Read Yucateco 1 Crónicas 4 Bible Online

1 Crónicas 4 - Yucateco bible

1 Crónicas 4

¹U paalal Judae', tu kaaba'intajo'ob Fares, Hezrón, Carmi, Hur yéetel Sobal.

²Reaía, u paal Sobale', u taata Jahat, Jahate', u taata Ahumai yéetel Lahad. Lelo'oba' u láaktzililo'ob j zoratitaob.

³U paalal Hure' tu kaaba'intajo'ob Etam, Jezreel, Isma, Idbas, Penuel, u taata Gedor yéetel Ezer u taata Husa. Lelo'oba' yaan ca'ach jun túul u láako'ob cu kaaba'intic x Haze-lelponi. Lelo'oba' u paalal Hur u yáax paal Efrata u j máanja'an ch'i'ibal Belén.

⁵Asur u taata Tecoae', j yanchaj ca'a túul u yatano'ob: X Hela yéetel x Naara.

⁶X Naarae', u maama ca'ache' Ahuzam, Hefer, Temeni yéetel Ahastari. Lelo'oba' u yaalo'ob ca'ach x Naara.

⁷U yaalo'ob x Helae', tu kaaba'intajo'ob Zeret, Jezuar yéetel Etnán.

⁸Cose' u taata Anub yéetel Zobeba, leti'e' u máanja'an ch'i'ibal u láaktzililo'ob Aharhel, u paal Harum.

⁹Jabese', j kaj óolta'ab nojoch ba'al asab ti' u sucu'uno'ob, j dzaab Jabes u kaaba'int tumen u maama, tumen tu ya'alaj: Tu jaajile', yéetel mukyaj tin síijsaj.

¹⁰Jabese' j payalchi'inaj ti' u Ku Israel, ca tu ya'alaj ti' beya': Quin káat óoltic ti' teech ca qui' t'anteni', dzáa ti' teen jun p'éel nojoch múuch' lu'umi', j áanteni', ma' u yúuchul ti' teen mix jun p'éel loob u ti'al ma' in mukyaj. J dzaab ti' tumen Ku ba'ax tu káataj.

¹¹Quelub, u yíidzin Suae', u taata Mehir; Mehire', u taata Estón;

¹²Estone', u taata Bet-rafa, Paseah, yéetel Tehina máax chu'unbes u caajil Nahas. Lelo'oba' u cajnáalilo'ob Reca.

¹³U paalal Cenaze', tu kaaba'intajo'ob Otoniel yéetel Seraías. U paalal Otoniele', tu kaaba'intajo'ob Hatat,

¹⁴yéetel Meonotai, u taata Ofra. Seraíase', u taata Joab, u máanja'an ch'i'ibalo'ob u cajnáalilo'ob u táax kóomil Carisim, leti'obe', cu beetico'ob ca'ach Jadzutz meyajo'ob.

¹⁵U paalal Caleb, u paal Jefonee', tu kaaba'intajo'ob Iru, Ela yéetel Naam. Elae', u taata Cenaz.

¹⁶U paalal Jahaleele', tu kaaba'intajo'ob Zif, Zifa, Tirías yéetel Asareel.

¹⁷U paalal Esdrase', tu kaaba'intajo'ob Mered, Efer yéetel Jalón. Merede', j dzo'oc u beel yéetel x Bitia u x ch'upul paal faraón, u paalale', tu kaaba'intajo'ob j María, Samai yéetel Isba u taata Estemoa. Merede', tu ch'a'aj jun túul u co'olelil u ch'i'ibalo'ob Judá, leti'e' u maama ca'ach Jared, u taata Gedor, Heber, u taata Soco, yéetel Jecutiel, u taata Zanoa.

¹⁹U paalo'ob u yatan Hodías, u láaktzil Naham, u taata Keilae', tu kaaba'intajo'ob Dalia j garmita yéetel Estemoa j maacateo.

²⁰U paalal Simeone' tu kaaba'intajo'ob Amnón, Rina, Ben-hanán yéetel Tilón. U paalal Isie', tu kaaba'intajo'ob Zohet yéetel Benzohet.

²¹U ch'i'ibalo'ob Sela u paal Judae', tu kaaba'intajo'ob Er u taata Leca, Laada, u taata Maresa, u cajnáalilo'ob le máaxo'ob meyajtic lino tu caajil Bet-asbea,

²²Joacim, u cajnáalilo'ob Cozeba, Joás yéetel Saraf, leti'obe' j dzo'oc u beelo'ob yéetel u co'olelilo'ob Moabe', ca j suunajo'ob Belén je'el bix u ya'alic le úuchben tzicbalo'ob dzíibta'ano'obo'.

²³Lelo'oba' j pat kato'ob ca'achi; cajnáalo'ob ca'ach tu caajilo'ob Netaim yéetel Gedera, leti'ob ca'ach meyajtic ajaw.

²⁴U paalal Simeone' tu kaaba'intajo'ob Nemuel, Jamín, Jarib. Zera yéetel Saúl.

²⁵Saule', u taata Salum; Salume' u taata Mibsam, Mibsame', u taata Misma.

²⁶Mismae', u taata Hamuel; Hamuele', u taata Zacur, Zacure', u taata Simei.

²⁷Simeie', j yanchaj diesisiete u j xibil paalal yéetel seis u ch'upul paalal; ba'ale' u láako'obe' ma' yanchaj ya'ab u paalalo'obi', let o'olal ma' sen j nojochchaj u cajtalilo'ob je'el bix u ch'i'ibalo'ob Judae'.

²⁸Ti' cajnáalo'ob ca'ach tu caajilo'ob Beersebae', Molada, Hazar-sual,

²⁹Bilha, Ezem, Tolad,

³⁰Betuel, Horma, Siclag,

³¹Bet-marcabot, Hazar-susim, Bet-birai yéetel Saaraim. Lelo'oba' u caajalo'ob tac tu kiinilo'ob ajawnajic David.

³²Yaan xan cinco u caajalo'ob: Etam, Aín, Rimón, Toquén yéetel Asán,

³³pa'ate' yéetel tuláacal le x péet caajo'ob yaan tu bakpacho'ob le caajo'ob tac Baalato'. Lelo'oba' u caajalo'ob tu'ux dzíibta'an xan ca'ach u kaaba'ob u taataob.

³⁴Mesobab, Jamlec, Josías, u paal Amasías,

³⁵Joel, Jehú, u paal Josibías, Josibíase', u paal Seraías, Serasíase', u paal Asiel;

³⁶Elioenai, Jaacoba, Jesohaía, Asaías, Adiel, Jesimiel, Benaía,

³⁷Zizae', u paal Sifi, Sifie' u paal Alón, Alone' u paal Jedaías, Jedaíase' u paal Simri, Simrie' u paal Semaías.

³⁸Le máaxo'ob dzo'oc u ch'a'a chi'ita'al u kaaba'oba', leti'ob u jo'ol poolilo'ob u láaktzililo'ob. Bey tumen sen ya'abchaj u láaktzililo'obo',

³⁹j kucho'ob tac tu jáal u lu'umilo'ob Gerar tu lakin le táax lu'umo' u ti'al u caxtico'ob xíiwo'ob u ti'al u tzéentico'ob u yaalak ba'alche'ob,

⁴⁰te'elo' tu nuptáantajo'ob ya'ab ma'alob áak xíiw, yéetel ya'abcach lu'um tu'ux yaan jéedzel. Te'elo', ti' j yáax cajlajo'ob ca'ach u ch'i'ibalo'ob Cam,

⁴¹ba'ale' tu kiinilo'ob Ezequías u ajawil Judae', j taalo'ob le máax dzo'oc u ya'ala'al u kaaba'oba', ca tu pa'ajo'ob jun puli' pa'ate' yéetel u cajtalilo'obe', ca j p'áato'ob cajtal u jeelinto'ob le máaxo'ob caja'ano'ob ca'ache', tumen yaan ca'ach xíiw u ti'al u yaalako'ob.

⁴²Bey xan quinientos u j xiibilo'ob u ch'i'ibal Simeone', j bino'ob tu pu'uquilo'ob Seir méektáanta'ano'ob tumen Pelatías, Nearías, Refaías yéetel Uziel, u paalal Isie',

⁴³ca tu xu'ulsajo'ob u yalab le j amalecitaobo'. Líikbal ti' le kiino' ti' cajacbalo'ob tac bejela'e'.