Read Yucateco Job 17 Bible Online

Job 17 - Yucateco bible

Job 17

¹Táan u xu'ulul in wóol; táan u náadzal u kiinil in quíimil; táan u p'áatiquen le mucnalo'.

²Tin wicnale', chéen yaan j p'a'as wíinico'ob; mantadz táan u náacsico'ob in wóol.

³Ba'ale' in Yuumtzil, teche' je'el u páajtal a núuquic u t'aano'ob tin wo'olale'; ¿Máax wa ma' teech je'el u páajtal u beetique'?

⁴Teech máaxech ta sataj yóol u na'ato'obe', ma' a cha'ic u t'o'onancuntiqueno'ob.

⁵Bíin u mukyajto'ob wi'ij u paalal máaxo'ob, cu taquic u pool u yéet bisajbáilo'ob tu yo'olal jun p'éel siibal.

⁶Teche' dzo'oc a beetic u t'aan kaas tuláacal máaco'ob tin wo'olal, dzo'oc a beetic u túubico'ob in wich.

⁷In wiche' budzucnac u paacat tu yo'olal ki'inamil, in wíinclile', chéen bey jun p'éel bo'oye'.

⁸Lela' le quéen ila'ac tumen le j utzul máaco'obo', bíin ja'akal u yóolo'ob; cu p'u'ujulo'obe', cu tucultico'ob loolob máaquen.

⁹Leti'obe' cu babal a'alico'ob mina'an u si'ipilo'ob yéetel mix jun p'éel kaas u beetmajo'ob.

¹⁰Ba'ale' láaj co'otene'ex tin wicnal, tumen ma' bíin in nuptáant mix jun túul aj na'at ichile'exi'.

¹¹Xi'ic u bin u máan u kiinilo'ob in cuxtal, in tuuculo'ob tu yéetel in dzíibolajo'obe', táan u bin u sa'atalo'ob.

¹²Ba'ale' te'exe', le kiino' ca sutique'ex áakabil; ¡quex tumen éekjoch'e'ene', ca wa'alique'ex táan u náadzal le sáasilo'!

¹³Chéen ba'ax je'el u páajtal in pa'atique' leti'e' quíimilo', yéetel in tudztal j wenel ich éekjoche'enil.

¹⁴¡In taata, in maama yéetel in láako'obe', leti' le x nookolo'ob yéetel mucnalo'!

¹⁵¿Tu'ux p'áatal in alab óolal? ¿tu'ux yaan in toj óolal?

¹⁶Bíin éemeco'ob tin wéetel ichil le mucnalo', u ti'al c múul je'elel te j lu'umo'.