Read Yucateco Nehemías 12 Bible Online

Nehemías 12 - Yucateco bible

Nehemías 12

¹Lelo'oba' leti'ob le aj kiino'ob yéetel le j levitaob suunajo'ob yéetel Zorobabel u paal Salatiel, yéetel xan Josué: Aj kiino'ob: Seraías, Jeremías, Esdras,

²Amarías, Maluc, Hatús,

³Secanías, Rehum, Meremot,

⁴Ido, Gineto, Abías,

⁵Mijamín, Maadías, Bilga,

⁶Semaías, Joiarib, Jedaías,

⁷Salú, Amoc, Hilcías yéetel Jedaías, lelo'oba' u nuuquilo'ob le aj kiino'ob yéetel u láaktzilo'ob tu kiinilo'ob Josué.

⁸Le j levitaob: Josué, Binuy, Cadmiel, Serebías, Judá, yéetel Matanías, ti' leti' yéetel u yéet j levitaobe' kubenta'an ca'ach u kaayilo'ob qui' t'aan;

⁹Bacbuquías yéetel Uni, láili' u yéet meeyjulo'ob, ti' ta'aca'ano'ob j áantaje'.

¹⁰Josué u taata Joiacim, Joiacime' u taata Eliasib, Eliasibe', u taata Joiada,

¹¹Joiadae', u taata Johanán, Johanane' u taata Jedúa.

¹²Tu kiinilo'ob Joiacim, le aj kiino'obo' u nuuquilo'ob le láaktzililo'ob ca'achi': ti' u láaktzil Seraías, Meraías; ti' u láaktzil Jeremías, Hananías;

¹³ti' u láaktzil Esdrase', Mesulam; ti' u láaktzil Amaríase', Johanán;

¹⁴ti' láaktzil Melicúe', Jonatán; ti' láaktzil Sebaníase', José;

¹⁵ti' u láaktzil Harime', Adna; ti' u láaktzil Meraiote', Helcai;

¹⁶ti' u láaktzil Idoe', Zacarías; ti' u láaktzil Ginetone', Mesulam;

¹⁷ti' u láaktzil Abías, Zicri; u láaktzil Miniamín, ti' u láaktzil Moadíase', Piltai;

¹⁸ti' u láaktzil Bilgae', Samúa; ti' u láaktzil Semaíase', Jonatán;

¹⁹ti' u láaktzil Joiaribe', Matenai; ti' u láaktzil Jedaíase', Uzi;

²⁰ti' u láaktzil Salaie', Cali; ti' u láaktzil Amoc, Eber;

²¹ti' u láaktzil Hilcíase', Hasabías; yéetel u láaktzilo'ob Jedaíase', Natanael.

²²Tu kiinilo'ob Eliasib, Joiada, Johanán, yéetel Jadúa, tac tu ajawil Darío Persae', Le j levitaob yéetel le aj kiino'obo', dzíibta'ab u kaaba'ob bey u nuuquilo'ob láaktzililo'ob.

²³Le j levitaob dzíibta'abo'ob beyo'ob u nuuquilo'ob le láaktzililo'ob tu dzíibil ju'unil crónicas tac tu kiinil Johanán, u yáabil Eliasib.

²⁴U nuuquilo'ob le j levitaob ca'ache': Hasabías, Serebías, Josué, Binuy yéetel Cadmiel, yéetel u yéet meyajo'obe' j dzaabo'ob u ti'al u kaayilo'ob qui' t'aantajo'ob yéetel nib óolal ti' Yuumtzil, tu tzoolol t'oxa'anilo'obe', je'el bix u ya'almajil David, jun túul u palitzil Kue'.

²⁵Le máaxo'ob canantico'ob jool najo'obo': Matanías, Bacbuquías, Obadías, Mesulam, Talmón yéetel Acub.

²⁶lelo'oba' j cuxlajo'ob tu kiinilo'ob joiacim, u paal Josué yéetel u yáabil Josadac; tu kiinilo'ob xan Nehemías le aj méektáan, yéetel tu kiinilo'ob aj kiin yéetel aj ca'anbesaj Esdras.

²⁷Le ca j cuch u kiinil u jun páaycunta'al u tuulumil u bakpach Jerusalene', ca xakal caxta'ab tuláacal tu'ux caja'ano'ob le j levitaob, ca j taasa'abo'ob Jerusalén u ti'al u kiinbesico'ob le jun páaycunaj yéetel qui'imac óolal, qui' t'aano'ob yéetel kaayo'ob, láakinta'ano'ob yéetel boboj paaxo'ob, arpa, yéetel liras.

²⁸J taalo'ob tuláacal le aj kaayo'ob levitaob, caja'ano'ob ti' u mejen caajilo'ob Nefota, naadz ti' Jerusalén,

²⁹ti' u najilo'ob Gilgal yéetel tu káaxilo'ob Geba yéetel Azmavete'; le j kaayo'obo' tu beetajo'ob ca'ach x péet caajo'ob tu bakpach Jerusalén.

³⁰Ca túun tu yutzquintaj yanilo'ob le j kiino'ob yéetel le j levitaob. Cu dzo'ocole' tu yutzquintajo'ob yanil le caajo', bey xan u cajnáalilo'ob u jool caajilo'ob yéetel u tuulumil le noj caajo'.

³¹Cu dzo'ocole' tin beetaj u na'acalo'ob u jalachilo'ob Judá, ca tin beetaj ca'a nucuch múuch' aj kaayo'ob, jun múuch' le aj kaayo'obo' j tzóol xíinbalnajo'ob yóokol le tuulumo' tu x no'ojil tu tojil u jool caajil tu'ux cu pu'ulul ta' míis.

³²tu pach le aj kaayo'obo', cu bin ca'ach Osaías yéetel táanchumuc u jalachilo'ob Judá, a'albil tu beele',

³³yéetel Azarías, Esdras, Mesulam,

³⁴Judá, Benjamín, Semaías yéetel Jeremías.

³⁵Le aj kiino'obo', láakinta'ano'ob tumen le jóopsaj paaxo'ob: Zacarías, u paal Jonatán, máax u máanja'an ch'i'ibal ca'ach Semaías, Matanías, Micaías, Zacur yéetel Asaf;

³⁶yéetel u láaktzilo'ob, Semaías, Azarael, Milalai, Gilalai, Maai, Natanael, Judá yéetel Hanani, lelo'oba' leti'ob paxic u nu'uculo'ob u pax David jun túul u palitzil Ku. Tu táan leti'obe' cu bin ca'ach le aj ca'anbesaj Esdras.

³⁷Tu yóokol u jool caajil Sayab, tu tojil u ca'anlil le tuulumo', j na'aco'ob ti' u ebtuunilo'ob u noj caajil David tu yóokol u jalach naj David tac tu jool caajil ja' le yaan j chikino'.

³⁸Le ca'a múuch' aj kaayo'obo', tzóol xíinbalnajo'ob tu x dzíiquil. Tene' tu pacho'ob quin bin ca'ach tu yóokol le tuulumo' yéetel u láak u táanchumuc le máaco'obo', líikbal tu witzil najil chujcabo'ob, tac tu yicnal le cóococh tuulumo',

³⁹ca j máano'on tu joolcaajil Efraín tu joolcaajil Jesana, tu joolcaajil cayo'ob, tu witzil najil Hananeel yéetel tu witzil najil Cieno, tac tu jool najil j Tamano'ob, ca j wa'alajo'on tu joolcaajil j Canano'ob.

⁴⁰Cu dzo'ocole' le u ca'a múuch'ul le aj kaayo'obo', j bino'ob tu cúuchilo'ob tu kulnaj Junab Ku; bey xan teen yéetel táanchumuc le jalacho'ob j láakinteno'.

⁴¹Le aj kiino'ob cu paxico'ob ca'ach le jóopsaj paaxo'obo', Eliacim, Maaseías, Miniamín, Micaías, Elioenai, Zacarías, Hananías,

⁴²Maasías, Semaías, Eleazar, Izi, Johanán, Malquías, Elam yéetel Azer. Le aj kaayo'ob cu nu'ucta'al u kaayo'ob tumen Izrahías, múuch' kaaynajo'ob.

⁴³Ti' le kiinaco' j ku'ub ya'abcach quíimsbil ba'alche'ob, le máaco'obo', qui'imacchaj u yóolo'ob tumen Ku j beet u chu'upulo'ob yéetel qui'imac óolal. Le co'olelo'ob yéetel mejen paalalo' jach qui'imacchaj u yóolo'ob xan, j náachchaj u yu'uba'al le qui'imac óolal yanchaj Jerusaleno'.

⁴⁴Ti' le kiino'obo', j dzaab máaco'ob u ti'al canantic tu'ux cu ta'aca'al le ba'alo'ob co'ojtaco', u ti'ibil óolal le yáax icho'obo', yéetel le diezmo'ob, tumen yaan u líiksa'al je'el bix dzíibta'anil te j a'almaj t'aan tuláacal ba'ax cu j bin taasa'alo'ob líikbal ti' jujun p'éel caaj u ti'al aj kiino'ob yéetel aj levitaob táan u meyajo'ob.

⁴⁵Le ti'ob, je'el bix le aj kaayo'ob, yéetel le aj canano'ob, máaxo'ob kiinbesico'ob u kultajil Ku yéetel u meeyjul utzquinajil, je'el bix tu ya'alaj David yéetel Salomón u paale'.

⁴⁶Tumen tu kiinilo'ob David yéetel Asafe', yaan ca'ach u nuuquilo'ob le aj kaayo'obo', u kayilo'ob qui' t'aano'ob yéetel dzaa nib óolalo'ob ti' Ku.

⁴⁷Bey túuno' tu kiinilo'ob Zorobabel yéetel Nehemíase', tuláacal Israel cu kubic ca'ach sáamsamal janalo'ob u ti'al aj kaayo'ob yéetel aj canano'ob; cu dza'abal xan ti' le j levitaob le ba'ax úuchaque', leti'obe' cu beetico'ob láili' yéetel u ch'i'ibalo'ob Aarón.