Read Yucateco Salmos 103 Bible Online

Salmos 103 - Yucateco bible

Salmos 103

¹Yaan in qui'iqui' t'antic Yuumtzil yéetel tuláacal in wóol; yaan in qui'iqui' t'antic u quil'ich kaaba', yéetel incuxtal.

²Yaan in qui'iqui' t'antic Yuumtzil yéetel tuláacal in wóol; ma' bíin in tu'ubes mix jun p'éel u yutzilo'obi'.

³Leti' máax sa'atsic teen, tuláacal in kasa'anilo'ob; leti' máax dzaquic, tuláacal in koja'anilo'ob;

⁴leti' máax toquic in cuxtal ti' mucnal; leti' máax dzáic teen chuca'an yaacunaj yéetel muumun óolal;

⁵leti' máax chupiquen yéetel tuláacal ba'al ma'alob, cu táanquelemcunsiquen bey jun túul cóote'.

⁶Le Yuumtzilo' cu p'is óoltic yéetel u jaajil p'is óolal le máaxo'ob cu mukyajtico'ob loobilo'.

⁷Tu dzaj u kaj óolt Moisés yéetel u caajil Israel u beelo'ob yéetel u nucuch meyajo'ob.

⁸Yuumtzile' muun u yóol yéetel cu ch'a'ic óotzilil; ma' tu náacal u yóol, chuup yéetel yaacunaj.

⁹Ma' tu keyico'on sáamsamal, mix u kuuxil cu t'íilil.

¹⁰Ma' u dzáa to'on le bo'olil cu najmatic c kasa'anilo'yéetel c kebano'obo';

¹¹u yaacunaje' sen nojoch u ti'al máaxo'ob tziquico'ob je'el bix sen ca'anlil le ca'an tu yóokol lu'ume'.

¹²Dzo'oc u náachcuntic ti' to'on c kebano'ob je'el bix u náachcunsmail j lakin ti' j chikin.

¹³Yuumtzile' jach muumun óol yéetel le máaxo'ob tziquico' je'ebix jun túul taatatzil yéetel u paalale';

¹⁴tumen leti'e' yoojel yéetel ba'ax beeta'ano'on: ma'alob u yojelil, to'one' ma'ay lu'umo'on.

¹⁵U cuxtal máaque' bey je'ebix xíiwe', cu xíitil bey jun p'éel u loolil káaxe';

¹⁶le quéen chich ja'adza'ac tumen iike' cu quíimil, mix máac cu bin suut u yojéelt mix ba'al tu yo'olal.

¹⁷Ba'ale' u yaacunaj Yuumtzile', mina'an u xuul u ti'al le máaxo'ob tziquico'; leti'e' mina'an u xuul u tojil ti' tuláacal lech'i'ibalo'obo'

¹⁸u ti'al le máaxo'ob cu dzo'ocbesico'ob u nup t'aano' ma' xan tu tu'ubul ti'ob u yu'ubaj t'antico'ob u ya'almaj t'aano'ob.

¹⁹Yuumtzile' u dzaamaj u jalach káanche' te j ca'ano'; u ajawile' cu t'oonquinaj tu yóokol tuláacal.

²⁰¡Mu'uka'an ángele'ex qui'iqui' t'ante'ex Yuumtzil! te'ex ca dzo'ocbesique'ex ba'axo'ob cu ya'alic ca a beete'ex, te'ex, máaxe'ex a kubmaj a wóole'ex a wu'uyaj t'ante'ex.

²¹¡Qui'iqui' t'ante'ex Yuumtzil tuláacale'ex u cajnáalile'ex ca'an yéetel lu'um, máaxe'ex meyajtique'ex yéetel ca beetique'ex ba'ax u káati!

²²¡Qui'iqui' t'ante'ex Yuumtzil, tumen tuláacal le ba'alo'ob beeta'ano'ob ti' tuláacal u cúuchilo'ob u ajawil'! ¡Yaan in qui'iqui' t'antic Yuumtzil yéetel tuláacal in wóol!