Read Yucateco Salmos 1 Bible Online

Salmos 1 - Yucateco bible

Salmos 1

¹Qui' u yóol le máac ma' tu béeycuntic u tzol xiquinloolob máaco'ob, mix xan cu bin tu paach aj kebano'ob, mix tu múuch' cutal yéetel máaxo'ob cu p'a'astico'ob Yuum Ku,

²ba'ale' u yaabilaje' ti' u dzaamaj ti' u ya'almaj t'aan Yuumtzile', cu dzáic xan ti' tuucul bul kiin, yéetel bul áakab.

³Le máax beetic beyo', u cuxtale' bey jun cúul che' paka'an tu jáal tu'ux cu yáalcab ja', cu dzáic u yich tu kiinil, ma'atech xan cu kankantal u le'ob. ¡Tuláacal ba'ax cu beetique' cu jóokol utzil ti'!

⁴Ma' bey u yúuchul ti' j loolob máaco'obo', tumen leti'obe' beyo'ob sojol cu bisa'al tumen iike'.

⁵Le t o'olale', le j loolob máaco'obo', ma' bíin yanac cúuchil u ti'alo'ob tu kiinil p'is óolo'; mix bíin yanac cúuchil u ti'al aj kebano'ob, ichil múuch' cajtal aj ti'ibil bejo'obo'.

⁶Yuumtzile' cu canantic u cuxtal aj ti'ibil bejo'ob, ba'ale' u cuxtal j loolob máaco'obe' kaas u xu'ulul.