Read Yucateco Job 40 Bible Online

Job 40 - Yucateco bible

Job 40

¹Yuumtzile' tu ya'alaj xan ti' Job: ma' teech, a káat ca'ach a tac in pooli' quex tumen teen le Aj Sen páajtalilo', ¿láili' taac a quetlan t'aan tin wéetele'?

³Job túune' tu núucaj ti': ¿Ba'ax je'el u páajtal in núuquic wa mix ba'alene'? asab ma'alob ca in mac in chi'.

⁵Tene' dzo'oc in t'aan míin jai téen mina'an u láak ba'al kabéet in wa'alic.

⁶Yuumtzile' j t'aanaj tu ca'a téen tu chúumuc le chac iikalo', ca tu ya'alaj ti' Job:

⁷Bejela'e', e'es ti' teen a j xiixib máaquil, núuc túun ti' teen le káat chi'oba':

⁸¿Táan a tucultic a wa'alic ma' tu beel ba'ax quin beetic ca tucultic jun túulen aj si'ipil, u ti'al a chíicpajal mina'an a si'ipil?

⁹¿Tu jaajil jach mu'uka'anech je'el bixene'? ¿A t'aane' tu jaajil jach ka'am bey u quíilbal cháac, je'el bix in t'ane'?

¹⁰Wa beyo', nonojba'alcuntico', yéetel ajawcuntabáa, beet a bakpachta'al yéetel nojbe'enil bey xan tu yéetel qui'ichquelmil.

¹¹Pacte tuláacal le j ca'anal icho'obo': e'es a p'uja'anil u ti'al a t'ona'ancuntico'ob.

¹²Quíimso'ob tu yéetel a paacat, yach' le loolob wíinico'ob je'el tu'uxac ca yanaco'obe'.

¹³Láaj léech'into'ob tu mucnalo'ob, jupo'ob tu x kalab najil le quimeno'obo'.

¹⁴Teen túune' bíin ma'alob kaj óolt a páajtalil tu dzáa ti' teecho' u muukil a dzáanche'etaj.

¹⁵Ilawil Behemot le ba'aba'alo', teen j pate, je'el bix tin patilaqueche': xíiw cu jaantic je'el bix le cu jaantic le wacaxo'obo';

¹⁶il a wil buca'aj mu'uka'anil u pachcab yéetel buca'aj chichil u muuk u kabo'ob yéetel u muuk yooco'ob.

¹⁷U neje', sen chich bey kuulche'e', u xiich'el u yooco'obe' bey u mooquil kaaxo'obe'.

¹⁸U baaquelo'obe', bey bronce u ca'ajo'obe', bey u xóoxot'al fierroe'.

¹⁹in qui'ichquelem meyaj; chéen teen máax beete je'el in pa'ic u muuke'.

²⁰Tu káaxilo'ob tu'ux cu báaxal le j dzíidzic ba'alche'obo', ti' cu taasa'al xíiw u ti'al u jaanti'.

²¹Cu chital yáanal u bo'oy u che'il ja' cu ta'acbesicubáa ichil u jalalilo'ob áakal.

²²Cu dza'abal u bo'oy tumen le u che'il ja'o', cu bakpachta'al tumen u cóopo'ilo'ob áalcab ja'.

²³Wa cu na'acal u sayabil le áalcab ja'o', ma' tu ch'a'ic sajaquil, quex kuchuc le ja' tu ni'o' ma' tu péec u yóol.

²⁴¿Máax je'el u táabal u mach u ti'al u jóokes u yicho'ob wa u ti'al u jok u ni'e'?