Read Yucateco Job 22 Bible Online

Job 22 - Yucateco bible

Job 22

¹Elifaz temanitae', tu núucaj: ¿Táan wa a tucultic quex buca'aj aj ojéelajil wíinic, je'el u páajtal u kabéetchajal ti' Kue'?

³¿Ba'ax cu náajalil wa ba'ax utzil cu kamic le sen Aj Páajtalil wa tu yo'olal toj a cuxtal wa mina'an a si'ipil?

⁴Wa tumen cu keyiquech, wa cu t'aniquech a cáant a si'ipil ti', ma' tu yo'olal a meyajtic yéetel chuca'an óolali',

⁵ba'ale' tu yo'olal ya'ab a kasa'anil máan tip'a'an xan a kebano'ob.

⁶Teche', ca tzáic ca'ach wa ba'ax yaan u tojol ti' a láako'ob tu yo'olal u p'aaxo'ob, quex ma' kabéet ti' teech ca'achi'; ca toquic ca'ach u nooko'ob quex a p'ato'ob chacnulil.

⁷Ti' máax ukaj ca'ache' ma' ta dzaj ja' ti'i'; ti' máax wi'ij ca'ache' ma' ta dzaj ba'al u jaanti'.

⁸¡Ba'ale' tu yo'olal yaan ca'ach a páajtalil, yaan xan ca'ach a tziiquile', ta tucultabáa u yuumilech tuláacal u yóokolcaab!

⁹Ca cha'ic u bin ca'ach x p'ikil kabil le x quimen íichamo', ca loobiltic ca'ach le j ma' taataobo'.

¹⁰Bejeláa túune' cu bakpachttiquech le quíimilo', ca téec u'uycabáa seten sajaquech.

¹¹Bakpachta'anech éekjoche'enil, mix ba'al cu páajtal a wilic; táan a bu'ulul tumen ya'abcach ja'.

¹²Junab Kue' ti' yaan tu asab ca'analil le ca'ano'; u asab ca'analil le eeko'obo', tu ni' u yooc yano'ob.

¹³¿Bix u páajtal a wa'alic Kue' ma' yojeli' ca tucultic bala'an u yich tumen u tatil le múuyalo'ob u ti'al ma' u yilic wa ba'ax kaas? ¿Bix u páajtal a wa'alic Kue' ma' tu paacat tumen chéen táan u xíimbalcuunsicubáa tu ca'anil?

¹⁵¿Ca tucultic a bin tu beelil éekjoch'e'enil tu'ux cu bin le loolob máaco'obo'?

¹⁶Leti'obe' séeb úuchic u quíimilo'ob, je'el bix le cu jáanpayta'alo'ob tumen jun p'éel nojoch áalcab ja'e'.

¹⁷Cu ya'alico'ob ca'ach ti' Ku: ¡Cha'a c beetic je'el ba'ax káate'! ¿ba'ax je'el u páajtal u beetic le sen Aj Páajtalil t o'olale'exo'?

¹⁸(Ba'ale' leti' j chup u yotocho'ob tu yéetel ba'alo'ob utztac. ¡Náach bíin máanac tin pool tuuculo'ob je'el bix le cu tucultico'ob le j loolob máaco'obo'!)

¹⁹Le aj ti'ibil bejo'obo', le quéen u yilo'ob le ba'alo'oba', cu qui'imacchajal u yóolo'ob; le j ma' si'ipilo'obo' cu che'ejo'ob

²⁰le quéen u yilo'ob u yelel u ayikalilo'ob le loolob máaco'obo'.

²¹Ca'a bisabáa utzil yéetel Ku, beyo' bíin xi'ictech utzil.

²²Cha'a u ca'anbesiquech, oques ta pool u t'aano'ob.

²³Wa ca t'onquinticabáe', cu suut a wóol ti' le sen Aj Páajtalilo', ca náachcuntic xan le kaas ta wotocho'

²⁴wa ca a lukes a poochil ti' qui'ichquelem oro mix ba'al u biilalo',

²⁵le sen Aj Páajtalilo', leti' bíin a wila'a asab qui'ichquelem ti' ya'abcach oro yéetel ya'abcach plata.

²⁶Ti' leti' bíin qui'imacchajac a wóol, bíin xan a pact yéetel ocsaj óolal.

²⁷Leti'e' bíin u yu'ub a payalchi', teche' bíin a dzo'ocbes a séeb chi' a beetmaj ti'.

²⁸Bíin xi'ic utzil ti' teech yéetel tuláacal ba'ax bíin a beete; bíin sáasilchajac a beel.

²⁹Tumen Kue' cu t'onquintic le ca'anal icho', cu toquic xan le cabal óolo'.

³⁰Leti' bíin toquiquech wa mina'an a si'ipil mix a keban.