Read Yucateco Job 21 Bible Online

Job 21 - Yucateco bible

Job 21

¹Job túune' tu núucaj: U asab utzil óolal cu páajtal a dzáiquex ti' tene' ca qui' u'uye'ex in t'aani'.

³Chúupajac a wóole'ex a wu'uyique'ex in t'aani', cu dzo'ocole', che'ejnene'ex wa a káate'exo'.

⁴Tene', ma' yéetel wíinic quin ba'ateli'; let o'olal cu lúubul in wóol.

⁵Wa ca a ch'en xiquintene'exe', sajaquilil bíin u beet a toottale'ex.

⁶Tac tene' le quéen jo'op'oc in tucultique', quin sen sajactal; in wíinclile' cu quiquilaanquil.

⁷¿Ba'axten ma' tu quíimil le loolob máaco'ob, cu nuxibtalo'ob cu sen ayikaltalo'ob xan?

⁸Cu yilico'ob u nuuctal u paalal u yáabilo'ob, máaxo'ob jedzecnac yanilo'ob tu tzéel.

⁹Mix ba'al bíin toquic u jéedzelil u yotocho'ob; ma' tu ja'adzalo'ob tumen Ku.

¹⁰Sen utzil u bin ti'ob yéetel u wacaxo'ob, u mejenilo'obe' utz u kuchul u kiinilo'ob u síijilo'ob.

¹¹U paalalo'obe', cu báaxalo'ob beyo'ob mejen j tamano'obe',

¹²cu síit' óokoto'ob yéetel u paaxil arpa, tamboro'ob yéetel flautaob.

¹³Tu xuul u kiinil u cuxtalo'obe' láili' ayikalo'obe'; ma' sajaco'ob u bino'ob tu mucnalo'obi'.

¹⁴cu ya'alico'ob ti' Ku: ¡Ma' a sajbe'encunsiquen, mix ba'al yaan c ila'a' tu yéetel a wa'almaj t'aano'ob!

¹⁵¿Máax le sen Aj páajtalil u ti'al ca c meyajto'? ¿Ba'ax u biilal ca xi'ico'on j payalchi' tu táan?

¹⁶Ba'ale' le j loolob máaco'obo', ma' leti'ob u yuumil u cuxtalo'obi'. ¡Ma' in káat ca tuuculnaquen je'el bix u tuuculo'obe'!

¹⁷¿Ba'ax kiin tu'upuc u sáasil le j loolob máaco'obo'? ¿Ba'ax kiin lúubuco'ob ich loobil? ¿Ba'ax kiin kuuxilnac Ku tu yéetelo'ob? ¿Ba'ax kiin u beetmaj u mukyajo'ob?

¹⁸¿Ba'ax kiin ki'itbesa'aco'ob bey le sojol cu bisa'al tumen le chac ikalo'?

¹⁹Cu tzicbalta'ale', Kue' bine' cu jadzic le paalal tu yo'olal u keban u taataobo'. Ba'ale' le loolob máaco' leti' u najmal u ja'adzal u ti'al ca canbalnac.

²⁰Leti'e' u najmal u kamic u jaadzil u p'uja'anil le sen Aj Páajtalilo'.

²¹¿Ba'ax káaj ti' je'el ba'axac ca úuchuc ti' u yotoch wa dzo'oc u quíimil?

²²(Ba'ale', ¿máax je'el u páajtal u tzolic u xiquintic Kue' wa leti' p'is óoltic u cajnáalilo'ob ca'an?)

²³Yaan máaxo'ob cu kuchul u kiinil quíimilo'ob láili' mu'uka'ano'ob, qui'imac u yóol, mix ba'al péecsic u yóolo'ob.

²⁴Ayikalo'ob yéetel toj u yóolo'ob.

²⁵Ba'ale' yaan u láako'obe' cuxa'ano'ob yaj u yóolo'ob, mix jun téen u túuntmajo'ob qui'imac óolal.

²⁶Quex bey u yúuchulo', ichil le mucnalo' láajqueto'ob, mina'an u jela'anil; tuláacalo'ob cu jaanta'alo'ob tumen x nookol.

²⁷Tene' in wojel bix a tuucule'ex tin wo'olal, in wojel xan ba'ax kaakas tuuculo'ob yaan ti' te'ex.

²⁸Ca káat chi'itique'ex: ¿Tu'ux dzo'oc u yotoch le loolob máaco'?

²⁹¿Ma' wa tzicbalnaque'ex yéetel le máaco'ob cu máano'obo'? ¿Ma' a wu'uymaje'ex ba'axo'ob cu tzicbaltico'obi':

³⁰le bin quéen quéen p'u'ujuc Kue', cu túuchi'itic jun p'éel loob ba'ale' ti' le loolob máaco' ma' tu yúuchul mix ba'al ti'?

³¹Mix máac cu pa'ajal u subtal tu yo'olal kaakas cuxtal, mix máac sutic ti' u jeel u kasa'anil.

³²Le quéen kuchuc u kiinil u bisa'al j mucbile', tuláacal caaj cu bin tu paach láakintic, yaan cu bino'ob táanili', yaan cu bino'ob paachili', cu wa'atalo'ob tu tzéel u mucnal, beyo'ob aj canano'obe', utz xan u ka'amal tumen le lu'umo'.

³⁴¡Ma' jaaj wa taalja'ane'ex a qui'imaccunte'ex in wóoli'! ¡chéen tuuso'ob tuláacal ba'ax ca sen a'alique'ex!