Read Yucateco Salmos 101 Bible Online

Salmos 101 - Yucateco bible

Salmos 101

¹In káat in qui'iqui' t'ant le yaacunaj, bey xan letojilo'; Yuumtzil, in káat in kay teech kaayo'ob;

²in káat cuxtal yéetel tojil. ¿Ba'ax kiin quéen talaquech tin wicnal? Mix ba'al kaas cu bin yantal ti' in cuxtal tac ichil in jalach naj;

³mix bikin bíin in dzáa in paacat u ti'al in beetic loolob ba'alo'ob. In p'ecmaj le máaxo'ob ma' u kubmaj u yóolo'ob ti' Kuo'; ¡mix bikin je'el in cha'ic u náadzalo'ob tin wicnale'!

⁴Yaan in náachcunsic kaakas tuuculo'ob ti' teen; ¡mix ba'al kaas in káat in beete!

⁵Yaan in beetic u maquic u chi' le máaco'ob cu x mucul t'aan tu yo'olal u yéet caajalo'obo'. ¡ma' tu páajtal in mukyajtic le ca'anal icho' mix le nonoj ba'alilo'!

⁶Yaan in dzáic in wicho'ob tu yóokol le máaco'ob u kubmaju yóolo'obo', u ti'al ca cuxlaco'ob tin tzéel; Yaan u meyajtiquen chéen le máax cu bisic jun p'éel cuxtal tojo'.

⁷Mina'an cúuchil ta najile' u ti'al le j tuusil wíinico'; mix jun túul j tuus je'el u páajtal u yantal tin táan.

⁸Sáamsamal yaan in maquic u chi' tuláacal u kaakas máaquilo'ob le múuch' caajo'; yaan in jóokesic ti' u noj caajal Yuumtzil, tuláacal j meen loob.