Read Yucateco 2 Crónicas 14 Bible Online

2 Crónicas 14 - Yucateco bible

2 Crónicas 14

¹Le ca j quíim Abiame', j mu'uc tu Caajil David. Cu dzo'ocole', j culaj Asa tu jalach káanche'. Tu kiinilo'ob u ajawile', j yanchaj jéedzel ti' tuláacal u múuch' caajo'ob Diez ja'abo'ob.

²Asae' tu beetaj ba'ax toj tu táan Yuumtzil u Ku.

³Tu pa'aj u multuunil u kulta'al le j táanxel lu'umil beetbil kuobo', bey xan le manba'al kulnajo'obo'; tu xe'exe'et'aj le tuunicho'ob u quili'ichtmajo'obo', tu kascuntaj u yoochelo'ob Asera.

⁴Cu dzo'ocole' tu túuchi'itaj ti' Judá ca u suut u tuuculo'ob ti' Yuumtzil u máanja'an ch'i'ibalo'ob yéetel ca u dzo'ocbesbeso'ob le a'almaj t'aano'ob yéetel le nu'ucbe'en t'aano'obo'.

⁵Tu tzelaj ti' tuláacal u lu'umil Judá le ma' ocsaj óol quili'ich najo'ob yéetel ma' ocsaj óol multuunilo'ob kultajo'. yanchaj jéedzel tu kiinilo'ob u ajawil.

⁶Bey yanchaj jéedzel ti' tu tumen mina'an máaxo'ob ba'ateltic tu yo'olal le jéedzel j dzaab ti' tumen Yuumtzilo', Asae' tu beetaj u tuulumil caajo'ob tu lu'umil Judá.

⁷Tu ya'alaj ti' u cajnáalilo'ob Judá: Co'one'ex beetic u tuulumil le caajo'oba', cone'ex dzáic u bak pakilo'ob, u witzil najilo'ob, u jool najilo'ob, yéetel u x katabche'ilo'ob, ca'aliquil ti' yaan le lu'umo'ob t kabe'exa'. Tumen bey dzo'oc c caxtique'ex Yuumtzil c Kua', leti'e', dzo'oc u dzáic to'on jéedzel tu yéetel tuláacal máaxo'ob cajnáalo'ob t tzéele'ex. Bey túuno', j bin utzil ti'ob tu yéetel le meyajo'ob tu beetajo'obo'.

⁸Asae', yaan ca'ach trecientos mil u aj ba'atelo'ob yaan u chimalo'ob yéetel u lóomte'ob, tu lu'umil Judá, yéetel u láak docientos ochenta mil tu lu'umil Benjamín, yaan u chimalo'ob yéetel u x p'úunche'ob. Tuláacalo'ob jach xiixib máaco'ob ca'achi.

⁹J bin ba'ateltbilo'ob tumen Zera j etiopeil tu yéetel jun p'éel millon j xiibo'ob, yéetel trecientos u bolanilo'ob ba'atele', ca j kuch je'elel tac Maresa.

¹⁰Asa túune', jóok u nuptáantubáa tu yéetele', ca tu nu'ucbesajubáa u ti'al j ba'atel tu yéetel u aj ba'atelo'ob u ti'al j ba'atel tu táax kóom lu'umil Sefata tu tzéel Maresa.

¹¹Asae', j payalchi'inaj ti' Yuumtzile' ca tu ya'alaj: Yuumtzil a ti'al teche', je'el bix a wáantic le mu'uka'ano', bey xan a wáantic le mina'an u muuko'. Le t o'olale', Yuumtzil c Ku ¡áanto'oni', tumen c ocsaj óoltiquech, dzo'oc c taal ta kaaba' tu táan le aj ba'atelo'oba'! Teche' Yuumtzil c Junab Kuech. ¡Beet u yojéelta'al mina'an mix máac je'el u páajtal u ba'atel ta wéetele'!

¹²Ku túune' tu yáantaj Asa yéetel judae', ca tu pa'ajo'ob u muuk le j etiopeobo', ca áalcabnajo'ob tu táano'ob.

¹³Ba'ale', Asa tu yéetel u aj ba'atelo'obe', j bino'ob u ch'a'apachto'ob tac tu caajil Gerare', ca j lúub tuláacal le j etiopeob tu kabo'obo', ma' j p'áat mix jun túul ti'ob cuxa'ani', j pa'ab u muuko'ob tumen u aj ba'atelo'ob Yuumtzil, tu ch'a'ajo'ob ya'abcach ba'alo'ob ti' le aj p'eeco'obo'.

¹⁴Cu dzo'ocole', tu puljuba'ob u ba'atelto'ob tuláacal le caajo'ob yaan tu bakpach Geraro', tumen tuláacalo'obe', tu ch'a'ajo'ob sajaquil tu táan Yuumtzil. Le j judailo'obo', tu láaj ch'a'ajo'ob ba'ax yaan ti'ob, tumen yaan ca'ach ya'ab ayikalilo'ob.

¹⁵Tu puljuba'ob xan u ba'atelto'ob le tu'ux yaan ba'alche'obo', ca tu bisajo'ob ya'abcach j tamano'ob, yéetel camello'ob. cu dzo'ocole' j suunajo'ob Jerusalén.