Read Yucateco Job 26 Bible Online

Job 26 - Yucateco bible

Job 26

¹Jobe' tu núucaj: ¡Jach túun a wojel a wáant le j ma' óolo', yéetel a líikesic le ma' j muuko!

³¡Buca'aj a wojelil a tzool u xiquint le j ma' na'ato'!

⁴¿Máax j áantech u ti'al a wa'al le t'aano'oba'? ¿Máax beetic a t'aan beyo'?

⁵[3]Le quimeno'ob yano'ob te j taamtam ka'anabo', cu quiquilaanquilo'ob tu taamil le ka'anabo'.

⁶Le mucnal tu'ux cu méektáan le quíimilo', u ti'al Kue' mix ba'al cu páajtal mucla'ali'.

⁷Ku sinmail le ca'an ti' mix ba'alo', tu ch'uyquintaj yóokolcaab tu jáampikenil.

⁸Leti'e' cu kalic le ja' ichil le múuyalo'obo', quex beyo' ma' tu xíiquilo'ob yéetel u aalil;

⁹Cu beetic u yéekjoch'e'etal le ujo' le quéen u ba'alac tumen jun p'éel múuyal;

¹⁰Tu p'isaj tu'ux bíin náacac u xuul le ka'anab u ti'al u jatzic le sáasil ti' le éekjoch'e'enilo'.

¹¹Le quéen kuuxilnac Junab Kue', cu quiquilaanquilo'ob yéetel sajaquil le pu'uco'ob tu'ux cu náacal le ca'ano'.

¹²Tu pa'aj u muuk le ka'anab yéetel u muuko', tu pa'aj u muuk Rahab le ba'aba'alo'.

¹³Tu táaj ustaj u múuyalilo'ob le ca'ano'; Tu quíimsaj tu kabil le nojoch caan dzitkalaco'.

¹⁴Lela', chéen jun p'íit le ba'alo'ob dzo'oc c u'uyico'; le ba'alo'ob dzo'oc u'uyico' chéen jun p'éel x cabal t'aanil. ¿Máax je'el u páajtal u ya'alic bix u beetic u juum le ka'amcach quíilbalo'?