Read Yucateco Job 23 Bible Online

Job 23 - Yucateco bible

Job 23

¹Jobe' tu núucaj: Tene' quin ca'a a'alic seten yaj tin wóol le ba'ax cu beeta'al ti' teen, tumen seten yaj u jadziquen Ku.

³¡Quexi' ca in wojéelt tu'ux je'el in nuptáantique', quexi' xan ca páatac in kuchul tu'ux yane'!

⁴Je'el in wa'alic tu táan ba'ax cu yúuchul ti' tene', tumen sen ya'ab ba'ax yaan in wa'al ti'.

⁵¡Je'el in wojéeltic bix in núuquic je'el ba'ax ca u ya'al ti' tene'!

⁶Ba'ale' leti'e', ma' bíin ba'atel t'aanac tin wéeteli', leti'e' bíin u ch'en xiquinten.

⁷Je'el u ya'alic jaaj ba'ax quin wa'alique', je'el u ya'alic mina'an in si'ipile', ¡je'el u jáalkabtiquen ti' in kalabil jun puli'e'!

⁸Ba'ale' wa quin bin in caxant Ku j lakine', mina'ani'; wa quin bin in caxant j chikine', wa ma' tin nuptáantique'.

⁹Quin tojtáantic j xaman, wa ma' tin wilique'; quin sutiquinbáa j noojol, ma' chica'an in wiliqui'.

¹⁰Leti'e' u kaj óol tu jujun p'éelil in xáakab; wa ca u túuntaj óoltene', je'el in jóokol utzil je'el bix le oroe'.

¹¹Tene' ma'atech in kéechel ti' le bej u ye'esmaj teno'.

¹²Mantadz quin dzo'ocbesic u ya'almaj t'aano'ob yéetel ba'axo'ob cu ya'alic ti' teen, ma' tin beetic le ba'ax in káate'.

¹³Le quéen u yóolt u beet wa ba'axe' cu beetic, mix ba'al beetic u kexpajal u tuucul.

¹⁴Le ba'ax u tucultmaj u beetic tin wéetele', leti' bíin u beete pa'ate' yéetel u láak ba'axo'ob cu beetic.

¹⁵Let o'olale', sajaquen ti'; chéen iquil tucultique' quin sen sajactal.

¹⁶Junab Ku le sen Aj Páajtalilo' dzo'oc u sajbesiquen.

¹⁷¡Quexi' ca sa'ataquen ichil le áakabo' u ti'al ca u balen le éekjoch'e'enilo'!