Read Yucateco Salmos 10 Bible Online

Salmos 10 - Yucateco bible

Salmos 10

¹Yuumtzil, ¿Ba'axten jach náach yanilech? ¿Ba'axten ca ta'acbesicabáa tu kiinilo'ob yaj óolal?

²Yéetel nonojbáile' le j loolob máaco', yéetel sen p'uja'anil cu ch'a'apachtic óotzil máac, ba'ale' bíin léechpajac ti' le léech u dzaamajo'.

³Le j loolob máaco' cu nonojbáil tu yo'olal udzíibolalo'ob; le máax pooche' cu loolob t'aan yéetel cu cúulpachcuntic Yuumtzil.

⁴Cu ca'analcuntic u yiche' cu ya'alic xan: Mina'an Ku. Mix máac yaan u ti'al u káat chi'iten. Bey u tuucul leti'o'.

⁵Ti' tuláacal ba'ax cu beetique' mantadz cu bin utzil ti'; u ti'al leti'e' le xot kiino' náach yanil, jach náach yanil, ma' tu yila'al. Cu p'a'astic u aj p'eeco'ob;

⁶cu tuclic mix máac cu bin beet u lúubul, mix bikin xan cu bin káatal ba'alo'ob tu beel.

⁷U chi'e' chuup yanil tu yéetel kaakas t'aano'ob, tuusilo'ob bey xan a'alaj ba'alo'ob; u t'a'ano'obe' cu muclic meyaj loob yéetel kasa'anil.

⁸Cu dzáicubáa j ch'úuctaj, ti' le péet caajo'obo', cu quíimsic le máax mina'an u si'ipilo'. Ma' tu lukesic u paacat ti' le máax ma' tu páajtal u toquicubáo';

⁹bey jun túul león tu áactun táan u báalamtic le óotzilo'; cu p'octal, cu motzicubáa, cu pulicubáa tu yóokol; le quéen u mache' cu jíilbisic tac tu áactun. Bey cu bin j lúubul tu mo'olo'ob le máaxo'ob ma' tu páajtalu toquicuba'obo'.

¹¹Le j loolob máaco' cu tucultic, Kue' cu tu'ubsaj; cu pixic u yich, mix bikin bin cu yilic mix ba'al.

¹²¡Líiken, Yuumtzil líikes a kab! ¡Ma' a tu'ubsic le máaxo'ob cu mukyajo'obo'!

¹³¿Ba'axten, in Ku, bíin p'a'asnaco'ob le j loolob máaco'obo', táan u tucultico'ob ma' bíin a káat chi'ito'ob ti' ba'ax cu beetico'obi'?

¹⁴Ta wichil ca wilic buca'aj taaquil u beetic loob; ¡teche' a wilmaj, bíin a dzaa u jaadzil ti'! ti' teech cu nadzicuba'ob le máaxo'ob ma' tu páajtal u toquicuba'obo'; teech u yáantaj le j ma' taataobo'.

¹⁵Xu'uls u páajtalil le j loolob máaco'obo'. ¡Káat chi'ito'ob ti' tuláacal u kasa'anilo'ob tac quéen p'áatac mix ba'al yaan u ya'alo'ob!

¹⁶Yuumtzile' ajaw u ti'al kiino'ob mina'an u xuul; ¡le t o'olale' le máaxo'ob ma' u kaj óolo'obe' bíin tojolch'inta'aco'ob tu caajal Yuumtzil!

¹⁷Yuumtzil teche' ca wu'uyic u payalchi' le óotzilo'obo', teche' ca líikesic u yóolo'ob yéetel ca táan óoltico'ob.

¹⁸Beet ba'ax no'oja'an tu yo'olal le j ma' taataobo' yéetel tu yo'olal le máaxo'ob yedza'ano'obo'; ¡u ti'al beyo' le j lu'umbe'en máaco' ma' u suut u paksajaquil!