil u aj ba'atelo'ob Joab.