Read Yucateco Job 4 Bible Online

Job 4 - Yucateco bible

Job 4

¹Elifaz j temanita túune', tu núucaje' ca tu ya'alaj: Job wa ca yanac máax t'aniqueche', je'el wa u náakal ti' teche' ba'ale' ma' tu páajtal u p'áatal ma' u ya'ala'al teech mix ba'al.

³Teche', ya'ab máaco'ob ca ca'anbesic ca'achi, cu dzo'ocole', ca beetic u yantal u yóol le j ma' muuko';

⁴teche', ca beetic u yáantal u yóol máax luba'an ca'acho' ca machic xan tu kab le máax ta'itac u lúubulo',

⁵¿ca ch'a'ic sajaquil, ma' j xiib a wu'uyicabáa bejela'a' kabéet a mukyaje'?

⁶Teech máaxech u chuca'an óol aj meeyjul Ku, jun túul máac toj a cuxtale', ¿ba'axten cu ca'a p'éelchajal a wóol?

⁷Tuuculnen u ti'al ca a wila'a wa je'el u ka'ajal ti' teech quex chéen jun túul j ma' si'ipil wíinic wa dzo'oc u xu'ulsa'al.

⁸In nuxibile', dzo'oc u ca'ansic ti' teen, le máaxo'ob cu quíimsajo'ob yéetel cu beetico'ob loobe' cu kamico'ob bo'olal ba'ax u beetmajo'ob.

⁹Kue', ichil u p'u'ujule' cu ustaj yóokolo'obe' yéetel lelo', cu jach xu'ulsa'alo'ob.

¹⁰Quex buca'aj ca dzíiquilnaco'ob yéetel jéencaalnaco'ob beyo'ob léono'obe', Ku bíin beet u maquic u chi'ob, chéen yéetel ca ca'achac u cojo'ob.

¹¹Bíin quíimico'ob beyo'ob léono'ob ma' tu caxantajo'ob u yo'ocho'obe', u paalalo'obe', bíin ki'itpajaco'ob.

¹²X ma' t'aanil kuchic ti' teen jun p'éel péectzil, tu yo'olal istiquiaj u yu'uba'ale' ch'éen p'elac tin wu'uyjilac juum u t'aanil.

¹³Tu yáakabil niquibo'ob wíinico'obe', yanchaj ti' teen jun p'éel jak óol wayak.

¹⁴J taal ti' teen nojoch sajaquil; quíilbalnaj tuláacal in baaquelo'ob.

¹⁵Tin wu'uyaj yusta'al in wich, ca xíix mucuychaj in wíinclil.

¹⁶Yaan máax wa'alacbali', páatchaj in wilic u yoochel ba'ale' ma' tin wilaj bix u yichi'. jach mix ba'al cu yu'uba'al ca'achi. Cu dzo'ocole' tin wu'uyaj u juum jun p'éel t'aan cu ya'alic:

¹⁷¿Je'el wa u páajtal u cuxtal toj le máac tu táan Kuo'? ¿Je'el wa u yila'al jach utz le wíinic tu táan máax j beetmailo'?

¹⁸Mix ti' u ca'anil aj meyajo'ob cu najmatico'ob u tucultic ba'al utz tu yo'olalo'ob. Tac ti' u ángelo'ob cu yilic ba'al ma' tu beeli',

¹⁹¡cux túun ti' le j ma' óol wíinic, bey jun p'éel u pak lu'umil naj j beeta'an yéetel u ma'ay lu'ume' cu páajtal u pe'ech'el bey je'el bix le j kamaso'!

²⁰Chéen tu yáam u sáastal yéetel u binbal kiine', cu xu'ulsa'al; cu quíimil jun puli', mix máac yaj óoltic xan.

²¹U cuxtale', cu xu'ulul bey jun jíil sóosquil cu t'óocole'; cu quíimil x ma' ojéelajil.