Read Yucateco Salmos 111 Bible Online

Salmos 111 - Yucateco bible

Salmos 111

¹¡Qui'iqui' t'anta'ac Yuumtzil! Yaan in qui'iqui' t'antic Yuumtzil yéetel tuláacal in pucsi'ikal ti' u múuch'cabil le utzil máaco'obo'.

²U meyajo'ob Yuumtzile' nuuctac, cu ch'a'a nu'uta'al tumen le máaxo'ob yaacuntmaile'.

³U meyaje' jadzutz yéetel nojbe'en, u yutzil xane' u ti'al mantadz.

⁴U jaaj óol meyajo'obe' tu beetaj ca ka'ajsa'ac. Yuumtzile' utz cu ch'a'ic xan óotzilil;

⁵cu dzáic janal ti' le máaxo'ob tziquico', mantadz kaja'an u nup t'aan ti'.

⁶Tu ye'esaj ti' u caajal u páajtalil u meyajo'ob iquil tu dzajilac ti'obe' le ba'ax u ti'al ca'ach le j ma' ocsaj óolo'obo'.

⁷Ba'ax cu beetique' u tojil yéetel u jaajil; je'el u páajtal u yocsaj óolta'al u ya'almaj t'aano'obe'

⁸tumen jejedzqui'ob u ti'al mantadz, beeta'ano'ob yéetel jaajil yéetel tojil.

⁹Tu dzaj jáalkabil ti' u caajal, yéetel tu jedzcuntaj u núup t'aan u ti'al mantadz. Yuum Kue' quili'ich yéetel sajbe'entzil.

¹⁰U nojoch ojéelajile' cu chúunul ti' u tzi'iquil Yuumtzil; le máaxo'ob tziquique', ma'alob u tuuculo'ob. ¡Yuum Kue' mantadz yaan u qui'iqui' t'anta'al!