Read Yucateco Job 19 Bible Online

Job 19 - Yucateco bible

Job 19

¹Job túune' tu núucaj: ¿Ba'ax kiin bíin jáawac a beetique'ex in mukyaj yéetel a kilquene'ex yéetel a t'ane'ex?

³Dzooc a babal poch'iquene'ex; ¿ma' wa ta ch'a'ique'ex subtal a t'aniquene'ex beyo'?

⁴Quex wa jaaj si'ipilnaja'anene', in kebane' chéen ti' teen bíin u beet loob.

⁵Te'exe' ca tucultique'ex utze'ex asab ti' teen, ca pajique'ex in subtal tu yo'olal in nakan óotzilil.

⁶Ojéelte'ex ma'alob máax pulen j lu'um, Ku j beet in lúubul ti' le léecho'.

⁷Tene' quin wawtic; ¡Táan in quíimsa'al! ba'ale' mix máac núuquic in waawat; quin káatic áantaj, ba'ale' mix máac beetic ba'al tu beel ti' teen.

⁸Kue', dzo'oc u kalic in beel u ti'al ma' in máan; dzo'oc u yéekjoch'e'ecunsic in beel.

⁹Dzo'oc u toquic ti' teen in ayikalilo'ob, dzo'oc u lukesic ti' teen in péet jo'ol.

¹⁰Dzo'oc u p'atiquen nakan óotzilen; ¡dzo'oc u p'atiquen chéen x pikil kabil!

¹¹Tu láalaj u p'uja'anil tin wóokol tu beetaj ti' teen beyo', beyen u aj p'eeque'.

¹²Tuláacal u aj ba'atelo'ob tu pulajuba'ob tin wóokol; tu bakpachto'ob in wotoch u ti'al u ba'ateltiqueno'ob.

¹³Kue' tu beetaj u náachtal ti' teen in wíidzino'ob yéetel in wéet bisajbáilo'ob, bey je'el bix wa ma' u kaj óolmeno'obe'.

¹⁴In láako'ob yéetel in wéet bisajbáilo'obe', dzo'oc u xump'attiqueno'ob; le caja'ano'ob ca'ach tin wotoche', dzo'oc u tu'ubsiqueno'ob. u ti'alo'ob in x palitzilo'obe', beyen chéen jun túul wíinique'; cu beetico'ob bey ma' u kaj óolmeno'obe'.

¹⁶Wa quin t'anic jun túul palitzile', ma' tu núuquic in t'aan, quex in sen káat óolt ti'.

¹⁷Wa quin nadziquinbáa tu yicnal in watane', cu sutic u paach ti' teen; kaas u pactiqueno'ob in paalal.

¹⁸Tac le mejen paalalo'obo' cu cúulpachtiqueno'ob; chéen p'el in líikile' cu jo'op'ol u t'aano'ob kaas tin wo'olal.

¹⁹Tac in jach nadza'an éet bisajbáe' u p'ecmajeno'ob; le máaxo'ob in sen yaabiltmajo'obe' j t'aanajo'ob kaas tin wo'olal.

²⁰Dzo'oc u táakal in woot'el ti' in baaquelo'ob, jach istiquiaj cuxa'anilen

²¹In wéet bisajba'ex, ch'a'exten óotzilil, tumen Kue', dzo'oc u cha'ic u lúubul u kab tin wóokol.

²²¿Ba'axten ca ch'a'apachtiquene'ex je'el bix Kue'? ¿Ma' wa dzo'ococ a xupiquene'exi'?

²³¡Quexi' ca yanac máax dzíibtic in t'aano'obe', ca u dzíibt tu yóokol fierro!

²⁴¡Quexi'i ca u dzíibt yéetel jun p'éel cincel fierro u ca'aje', ca u dzíibt tu yóokol plomo wa tu yóokol tuunich u ti'al maantadz ja'abo'ob!

²⁵Tene' in wojel cuxa'an in aj tocsajil, leti' bíin t'aanac utzil tin wo'olal way j lu'ume'.

²⁶Quex ca lúubuc u xéexet'al in woot'ele', bíin in wil Ku tin wichil.

²⁷Bíin in pact tin wichil, ma' yaanal máac bíin tzicbaltic ti' teni. J p'áaten x ma' muukil

²⁸le ca tin wu'uyaj a wa'alique'ex: ¿Bix je'el u páajtal c ch'a'apachtique'? Leti' tu juunal tu caxantaj u loobil.

²⁹Ba'ale' ch'a'ex sajaquil ti' le máascabo', le máascab cu machic Ku u ti'al u jadzic le kaaso'. Ojéelte'ex yaan jun túul máax cu p'is óol.