Read Yucateco Job 13 Bible Online

Job 13 - Yucateco bible

Job 13

¹Tuláacal lela', dzo'oc in wilic tin wichil yéetel dzo'oc in wu'uyic tin xiquinil.

²Le ba'ax a wojele'exo', in wojel xan; mix jun p'íit a ch'actmailene'ex ti' ojéelajil.

³Ba'ale' asab ma'alob ca t'aanaquen tu yéetel Ku, asab ma'alob ca tutucchi'inaquen tu yéetel le máax ti' yaan tuláacal páajtalilo'.

⁴Te'exe', ca balique'ex ba'ax jaaj yéetel a tuse'ex; beye'ex aj dzaaco'ob mix ba'al u biilalo'obe'.

⁵¡Quexi' wa ca a mac a chi'ex u ti'al a jáawsique'ex a sen t'ane'exe', je'el u ya'ala'al sen yaan a ojéelaje'exe'!

⁶U'uye'ex, beete'ex utz maquique'ex a chi'ex, u ti'al a wu'uyique'ex ma'alob ba'axo'ob quin in wa'alej.

⁷¿Ca tucultique'ex a wa'alique'ex ba'ax utz tu yo'olal Ku yéetel a tuse'ex ca meyajtique'ex xan yéetel tuusil t'aano'ob?

⁸Te'exe', ta dzajaba'ex tu tzéel, a káate'ex j t'aan utz tu yo'olal,

⁹ba'ale', ¿Ba'ax je'el u yúuchul wa ca u xíixt a cuxtale'exe'? ¿Je'el wa a tusique'ex je'el bix a tusique'ex jun túul wíinique'?

¹⁰Wa x mucul a t'ane'ex tu yo'olale', leti'e' bíin u dzíidzic keye'ex.

¹¹U nojochil Junab Kue', bíin u sen chupe'ex tu yéetel sajaquil bey xan tu yéetel jak óolal.

¹²A t'anal t'aane'exe', bey lu'um cu líiksa'al tumen iike'; bey u ta'acbesicubáa máac tu paach u tuulumilo'ob pak lu'ume'.

¹³Bejela'e', ¡mac a chi'ex tumen bin in ca'aj t'aan, úuchuc ti' teen je'el ba'axac bíin úuchuc tene'!

¹⁴Bin in ca'aj in naadz in cuxtal tu chi' quíimil, bin in ca'aj in wila'a ba'ax bíin úuchuc ti' teen.

¹⁵Quex ca u quíimsene', ma' bíin in kex in tuuculi', u ti'al in we'esic ti' mina'an in si'ipil.

¹⁶Ja'ali' bey je'el in jechic le quíimilo', tumen jun túul loolob máaque', ma' bíin xi'ic u chíicbesubáa tu táani'.

¹⁷Ch'en xiquinte'ex ma'alob le ba'ax quin in wa'al ti' te'exa'.

¹⁸Bin in ca'aj in we'es mina'an in si'ipil, tene' in wojel jaaj ba'ax quin wa'alic.

¹⁹Wa yaan máax, yaan ba'ax o'olal u taquic in poole', tene' bíin in mac in chi' u ti'al ca quíimiquen.

²⁰In Ku chéen ca'a p'éel ba'ax quin káatic ti' teech, beyo' ma' bíin in ta'acbesinbáa ti' techi'.

²¹P'at a jadziquen ma' xan a cha'ic in ch'a'ic ya'ab sajaquili'.

²²Cu dzo'ocole' t'aaneni' teen xane' bíin in núuc a t'aan; wa ca t'aanaquen táanile', teech bíin a núuc in t'aan.

²³A'al ti' teen, ¿ba'ax kebanilo'ob in beetmaj, máacalmáac in si'ipilo'ob? ¿Tu'ux yaan in meyaj loobo'ob?

²⁴¿Ba'axten ca ta'acbesicabáa ti' teen? ¿Ba'axten ca wiliquen beyen jun túul aj p'eeque'?

²⁵Beyen jun p'éel sojol cu bisa'al tumen u yóol iike', ¿Ba'axten a káat a xu'ulsen? chéen beyen jun p'éel chan tiquin sojole', ¿ba'axten ca ch'a'apachtiquen?

²⁶táan a sen yaayaj taquic in pool; káatic ca in cáant u kebanilo'ob in táanquelmil.

²⁷Ca kaxláantic in wooc yéetel cadena, ca ch'úuctic tuláacal tu'ux quin máan ca xakal ilic tuláacal tu'ux quin pe'echak.

²⁸Táan u bin u bin in dzúucul beyen dzo'oc in tu'utale', beyen nook cu jaanta'al tumen j kamase'.