Read Yucateco Salmos 108 Bible Online

Salmos 108 - Yucateco bible

Salmos 108

¹In pucsi'ikale' ¡u dzaamajubáa u kay tech kaayo'ob, in Ku! Aajen in pixan;

²aajene'ex u nu'uculilo'ob paax. ¡yaan in wajal ti' le túumben kiino'!

³Yuumtzil, yaan in qui'iqui' t'antiquech yéetel kaayo'ob, chúumuc ti' le caajo'ob, yéetel chúumuc múuch' le caajo'obo'.

⁴Tumen a yaacunaje' asab nojoch ti' le ca'ano'obo'. ¡A kub óolale' cu kuchul tac ca'an!

⁵¡In Ku, teche' ti' yanech tu yóokol le ca'ano'; a nojbe'enile' cu chupic tuláacal le lu'uma'!

⁶Toco'on yéetel a páajtalil, u ti'al ca dza'abac jáalkabil ti' le máaxo'ob ayaacuntmajo'. ¡Núuco'oni'!

⁷Kue' j t'aanaj likbal tu quili'ich najil: ¡Yéetel qui'imac óolal yaan in t'oxic Siquem yaan xan in t'oxic u táax lu'umil Sucot!

⁸Galaad yéetel Manasese' in ti'alo'ob; Efraine' u nu'uculil in pixic in pool; Judae' u xóolte'il in tusbej;

⁹Moabe' u leequil iquil in p'o'iquinbáa; tu yóokol Edome' yaan in pulic in xanab kéewel; ¡yaan in kayic dzáanche'etajil tu yóokol le filistiailo'obo'!

¹⁰¿Máax je'el u bisiquen te j tuulum noj caajo'? ¿Máax je'el u bisiquen tac Edome'?

¹¹Ku, tumen teche, dzo'oc a kex óoltico'on; bejela'e' ma' teech a jóokol yéetel c ba'atel máaco'ob.

¹²Áanto'on c ba'atelt, c aj p'eeco'obi', tumen mix ba'al u biilal u yáantaj wíinico'ob.

¹³Yéetel u yaacunaj Kue' je'el c beetique'ex nucuch ba'alo'obe'; ¡leti' bíin u yach' c aj p'eeco'ob!