Read Yucateco Job 15 Bible Online

Job 15 - Yucateco bible

Job 15

¹Elifaz j temenitae', tu núucaj: Le máax yaan u ojéelaje', ma'atech u ya'alic tu'utuso'ob, mix u ca'analtal u yich u ti'al u ya'alic ba'alo'ob cu bisa'alo'ob tumen iik;

³Ma'atech u jáajan t'aan, mix tu ya'alic ba'alo'ob mix ba'al u biilal.

⁴Ba'ale' teche' dzo'oc u tu'ubul ti' teech a tziquic Ku: ¡ca mix ba'alcuntic le jaaj óol kultajilo'!

⁵A kaakas tuucule' cu beetic a t'aan beyo' leti' beetic a wa'alic tuuso'ob,

⁶ma' kabéet ca in tac a pooli', a chi' xot kintiquech.

⁷¿Táan wa a tucultic ma' yanchaj mix jun túul xiib táanil ti' techi' mix xan dzaca'anchaj ca'ach witzo'obi'?

⁸¿Táan wa a tuculticabáa u aj tzol xiquinech Ku, wa chéen teech u aj ojéelajil u yóokolcaab?

⁹¿Ba'ax a wojel teech ma' c ojel to'oni'? ¿Ba'ax a kaj óoltmaj ma' c kaj óoli'?

¹⁰¡To'one' wíinico'on dzo'oc nucuch máactal, ya'ab ba'alo'ob asab j canmaj ti' a taata!

¹¹¿Ma' chuca'an a wilic u qui'imac óolcunsaj Ku ti' techi' yéetel bix c muumun t'aniquechi'?

¹²¿Ba'axten ca cha'ic a jíilta'al tumen a tuucul yéetel cu dzíictal a paacat?

¹³¿ba'axten ca táaj dzíictal ti' Ku yéetel ca p'u'up'uchic a waak tu yo'olal ma' utz ta wóol ba'ax cu yúuchul ti' techi'?

¹⁴mina'an wíinic x ma' keban. mix ca a'ala'ac mina'an u si'ipil

¹⁵mixi' u ángelo'ob cu najmatico'ob u ya'alic wa utzo'ob, mixi' le ca'an utz yanil tu táano'.

¹⁶¡Jach mix le wíinic kasa'an yéetel p'ecbe'en, cu loobilaj je'el bix u yu'ukul ja'e'!

¹⁷Ch'en xiquintene'exi', tumen bin in ca'aj in wa'al ti' teech ba'ax dzo'oc in canic tin cuxtal,

¹⁸ba'ax cu ca'anbesa'al ti' to'on tumen le aj ojéelajo'obo'. Leti'obe' tu canajo'ob ti' u máanja'an ch'i'ibalo'ob,

¹⁹ti' máaxo'ob j ku'ub le lu'uma', ichilo'obe' ma' tu xa'akbesajuba'ob j táanxel lu'umilo'obi'.

²⁰U cuxtal le loolob wíinico', cóom, chuup xan yéetel yaayaj óolalo'ob.

²¹Cu ja'akal u yóol tu yo'olal u juum ba'alo'ob; le quéen u yu'ub ma'alob yanile' cu ma'achal tumen j oocolo'ob.

²²Ma' tu páajtal u púudzul ti' le éekjoch'e'enilo': ¡táan u ch'úucta'al u ti'al j lo'omol!

²³Bíin lu'ukuc u wíinclil tumen le j ch'oomo'ob; leti'e', u yojel ma' bíin u jech le quíimilo'.

²⁴Cu sajbe'encuunsa'al tumen le éekjoche'enilo', cu téec chu'ucul tumen le yaj óolal yéetel tumen loolob óolal, je'el bix u yúuchul ti' máaxo'ob cu ba'atelta'alo'ob tumen jun túul ajawe'.

²⁵Lela' cu yúuchul ti' máax cu líikesic u kab u Ku, u ti'al u yóoltic u ba'atelt le máax yaan tuláacal páajtalil ti',

²⁶Cu balic u wíinclil yéetel jun p'éel chimal u ti'al u pulicubáa x ma' tziiquil tu yóokol Ku.

²⁷poloc u wíiniquil yéetel tzaatz

²⁸Le caaj tu'ux cajacbale', bíin p'áatac x la' caajil; bíin p'áatac mix máac cajacbal tu najilo'ob, bíin p'áataco'ob jun múul x la' pako'ob.

²⁹Ma' bíin xáanchajac u ayikalil, ma' bíin sen jáayac u lu'umo'obi'.

³⁰Ma' bíin páatac u tzelcubáa ti' éekjoche'enilo'. bíin p'áatac bey jun cúul che' cu tóoca'al u yóolo'ob tumen káak, cu ju'utul xan u loolo'ob tumen iike'.

³¹Ma' u yalab óolticubáa ti' tuus tumen chéen tuus bíin u najmate.

³²Ma' kuchuc u kiinil quéen chuchulchajac u kabo'obi', ma' bíin ca'a tóop'oc u yóoli'.

³³Bey jun cúul uva ma' tu kantal u yicho'obe', bey jun cúul olivo cu pulic u loolo'obe'.

³⁴Le j loolob máaco'obo', ma' bíin yanac u ch'i'ibalo'obi, u yotocho'ob ayikalcunchaja'ano'ob yéetel u yoocolo'obe', bíin eleco'ob ich káak.

³⁵Kaakas ba'alo'ob u pakmajo'ob, óotzilil bíin yanac ti'ob; chéen tuusil bíin u jocho'ob.