Read Yucateco Salmos 11 Bible Online

Salmos 11 - Yucateco bible

Salmos 11

¹Tene' quin kubentiquimbáa ti' Yuumtzil. Chéen cunel ca a'ala'ac ti' teen: Púudzen te j káax je'el bix u púudzul le ch'íich'o'obo'.

²Tumen le j loolob máaco'obo' táan u nu'ucbesico'ob u julubo'ob, líikbal ti' jun p'éel ta'aca'an cúuchile' cu tulico'ob u julubo'ob tu yóokol le máaxo'ob utz u cuxtalo'obo'.

³Tumen wa cu lúubul u chuunpakilo'obe', ¿ba'ax je'el u páajtal u beetic le utzil máaco'?

⁴Ba'ale' Yuumtzile' ti' yaan tu quili'ich najile'; Yuumtzile' yaan u jalach káanche' te j ca'ano', yéetel u yicho'ob ma'alob p'ilmajile' cu ma'alob canantic le máaco'obo'.

⁵Yuumtzile' cu pactic le máaxo'ob utz u cuxtalo'obo', bey xan le máaxo'ob kaas u cuxtalo'obo'; cu p'ectic yéetel tuláacal u yóol le máaxo'ob cu yaabiltmajo'ob le meyaj loobo'.

⁶Leti' bíin u beet u káaxal taba'an chúuc, káak yéetel azufre yóokol le kaakas máaco'obo', bíin u taas jun p'éel iik cu bin u tóoc tuláacal. ¡Bíin dza'abac ti'ob tumen Yuumtzil le ba'ax cu najmatico'obo'!

⁷Yuumtzile' cu beetic ba'ax toj cu yaabiltic xan ba'ax toj; ¡le t o'olal bíin ila'ac tumen le máaxo'ob toj ucuxtalo'obo'!