Read Yucateco Nehemías 10 Bible Online

Nehemías 10 - Yucateco bible

Nehemías 10

¹Le máaco'oba' tu dzalabkabtajo'ob le ju'uno': Teen, Nehemías u paal Hacalías, máax ca'ach u aj méektáan, Sedequías,

²Seraías, Azarías, Jeremías,

³Pasur, Amarías, Malquías,

⁴Hatús, Sebanías, Maluc,

⁵Harim, Merot, Obadías,

⁶Daniel, Ginetón, Baruc,

⁷Mesulam, Abías, Mijamín,

⁸Maazías, Bilgai, yéetel Semaías. Lelo'oba' aj kiino'ob ca'achi'.

⁹Levitaob: Josué u paal Azanías, Binuy, u ch'i'ibal Henadad, yéetel Cadmiel;

¹⁰yéetel u sucu'uno'ob, Sebanías, Hodías, Kelita, Pelaías, Hanán,

¹¹Micaía, Rehob, Hasabías,

¹²Zacur, Serebías, Sebanías,

¹³Hodías, Bani yéetel Beninu.

¹⁴U nuuquilo'ob múuch' cajtalilo'ob: Paros, Pahat-moab, Elam, Zatu, Bani,

¹⁵Buni, Azgad, Bebai,

¹⁶Adonías, Bigvai, Adin,

¹⁷Ater, Ezequías, Azur,

¹⁸Hodías, Hasum, Bezai,

¹⁹Arif, Anatot, Nebai,

²⁰Magpías, Mesulam, Hezir,

²¹Mesezabeel, Sadoc, Jadúa,

²²Pelatías, Hanán, Anaías,

²³Oseas, Hananías, Hasub,

²⁴Halohes, Pilha, Sobec,

²⁵Rehum, Hasabna, Maasías,

²⁶Ahías, Hanán, Anán,

²⁷Maluc, Harim yéetel Baana.

²⁸Wa tu yo'olal u láak u cajnáalilo'obe', j káat a'ale', le aj kiino'ob, j levitaob, le aj canano'ob, le aj kaayo'ob, le u aj meeyjulo'ob kulnaj, yéetel tuláacal le u tzelmajuba'ob ti' u cajnáalilo'ob le lu'umo', ca u dzo'ocbeso'ob u ya'almaj t'aan Ku, pa'ate' yéetel u yatano'ob, yéetel tuláacal u j xibil paalal yéetel u x ch'upul paalal dzo'oc u yantal u na'ato'ob,

²⁹tu nupajuba'o' yéetel u láaktzilo'ob bey xan yéetel u nuuquilo'ob, ca tu jalach t'antajo'ob u cuxtalo'ob je'el bix le ya'almaj t'aan tu dzaj Ku ti' Moisés u j palitzil, u dzo'ocbesico'ob xan yéetel chuca'an óolal tuláacal u nu'ucbe'en t'aano'ob, u tzolbe'en t'aano'ob yéetel u ya'almaj t'aano'ob Yuumtzil.

³⁰Le beetique' ma' táan dzáic c x ch'upul paalal u ti'al u dzo'ocol u beelo'ob yéetel u cajnáalilo'ob le lu'umo'oba', mix táan c cha'ic u dzo'ocol u beelo'ob j xibil paalal yéetel u x ch'upul paalo'ob.

³¹Le quéen taalaco'ob u cajnáalilo'ob le múuch' caajo'ob tu kiinil sábado u ti'al u conico'ob u jejeláas janalbe'en neeko'ob yéetel tuláacal ba'ax cu taasico'obe', ma' bíin c man ti'ob, mix sábado, mix ti' u láak u kiinil cha'an: bey xan tu siete ja'abil c meyaje' ma' bíin joochnaco'oni', yaan xan sa'atsic le p'aaxo'obo'.

³²T a'alaj xan yaan c dzáic jujun ja'abe', can p'éel gramo plata u ti'al u bo'ota'al u meeyjulo'ob u kulnaj Junab Ku.

³³U ti'al le waaj cu táanbesa'alo', u ti'ibil óolalil sáamsamal janalbe'en neeko'ob, le sáamsamal tóocbil ba'alche'obo', le quíimsbil ba'alche' sábado yéetel tu kiinilo'ob chichan uj, yéetel u láak u kiin kujo'ob; u ti'al tuláacal ti'ibil óolal, quíimsbil ba'alche'ob u ti'al u sa'atsa'al u si'ipilo'ob Israel, yéetel tuláacal kultaj tu kulnaj c Ku.

³⁴Cu dzo'ocole' le aj kiino'ob, j levitaob yéetel tuláacal le caajo', je'el bix yanilo'ob c láaktzilo'obe', t beetaj u buulil u ti'al c ilic máaxo'ob bíin u biso'ob si' tu jujun ja'abil tu kulnaj Junab Ku, u ti'al tóocbil tu multuunil kultaj Yuumtzil c Ku, je'el bix dzíibta'anil ti' le a'almaj t'aano'.

³⁵T a'alaj xan c bisic jujun ja'ab tu kulnaj Yuumtzil u yáax ich c pakal j coolo'ob yéetel tuláacal u yáax ich u pakalil c lu'umo'on,

³⁶bey xan c bisic tu kulnaj c Ku c yáax paalal, u yáax yaalo'ob c wacaxo'ob yéetel c tamano'ob, je'el bix dzíibta'anil ti' le a'almaj t'aano', u ti'al le aj kiino'ob cu meyajo'ob tu kulnaj c Kuo'.

³⁷T a'alaj xan c bisic tu kulnaj c Ku, tu cúuchil tu'ux cu ta'aca'al ba'alo'ob, patan u ti'al aj kiino'ob, yáax ba'alo'ob cu bin j yanchajal ti' to'on, harina, yéetel tuláacal janalbe'en yich che'ob, yáax c o'och vinoo, c o'och aceite, yéetel c bisic ti' j le levitaob u diezmoil c jocho'ob, tumen leti'o' máaxo'ob molic u diezmoil c lu'umo'on.

³⁸Le quéen xi'ico'ob le j levitaob u molo'ob le diezmo'ob, yaan u láakinta'alo'ob tumen jun túul aj kiin sijnal ti' u ch'i'ibal Aarón. Cu dzo'ocole' le j levitaobo' yaan u bisico'ob tu kulnaj c Ku tu cúuchil u ta'acbesa'al ba'alo'ob, u diezmoil le diezmo bíin u molo'obo',

³⁹tumen le j israelitaob yéetel le j levitaob cu bisico'ob u páatanil trigo, vino, yéetel aceite tu cúuchil tu'ux cu ta'acbesa'al ba'alo'ob, tu'ux cu dza'abal le quili'ich nu'uculo'ob, tu'ux xan yano'ob le aj kiino'ob cu meyajo'obo', aj canano'ob, yéetel aj kaayo'obo'. Ca t séeb chi'itaj ma' c xúunp'attic u kulnaj c Kui'.