Read Yucateco 1 Crónicas 8 Bible Online

1 Crónicas 8 - Yucateco bible

1 Crónicas 8

¹Benjamine', u taata Bela, u yáax paal; Asbel u ca'a túul; yéetel Ahara, u yóox túul;

²Noha u can túul, Rafa u cinco túulal.

³U paalal Belae' tu kaaba'intajo'ob Adar, Gera, Abiud,

⁴Abisúa, Naamán, Ahoa,

⁵Gera Sefufán yéetel Hiram.

⁶U paalal Aod u nuuquil u láaktzililo'ob, caja'ano'ob ca'ach tu caajil Geba, le j tojoch'inta'abo'ob tu lu'umil Manahate', tu kaaba'intajo'ob

⁷Naamán, Ahías yéetel Gera, u taata Uza yéetel Ahiud, le máax j biso'obo'.

⁸Saharaime', j yanchaj u láak ca'a túul u paalal tu lu'umilo'ob Moab, le ca j dzo'oc u p'atic u x ca'a túul atano'ob cu kaaba'intico'ob ca'ach x Husim yéetel x Baara.

⁹Le paalal j yanchajo'ob ti' u túunben atan tu kaaba'intaj x Hodeso', tu kaaba'intajo'ob Jobab, Sibia, Mesa, Malcam,

¹⁰Jeúz, Saquías yéetel Mirma. Lelo'oba' u paalalo'ob, leti'obe' u nuuquilo'ob u láaktzililo'ob.

¹¹Ti' x Husim u yatane', yanchaj ca'ach u paalal tu kaaba'intajo'ob Ahitob yéetel Elpaal.

¹²U paalal Elpaale', tu kaaba'intajo'ob Heber, Misam yéetel Semed, le máax j beet u caajilo'ob Ono yéetel Lod, pa'ate' yéetel u x péet caajilo'ob;

¹³Bería yéetel Sema, u nuuquilo'ob u láaktzililo'ob caja'ano'ob ca'ach Ajalón, leti'ob j áalcabans u j yúuchben cajnáalilo'ob Gat;

¹⁴yéetel u yíidzino'ob Sasac yéetel Jeroham.

¹⁵Zebadías, Arad Ader,

¹⁶Micael, Ispa yéetel Johae', u paalal Bería.

¹⁷Zebedías, Mesulam, Hisqui, Heber,

¹⁸Ismerai, Jezlías yéetel jobabe', u paalal Elpaal.

¹⁹Jaquim, Zicri, Zabdi,

²⁰Elienai, Ziletai, Eliel,

²¹Adaías, Beraías, yéetel Simrate' u paalal ca'ach Simei.

²²Ispán, Heber, Eliel,

²³Abdón, Zicri, Hanán,

²⁴Hananías, Elam, Anatotías,

²⁵Ifdaías yéetel Peniele' u paalal ca'ach Sasac.

²⁶Samserai, Seharías, Atalías,

²⁷Jerasías, Elías yéetel Zicrie' u paalal ca'ach Jeroham.

²⁸Lelo'oba' u nuuquil ca'ach u láaktzililo'ob u ch'i'ibalo'ob ti' cajlajo'ob Jerusalene'.

²⁹Tu caajil Gabaón cajacbal ca'ach Jehiel, u taata Gabaón. U yatane' tu kaaba'intaj x Maaca.

³⁰U paalale' tu kaaba'intajo'ob Abdón u yáax paal, zur, Cis, Baal, Ner, Nadab,

³¹Gedor, Ahío, Zequer

³²yéetel Miclot, u taata Simea. Lelo'ob xana' cajacbalo'ob ca'ach Jerusalén je'el bix u láako'obe'.

³³Nere' u taata Cis, Cise' u taata Saúl, Saule', u taata Jonatán, Malquisúa, Abinadab yéetel Es-baal.

³⁴Jonatane', u taata Merib-baal u taata ca'ach Micaía.

³⁵U paalal Micaíae' tu kaaba'intajo'ob Pitón, Melec, Tarea yéetel Acaz.

³⁶Acaze' u taata ca'ach Joada, Joadae' u taata ca'ach Alemet, Azmavet yéetel Zimri; Zimrie' u taata ca'ach Mosa,

³⁷Mosae' u taata ca'ach Bina, u taata ca'ach Rafa, u taata ca'ach Elasa, u taata ca'ach Azel.

³⁸U paalal Azele', seiso'ob ca'achi, tu kaaba'intajo'ob: Azricam, Bocru, Ismael, Searías, Obadías yéetel Hanán. Lelo'oba' u paalal ca'ach Azel.

³⁹U paalal Ezec u yíidzine' tu kaaba'intajo'ob Ulam, u yáax paal; Jeús u ca'a túul, yéetel Elifelet u yóox túul.

⁴⁰u paalal Ulame', xiixib aj ba'atelilo'ob ca'achi, nu'ucano'ob ca'ach u ti'al j ch'iin yéetel x p'úunche'. Yanchaj ya'ab u paalalo'ob yéetel u yáabilo'ob, ciento cincuenta tu pa'ate'ilo'ob, tuláacalo'ob u ch'i'ibalo'ob Benjamín.