Read Yucateco Salmos 110 Bible Online

Salmos 110 - Yucateco bible

Salmos 110

¹Yuumtzile' tu ya'alaj ti' in Yuumtzil: Culen tin x no'oj kabil, tac le quéen in dzáa a aj p'eeco'ob u cúuchilil a t'alcuntic a wooco'ob.

²Likbal Sione', Yuumtzile' cu kubic teech le xóolte', u chíiculal u páajtalil. ¡T'oonquit túun a aj p'eeco'ob!

³A caajale' cu kubicubáa ti' tech tu kiinil le dzáancha'atajo'; tu yóokol le quili'ich pu'uco'obo', je'ebix le p'uulja' cu síijil ti' le ja'atzcab kiino' u táanquelemile', cu túumbental sáamsamal.

⁴Yuumtzilo' dzo'oc u dzáic jun p'éel dzaa t'aan, ma' bíin u ya'al ma' beyili': Teche' j kiinech u ti'al mix bikin je'el bix u aj kiinil Melquisedeque'.

⁵Yuumtzile' ti' yaan ta x no'oj kabile'; tu kiinil u p'u'ujule' yaan u xu'ulsic le ajawo'obo';

⁶yaan u xotkintic le múuch' caajo'obo', yaan u chupic yéetel quimeno'ob, yaan u jéejench'intic poolo'ob ti' tuláacal le lu'umo'.

⁷Te j bejo' yaan u yukic ja' ti' jun p'éel áalcab ja', le ja' túuno' yaan u dzáic túumben muuko'ob ti'.