Read Yucateco Salmos 112 Bible Online

Salmos 112 - Yucateco bible

Salmos 112

¹¡Qui'iqui' t'anta'ac Yuumtzil! Utz yanil máax tziquic Yuumtzil yéetel utz tu yóol u ya'almaj t'aano'ob.

²U ch'i'ibalo'ob máax toj u cuxtale' yaan u bin utzil ti'ob yaan xan u yantal páajtalil ti'ob te j lu'uma'.

³Tu yotoche' yaan u yantal ya'abcach ayikalil, yéetel mantadz utz u pucsi'ikal.

⁴Bey jun p'éel sáasilil ichil éekjoch'e'enile' cu jóopbal u ti'al utzil máaco'ob. Cu ch'a'a óotzilil, muun óol yéetel toj u cuxtal.

⁵Le utzil máaco' cu dzáic ba'al majnil yéetel utzil pucsi'ikal, cu nu'uctic u ba'aluba'ob yéetel tojil;

⁶le o'olale' mix bikin bíin lúubuc. ¡Máac toje' mantadz bíin ka'ajsa'ac!

⁷Ma' sajac ti' u tzicbalil ba'ax kaas cu yúuchuli'; u pucsi'ikale' jejedzquil yanil, u kubmaj u yóol ti' Yuumtzil.

⁸U pucsi'ikale' jejedzquil yanil; mina'an sajaquil ti'; yéetel páajtalil cu che'ej pactic u aj p'eeco'ob.

⁹Cu t'oxic siibal ti' óotzilo'ob, mantadz utz u pucsi'ikal, cu líikesic u táan jo'olal yéetel tziiquil.

¹⁰Le kaakas máaco' le quéen u yile' cu p'u'ujul; ichil u x ma' muukale' cu jajach' coj. U dzíibolaj le kaakas máaco'obo' cu mix ba'altal.