Read Yucateco 1 Crónicas 7 Bible Online

1 Crónicas 7 - Yucateco bible

1 Crónicas 7

¹U paalal Isacare' can túulo'ob ca'achi: tu kaaba'intajo'ob Tola, Fúa, Jasub yéetel Simrón.

²U paalal Tolae', tu kaaba'intajo'ob Uzi, Refaías, Jeriel, Jahmai, Jibsam yéetel Semuel, leti'ob u nuuquilo'ob u láaktzililo'ob Tola, ma'alob ojéela'anil xan, leti'obe' u xiixib aj ba'atelo'ob líikbal tu úuchben láaktzilo'ob. Tu kiinilo'ob Davide' tu chucajo'ob veintidós mil seis cientos.

³U paal Uzie' tu kaaba'intaj Israhías. U paalal Israhiase', tu kaaba'intajo'ob Micael, Obadías, Joel, yéetel Isías. Cinco nucuch máaco'ob tu pa'ate'ilo'ob.

⁴Tumen sen ya'ab u yatano'ob yéetel u paalalo'ob, ichil u jejeláas ch'i'ibalo'obe', tu much'quintajo'ob le j xiibo'ob mu'uka'ano'ob u ti'al j ba'atele' cu kuchul tac treinta yéetel seis mil máaco'ob.

⁵Tuláacal u xooquil u láaktzililo'ob Isacare', cu chúucpajal ochenta yéetel siete mil aj ba'atelo'ob jach xiixib máaco'ob.

⁶U paalal Benjamine', óox túulo'ob ca'achi: Bela, Bequer yéetel Jediael.

⁷U paalal Belae', cinco'ob ca'achi: Esbón, Uzi, Uziel, Jerimot yéetel Iri, tuláacalo'obe' jo'ol poolo'ob yéetel xiixib máaco'ob u ti'al j ba'atel. U xooquil u láaktzililo'obe' cu kuchul veinti dos mil treinta yéetel can túul máaco'ob.

⁸U paalal Bequere', tu kaaba'intajo'ob Zemira, Joás, Eliezer, Elioenai, Omri, Jerimot, Abías, Anatot yéetel Alamet. Tuláacalo'obe', u paalal Bequer,

⁹U xooquil u láaktzililo'ob u ch'i'ibalo'ob yéetel u nuuquilo'obe', veinte mil docientos aj ba'atelo'ob jach xiixib máaco'ob ca'achi.

¹⁰U paal Jediaele', tu kaaba'intaj Bilhán. U paalal Bilhane' tu kaaba'intajo'ob Jeús, Benjamín, Aod, Quenaana, Zetán, Tarsis yéetel Ahisahar.

¹¹tuláacalo'obe', u ch'i'ibalo'ob Jediael, u nuuquilo'ob u yototchnáalo'ob, cu dzo'ocole' sen xiixib máaco'ob mu'uka'ano'ob u ti'al j ba'atel. Cu kuchul ca'ach diecisiete mil docientos u j xiibilo'ob.

¹²U paalal Hire' tu kaaba'intajo'ob Sufam yéetel Hufam. U paal Ahere' tu kaaba'intaj Husim.

¹³U paal Neftalie' tu kaaba'intajo'ob Jahzeel, Guni, Jezer, yéetel Salum. Lelo'oba' u ch'i'ibalo'ob x Bilha.

¹⁴U paalal Manasés j yanchaj ti' yéetel u x keech x siriail tu kaaba'intajo'ob Ariel yéetel Maquir, u taata Galaad.

¹⁵Maquire', j dzo'oc u beel tu yéetel x Maaca, u x ch'upul paal u láaktzilil Hufam yéetel Sufam. U ca'a túul u paal Maquire' tu kaaba'intaj Zelofehad, chéen u x ch'upul paalal yanchaji.

¹⁶X Maaca u yatan Maquire', yanchaj jun túul u paale' ca tu dzáa u kaaba'int Peres. U yíidzin Perese', tu kaaba'intaj Seres, u paalal Serese' tu kaaba'intajo'ob Ulam yéetel Requem.

¹⁷Ulame', u paal Bedán. Lelo'oba' u paalal ca'ach Galaad u paal Maquir, u paal Manasés.

¹⁸U x ch'upul íidzin Maquire', cu kaaba'intic ca'ach x Hamolequet, leti'e' u maama Isod, Abiezer yéetel Mahala.

¹⁹U paalal Semidae' tu kaaba'intajo'ob Ahían, Siquem, Likhi yéetel Aniam.

²⁰U ch'i'ibalo'ob Efraín tu tzoolol síijico'obe', tu kaaba'intajo'ob Sutela, Bered, Tahat, Elada, Tahat, Zabad, Sutela. Ezer yéetel Elad u láak u paalal Efraine', j quíimsa'abo'ob tumen u cajnáalilo'ob Gad, tumen j bino'ob u toco'ob u wacaxo'ob.

²²Efraín u taataobe' tu okom óoltajo'ob ya'abcach kiino'ob, ba'ale' j taalo'ob u láaktzilo'ob u ti'al jóomsic u yóol.

²³Cu dzo'ocole' tu nupajubáa yéetel u yatane', ca x yo'omchaje', ca síijsa'ab jun túul u paal, ca tu dzaj u kaaba'int Bería, tumen ti' yaan ca'ach le loob tu yotocho'.

²⁴Seera u x ch'upul paal Beríae', tu beetaj u caajilo'ob Bethorón le yaan caabal lu'umo', yéetel Bethorón le yaan ca'anal lu'umo', tu beetaj xan Uzen-seera.

²⁵U ch'i'ibalo'ob Bería tu tzoolole', tu kaaba'intajo'ob Refa, Reset, Telah, Tahán, Laadán, Amiud, Elisama, Nun yéetel Josué.

²⁸U lu'umo'ob yéetel u caajalo'obe', tu kaaba'intajo'ob Betel; Naarán, tu tojil j lakin; Gezer tu tojil j chikin; yéetel Siquem tac Ayah; tuláacal le caajo'oba' yéetel u x péet caajilo'ob.

²⁹U ch'i'ibalo'ob Manasese', tu kabo'ob ca'ach yaan Bet-seán, Taanac, Meguido yéetel Dor, pa'ate' yéetel u x péet caajilo'ob. Te j cúuchilo'obo' j taalo'ob u ch'i'ibalo'ob José u paal Israel.

³⁰U paalal Asere' tu kaaba'intajo'ob Imna, Isúa, Isúi, Bería yéetel x Sera u x ch'upul láako'ob.

³¹U paalal Beríae', Heber yéetel Malquiel, u taata Birzavit.

³²Herbere' u taata Jaflet, Semer, Hotam yéetel x Súa, u x ch'upul láako'ob.

³³U paalal Jaflete' tu kaaba'intajo'ob Pasac, Bimhal yéetel Asvat.

³⁴U paalal Semer, u yíidzine', tu kaaba'intajo'ob Rohga, Jehúuba yéetel Aram.

³⁵U paalal Jotam, u yíidzine', tu kaaba'intajo'ob Zofa, Imna, Seles yéetel Amal.

³⁶U paalal Zofae' tu kaaba'intajo'ob Súa, Hernefer, Súal, Beri, Imra,

³⁷Beser, Hod, Sama, silsa, Itrán yéetel Beera.

³⁸U paalal Jefere' tu kaaba'intajo'ob Jefone, Pispa yéetel Ara.

³⁹U paalal Ula'e' tu kaaba'intajo'ob Ara, Haniel yéetel Rezia.

⁴⁰Tuláacal lo'oba' u ch'i'ibalo'ob Aser. U nuuquilo'ob u láaktzililo'ob, láaj xiixib máaco'ob, sen ka'abéeto'ob tu caajalo'ob. Tu pa'ate'ilo'obe', veintiseís mil u j xiibilo'ob nu'ucano'ob u ti'al j ba'atel.